Levi 10:17 - Khumi Common Language Bible

¹⁷ “Nangchi ly ati mana nai y huni tawnbawi mawi ai meingtym kachaira cho u y lawh mo? Kamngo pahen nai katalamra ly talam patyp nai ne i, Areng my Israela chengchi i vui kamngo pahen pi ai nai molam, nangchi ai huni tawnbawi mawi kang pei nai ne.

Levi 10:17 Iomraidhean Croise

THEU NAI 28:38

Israela chengchi ly Kai, Areng teng y kapathypra talam nai molam y, jawi tamang nai awm lawh teu i py, huni katalamra ai kaimy kawn pi ai nai Aron ly lu kati y muku phei thangchi ai nai tla.

THEU NAI 28:43

Aron hawi my i chapochi ly kai i awmra Tabynako theung y kun nai khala py, meingtym Kachaira y pathyp pi nai keungchi i kalop sa ai nai maicham sahawi y ahai nai kha y py, kangji nga iy dei y ai nai, huni phangphi kadawichi amchiu ai nai tla. Hini reita ly Aron hawi ni i kangpreangchi teaung patawm jojo ai nai tla.

Levi 16:22

Hina nai kamta mi-i ly khumi angso by y nai mang y, khumichi i kamngo ngiereichi pho pi ai.

Levi 21:22

Huna nai pathyp pi nai keung ly kai teng y talam nai kapathypra kachai mo py, chai keh nai kapathypra mo py cha pajau nai ne;

Levi 22:16

huni katalamra ai chai hai y nai so moh. Huni katalamra cho ngau y nai khumi cha lawh baly, kamngo sa nai ne i pajeng naira avum ai. Kai ly Areng ne i, huni katalamrachi ai chai hai nai ne,” napi.

Kati Nai 18:1

Areng my Aron teng y, “Nang hawi nang i chapochi py, Levi theaungchi py, kai i awmra Tabynako i vui reita sa naira y tamang lawh baly, nangchi ly pajeng naira avum u ai; na i py pathyp pi nai keung kalop sa naira y tamang lawh baly, nang hawi nang i chapochi naini pajeng naira avum u ai.

JOHAN 1:29

Naibaly mymy ly khawn mang y Isu ai ni teng y jeu ai tau nai niu i, “Khen cham, Tameuh i Beram Cho, khaileaung pri i kamngo la pi veng nai keung ho!

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.