JOSUA 9:18 - Khumi Common Language Bible

¹⁸ Na i py Israela cheng miteaungkehchi ly Areng Tameuh i amyn y vaineng abeu u nai deaungkho y, nichi ai padei u thai y bo. Hunai deaungkho y Israela chengchi ly miteaungkehchi i tlang tleaung y josei u nai ne.

JOSUA 9:18 Iomraidhean Croise

2 SAMUELA 21:7

Davida ly Tameuh i mo y Jonathan hawi vaineng asa nai molam y, Jonathan i chapo, Sawla i katu Mephiboseth ai lawi hai bo.

SAM 15:4

Nichi ly Tameuh my khai su nai khumichi ai paso i, Areng i leu tangai nai khumichi ai ly tahm khai iy palo reng; mana tanrei amy i vui sum naira tym lawh teu i py, amy i leu adeu nai kamta sa jojo reng.

Parip nai leu 5:2

Nang ly leu katheu y rai khala adawn pasym ba; Tameuh teng y leu adeu tamangtang moh. Mymy ly kani pri mang y awm i, nang ly khaileaung pri y awm. Hunai deaungkho y nang ly mymy teng y avo nai ryrei bo baly hnei panawi bi moh.

Parip nai leu 5:6

Nang i leu deaungkho y kamngo lawm moh sy; huni katamangra sa ai nai kai, ka-dawn by y leang, nanai Tameuh i pathyp pi nai keung mo y ahui ai nai tlo moh sy. Ati mana nai y Tameuh ai kado theu hai lawh mo? Nang i sa nai kalopchi phra hai ai nai nang ly ati mana nai sa lawh mo?

Parip nai leu 9:2

Khumi kahawi hawi khumi aso y naichi py, neaung hawi nai khumi hawi kyh nai khumi py, Tameuh i reita y paleung apei nai khumi hawi paleung apei y nai khumichi py, kapathypra talam nai khumi hawi talam y nai khumi py, atawm riri nai khym taham ly avum u nai ne. Neaung hawi nai khumi ly kamngo sa nai khumi tleaung y hawi keh nai ny y, vaineng abeu nai khumi ly vaineng abeu y nai khumi tleaung y hawi keh lawh y leang.

Kati Nai 30:3

Ampo i kry nai anui y awm nai anglo leaungrei ly Areng teng y ati mo ha harei talam ai nai leu adeu nai py ne sy, ati mo sai sairei amkyn ai nai vaineng abeu nai py ne sy,

Leu Thui Nai 23:22

Areng teng y vaineng adeu y naimy awm ai nai ngai baly awm pajau.

Leu Thui Nai 23:23

Na i py amy kangai vaineng adeu lawh baly, adeu nai kamta sa takengkei ai nai tla.

Leu Thui Nai 23:24

“Nangchi ly nangmychi Israela cheng tengtawi leaungrei i kreip akho theung y tako prei nai khala, kreip athaichi ngai nai ryrei jaw cha pajau, na i py yhm y syn ai nai ly ngo y.

JOSUA 9:17

Hunai deaungkho y Israela chengchi ly huni meingtym i nai theu u nai pa-thom kani y, huni khumichi i awm nai marychi, Kibeon mary, Kephirah mary, Beroth marychira y tym u.

JOSUA 9:19

Huna nai khala nichi my, “Achi ly Israela chengchi i Areng Tameuh i amyn y vaineng abeu chum nai deaungkho y, nichi ai kiu pajeung kadeaungchy hawi malawn py teaung pajau y leang bo.