JOSUA 9:14 - Khumi Common Language Bible

¹⁴ Israela chengchi ly Areng teng deng y naimy, huni khumi teng i cha nei vawnchi talam u nai ne.

JOSUA 9:14 Iomraidhean Croise

2 SAMUELA 2:1

Naibaly Davida ly Areng teng y, “Kai ly Juda marychi theung i mary ha hareira y chei iy peang ai a?,” nanai deng. Areng my, “Ne, chei pajau mang,” nanai pathang. Davida my, “Mani mary y mo?,” nanai deng. Areng my, “Hebron mary y chei,” napi.

2 SAMUELA 5:19

Davida ly Areng teng y, “Kai ly Philistia chengchi ai tiu ai nai avo na a? Nangmy kai ai eaung hai ai a?,” nanai deng. Areng my, “Chei, kai ly nang ai eaung hai ai!” nanai pathang.

EZARA 8:21

Tameuh ly achi i khuleaung amla naira lam patei pi iy, achi hawi vanrei cho chanauchi hawi yhmtheaung katuichi ang kry pi ai. Huni molam y achi bawibawi ly mymy i mo y paleung apanem parai naimy biu hai ai nai, hini Ahava tuilam sahawi y kaimy leu pei nai ne.

THEU NAI 28:30

Aron ly kai i mo y jeu nai khala, Urim hawi Thummim amthyp iy kun pajau ai nai, ni i tangtaang adangra y huni Urim hawi Thummim ai pacheang ai nai tla. Israela chengchi ly kai i kangai pany thai ai nai, Aron ly kai i mo y kun nai tleirei, huni tangtaang adangra amthyp ai nai tla.

Kati Nai 27:21

Pathyp pi nai keung Eleaza ly Urim hawi Thummim teaung iy, kai i kangai pany thai ai. Naibaly Josua ly Eleaza i paleung pado ai. Hina nai kamta Eleaza ly Josua hawi Israela cheng bawibawichi ai atiti aly kalopchira y pacheang ai mang,” napi.

JAKOB 1:5

Na i py nangchi theung y ami py cheng naira avaw baly, khumi bawibawi teng y jo y nai hawi pasai y naimy pei reng nai keung Tameuh teng y hnei sy, naibaly ang pei takengkei ai.

JOSUA 9:13

Kreip hang tleng nai thym khala ly mawipeih adymchi py kangthachi ne. Vai ly khencham! adymchi aseih piu veng bo. Khuleaung kamlo dengdairei jeu nai deaungkho y, kaichi i ateaungchi hawi phainaichi py tangym na bo,” nanai Josua teng y amti u bo.

TARA CHIH NAI KEUNGCHI 1:1

Josua dei nai bo y Israela chengchi my Areng teng y, “Mani cheng theaung ly kanan pri khumichi ai tiu ai nai chei man ai mo?,” nanai deng u.

TARA CHIH NAI KEUNGCHI 20:18

Israela chengchi ly Bethela mary y awm nai, chiu nai meingtym y chei iy, “Benjamin cheng theaungchi ai ami cheng theaungchi my tiu man ai mo?,” nanai Tameuh teng y deng u bo. Areng my, “Juda cheng theaungchi my tiu u man sy,” nanai pathang.

1 SAMUELA 22:10

Ahimelek ly Davida i vui Areng teng y ati sa ai avo mo, nanai deng pi; naibaly Davida ai teicha teinei py, Philistia khumi Koliatha i haisau py pei pi nai ne,” napi.