JOSUA 8:31 - Khumi Common Language Bible

³¹ Areng i miseaung Mosi i reitara y, “Tamo ateaung alangchi hawi, sih y nai lengseaungchi hawi maicham sa ai nai tla,” nanai leu pei nai kamta, huni maicham ai sa. Nichi ly leng patlum nai kapathypra hawi, amkawm nai kapathyprachi maicham tleaung y Areng teng y talam u bo.

JOSUA 8:31 Iomraidhean Croise

2 ARENG KEH 14:6

Na i py hi ly huni khumichi i cho chanauchi ai ly padei y i, “Amhm ampochi ai cho chanauchi i kamngo nai molam y padei moh; cho chanauchi ai py amhm ampochi i kamngo nai molam y padei moh. Khumi ly mymy i sa nai kamngo molam y naini padei ai nai tla,” nanai Mosi i reita cha-iu theung y awm nai Areng i Reita leu pei nai ai teaung patawm nai ne.

2 ARENG KEH 22:8

Shaphan ly samrang i leu pei naichi, Helkia teng y thui pi. Naibaly Helkia my, mymy ly Achura yhm theung y Reita leu pei nai cha-iu niu nai thui pi bo. Helkia ly huni cha-iu ai Shaphan teng y pei pi i, Shaphan ly phain nai ne.

2 NENG SATANG 25:4

Na i py nichi i cho chanauchi ai ly “Cho chanauchi i sa nai kamngo molam amhm ampo ai padei moh; amhm ampochi i sa nai kamngo molam y cho chanauchi ai padei moh,” nanai Mosi i reitara awm nai Areng i Reita kamta padei y nai ne.

2 NENG SATANG 35:12

Naibaly nichi ly Mosi i reita cha-iura thui yb nai kamta, leng patlum ai nai tawnbawichi ly mipuichi teng y yhm dengtheungchi ka-thui paji pi sei bo.

EZARA 6:18

Nichi ly Mosi i reita cha-iu theung y leu pei nai kamta, Jerusalem mary Achura yhm i kalop sa ai nai vui y, pathyp pi nai keungchi hawi Levi theaungchi ai ka-thui ka-thui kalop paji pi bo.

NEHEMIA 13:1

Naibaly huni kani y Mosi i Reita leu pei nai ai khumichi i mo y phain u i, Ammon chengchi hawi Moba chengchi ai, Tameuh i khumichi theung y mana khala py tabawi pajau y, nanai leu sai tym bo.

THEU NAI 18:12

Naibaly Tameuh teng y talam ai nai, Jethro ly bom leng patlum nai apathypra hawi takhra apathyprachi py syn; naibaly Aron hawi, Israela miteaung keh bawibawichi ly Jethro hawi vanrei, Areng i mo y cha nei ai nai chei u bo.

THEU NAI 24:5

Naibaly ni ly Israela cheng thawndeangchi ai pacheang i, nichi ly sichi tleh iy Areng teng y leng patlum nai kapathypra, leunghawi kapathyprachi talam u nai ne.

MATTHAI 12:26

Naibaly Setan ly Setan ai patheu ryp baly amy tengtawi atiu ryp nai tla veng; hunaibaly mymy i peang naira ly mana awm thai ai mo?

Leu Thui Nai 27:2

Jordan tavo angpeang chum baly nangchi i Areng Tameuh my pei nai pri y tym u nai kani y lengseaung puichi leng iy, angkadeng pajui u.

Leu Thui Nai 27:8

Angkadeng pajui nai lengseaungchi tleaung y, Tameuh i reita leu pei nai bawibawichi hawihai palai tajiu u typ,” napi.

JOSUA 1:8

Nang i chiu sa naira tleirei y Reita leu tajiu nai cha-iu avawrei phain ai nai tla. Huni cha-iu ai vum, kanithun phain amtiu iy, huni theung y abawi nai reitachi kry ai nai tla. Huna nai sa baly nang ly eaung naira nga ai.