Levi 10:14 - Khumi Common Language Bible

¹⁴ Na i py nang hawi nang i dengtheungchi ly pathyp pi nai keungchi i vui Areng teng y talam patyp nai amsei hawi phaichi ai reita y meingtym kachai ra y cha ai nai tla. Hini phychi ly Israela chengchi i leunghawi katalamrachi theung i, nang hawi nang i chapochi ai vui nai mawi phy ne.

Levi 10:14 Iomraidhean Croise

THEU NAI 29:33

Nichi ly pathyp pi nai keung y tahm palyn nai khala, kamngo ahui nai kapathypra y talam nai teicha teineichi cha u ai nai tla. Huni teicha teineichi ly chai nai deaungkho y, pathyp pi nai keungchi naini cha pajau khyh nai ne.

Ezekiela 42:13

Huni khumi my kai ai, “Hini yhm nyhrei ly kachai ne. Areng i mo y kun nai pathyp pi nai keungchi ly huni yhmchi theung i, chai keh nai katalamrachi cha ai nai nga. Huni takunchi ly chai nai deaungkho y, pathyp pi nai keungchi ly teicha teinei katalamra, kamngo ahui nai kapathypra hawi, sa tamang nai kapathypra napi nai khri pa-rei chai parai nai katalamrachi khai u nai ne.

Levi 10:13

Huni tako ly meingtym kachaira y cha ai nai tla. Huni tako ly Areng teng y talam nai katalamra theung i, nang hawi nang i chapochi i vui phy ne. Huni ly Areng my kai teng y ang pei nai reita ne.

Levi 22:13

Na i py pathyp pi nai keung i chaniu ly juvo dei nai mo, ti y baly juvo hawi akhai nai mo, cho chanau so y nai deaungkho y ampo i yhm y ali nai ne baly, ampo i phy nga nai teicha teineichi cha pajau. Pathyp pi nai keung i yhm dengtheungchi naini hunichi cha pajau khyh nai ne.

Levi 9:21

Naibaly Aron ly Mosi my leu pei nai kamta, amseichi hawi lamtang phaichi ly pathyp pi nai keungchi i vui Areng teng y talam pi patyp bo.

Kati Nai 18:11

“Huni bo y Israela chengchi my kai teng y talam nai takhra talam patyp nairachi py, nangchi i vui ne. Huni katalamrachi ly nang hawi nang i kangpreangchi amtym jojo ai nai phy ne. Nang i yhm dengtheungra y reita leaungsai y chai nai ngiereichi ly huni teichachi cha pajau.

Kati Nai 5:9

Pathyp pi nai keung dengdairei Israela chengchi my Areng teng y talam patyp nai katalamra ngiereichi ly pathyp pi nai keung i vui ne.

JOHAN 4:34

Isu my nichi teng y, “Kai ai pato nai keung i kangai sa ai nai hawi, ni i kalop sa pajau ai nai ly kai i biu ne.