Levi 1:13 - Khumi Common Language Bible

¹³ Ni ly takuta hawi kheuchi tui hawi paju pyn ai nai tla; pathyp pi nai keung ly bom verei maicham salo y leng patlum ai nai tla. Hini talam nai mui kahawi ai ly Areng my kawn pi nai ne.

Levi 1:13 Iomraidhean Croise

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

2 NENG SATANG 4:6

Nichi ly Achura yhm tokalawi mang y pangrei, tosyh mang y pangrei khai ai nai tui kadengra horei py sa. Huni tui kadengrachi ly leng patlum nai kapathypra phyreichi paju pasi ai nai ne. Tuikanra i tui ly pathyp pi nai keungchi apaju apachai nai i vui ne.

Ezekiela 40:38

Apai angam mang i ly-um y tosyh ngan katheu pa-kho hawi abi iy pasawm bi nai yhm awm. Huni yhm dengdairei apai angam mang y mo tha nai kunra yhmchy mang y kun pajau. Hini yhmchy ly bom verei leng patlum ai nai tawnbawichi ai paju pachai nai meingtym ne.

Levi 1:9

Takuta hawi kheuchi ai tui hawi paju pyn ai nai tla; naibaly kalop amsi nai pathyp pi nai keung ly tawnbawi bomverei ai leng patlum ai nai tla. Hini talam nai mui kahawi ai ly Areng my kawn pi nai ne.

Levi 2:11

Areng teng y nangchi talam nai teicha teinei ngiereichi ly angbo abawi ai nai tlo y; Areng teng y talam nai teicha teineira y, mana khala py angbo, ti y baly khawi hang abawi ai nai avo y.

Levi 2:2

Aron i chapo pathyp pi nai keungchi teng y syn pi ai nai tla. Kalop amsi nai pathyp pi nai keung ly tako dei angsorei, asitui hawi mui kahawichi syn iy, maicham salo y leng patlum ai nai tla. Huna nai kapathyp ly Areng ai pany jo nai katalamra ne. Hini talam nai mui kahawi ai ly Areng my kawn pi nai ne.

Levi 3:5

Pathyp pi nai keungchi ly hunichi ai, leng patlum naira hawi vanrei, maicham salo y leng patlum ai nai tla. Huni talam nai mui kahawi ly Areng my kawn pi nai ne.

Levi 4:31

Naibaly leunghawi apathyp nai tawnbawichira i thauchi la nai kamta, mi-inu ra i thau ngiereichi la iy, maicham salo y leng patlum ai nai tla. Hini talam nai mui kahawi ai ly Areng my kawn pi nai ne. Pathyp pi nai keung ly hina nai kamta khumi leaungrei i kamngo molam talam pi nai deaungkho y, huni khumi ly kamngo pahen naira nga ai.

Levi 6:14

Hinichi ly teicha teinei talam ai nai i vui y reita leu pei naichi ne. Aron i kangpreang pathyp pi nai keung ly maicham mo y Areng teng y teicha teinei talam ai nai tla.

Kati Nai 15:3

“Nangchi ly Areng teng y leng patlum nai kapathypra mo, vaineng lawi y ai nai kapathypra mo, paleung kangai kapathypra mo, sa reng nai reita pawichira y apathyp nai katalamra mo, talam nai khala y, si katai, beram katai, mi-ichi talam pajau. Hini katalamrachi i mui katui ai ly Areng my kawn nai ne.

Kati Nai 15:4

Areng teng y beram, ti y baly mi-i hawi leng patlum nai kapathypra talam nai khumi ly tawnbawi hawi vanrei, teicha teinei katalamra y olive asitui palang nyhrei hawi katlen nai tako dei sie thomrei bo y, kreip hang palang nyhrei py syn ai nai tla.

Kati Nai 28:11

Losi kani ha tleirei, Areng teng y no-na by y nai si katai beaungjeaung nyhrei, beram katai harei hawi sanengrei awm khyh nai beram katai saryhrei leng patlum ai nai tla.

Kati Nai 28:8

Dym mang y pa-nyh beramcho ai talam nai khala py, khawn mang y talam nai kamta kreip hang katalamra abawi iy talam ai nai tla. Huni katalamra py kapathypra ne i, huni i mui kahawi ai ly Areng my kawn pi nai ne.

Leu Thui Nai 12:27

Huni chiu naira meingtym Areng i maicham tleaung y leng patlum nai kapathypra talam ai nai tla. Maicham tleaung y tawnbawi thi lei iy nangchi cha ai nga nai apathyp nai tawnbawi mawichi py, talam u ai nai tla.