JOSUA 8:9 - Khumi Common Language Bible

⁹ Naibaly Josua ly vawi patyp nai risachi ai pato i, nichi ly A-i mary nidym ngan mang hawi Bethela mary sahawi y abyh iy ajeng u bo.

JOSUA 8:9 Iomraidhean Croise

ATITI AWM ANGCHEI NAI 12:8

Huni bo y tokalawi mang y asyh i, Bethela mary nisi mang mawi tleaung meingtym, nisi mang y ly Ai mary hawi nidym mang y ly Bethela mary sala y meingtym sa i awm bo. Ni ly hu y maicham sa bi i, Areng ai chiu bo.

ATITI AWM ANGCHEI NAI 32:21

Mymy ly langseaung syn naichi ai mo mang y pato chum baly huni vum ly anawn nai tai theung y i bo.

JOSUA 7:2

Josua ly Bethela mary nisi mang i Bethavan mary sahawi y awm nai A-i mary i awm nai sai khen paviu ai nai, khumi phyreichi ai Jeriko mary i dengdairei pato bo.

JOSUA 8:10

Khawn angthodyh Josua ly Israela cheng miteaungkehchi hawi vanrei, tavaimi risachi ai lu sa iy, A-i mary mang y amsa u bo.

JOSUA 8:12

Ni ly tavaimi risa leaung sangpangrei tahm ai, mary nidym i mang A-i mary hawi Bethela mary sala y abyh hai bo.

JOSUA 8:8

Nangchi mary ai tiu vui chum baly, Areng my leu pei nai kamta, mary mai leng vui ai nai tla. Hini leu pei nai kamta so u,” nanai leu pei.

1 SAMUELA 30:27

Ni ly vawnsai phyreichi ai py Bethela mary y awm nai khumichi teng y py, Juda pri tokalawi mang i Ramah mary y awm nai khumichi teng y py, Jatir mary i khumichi teng y py,