JOSUA 8:2 - Khumi Common Language Bible

² Nang ly Jeriko mary hawi Samrang ai tamyh vui nai kamta, A-i mary hawi samrang ai py tamyh ai nai tla. Na i py vawnsai hawi tawnbawichi ly la pajau mang. Mary nithun mang kun pajau ai nai lampawm atheng hai ba,” nanai leu pei bo.

JOSUA 8:2 Iomraidhean Croise

2 NENG SATANG 13:13

Huni thym y Israela tavaimi kamkawm ly Juda tavaimi kamkawm ai motha naimy awm nai thym ne i, Jeroboam ly risa phyreichi ai Juda tavaimi kamkawm nithun mang kangviu y tiu ai nai pato bo.

2 NENG SATANG 20:22

Nichi khulym thui u amteaung nai thym khala, Areng ly tym dudu nai tavaimichi ai ahei hai phro bo.

SAM 39:6

Pa-pui kamta tanareichy heng khyh. Ni i sa nai leaungsaichi ly atyhtyh teu; ni ly yhmtheaung katui pateung achu teu i py, mani ai ly ami my amtym ai mo, nanai ni ly pany y leang.

LEU KACHENG 13:22

Khumi kahawi ly my i katu chanauchi i vui y yhmtheaung khai pi pajau ai; na i py kamngo sa nai khumichi i yhmtheaung katuichi ly khumi kahawichi i kiu y tym vui ai.

LEU KACHENG 28:20

Khumi kahawichi ly amtheaung naira kawi angym ai. Na i py vaimy nang ryp ai nai atho sa nai khumi ly kamngo pajeng naira avum ai.

JEREMIA 17:11

Teng y nai lam hawi paisa tangka ko nai khumi ly amy kadui y nai kaduichi ai oh nai tavo hawi atawm. Ni ly hawithym hawisai khala my, yhmtheaung katuichi phra iy, kangkhym y ly khumi ka-khum lawm lawh nai ne.

JEREMIA 51:12

Babulon mary apaichi panawi ai nai ka-ma-ra patei u. Nangchi i tamcheaung kamkawm khai panawi bi! Tamcheaungchi ai amo hai yb. Lampawm atheng ai nai tavaimi risachi ai tahyh u,” nanai leu pei u bo. Areng ly mymy i dawn yb nai kamta, Babulon khumichi ai pajei nai ne.

Leu Thui Nai 2:35

Tawnbawichi hawi mary theung i vawnsaichi py la u be bo.

Leu Thui Nai 20:14

Na i py neampachychi, deaungdichi, tawnbawichi hawi mary theung y awm nai vawnsai ngiereichi ly nangmychi i vui la pajau. Areng ly paleung ka-echi i vawnsai bawibawichi ai nangchi teaung ai nai, nangchi i kiu y ang au pi ai.

Leu Thui Nai 3:2

Na i py Areng my kai teng y, “Ni ai jei u moh. Kai ly ni ai py, ni i khumi bawibawichi ai py, ni i pri ai py, nang teng y kang pei ai. Nang ly Hesabon mary y peang nai Amori samrang Sihon ai tiu nai kamta, ni ai py tiu teang,’ ang napi.”

JOSUA 10:1

Jerusalem mary i samrang Adonizedek ly Josua my Jeriko mary tiu vui iy samrang ai padei nai kamta, A-i mary ai tiu vui iy samrang ai py, padei vui nai satang thai nai ne. Huni bo y Kibeon mary i khumichi ly Israela chengchi hawi ka-dyh ka-dawi leu sumneang asa iy, vanrei awm u nai satang py thai nai ne.

JOSUA 10:28

Huni kani y my Josua ly Makedah mary ai tiu pajau iy, Makedah samrang ai patiu vui bo. Mary i khumichi ai py, leaungrei py takhawi y naimy tleh chauchau nai ne. Jeriko samrang ai padei nai kamta, Makedah samrang ai py padei teang bo.

JOSUA 11:14

Israela chengchi ly huni marychira i vawnsai ngiereichi hawi si, beram tawnbawichi ai mymychi i vui la u. Mary i khumichi ai ly leaungrei py tleaung y pa-rei, tamyh u pawn nai ne.

JOSUA 6:21

Nichi ly mary theung y awm nai neampacho, neampachy, miteaung deaungdichi ai py, si, beram, keaungngo kano kasauchi ai py, haisau hawi tleh u pawn bo.

JOSUA 8:12

Ni ly tavaimi risa leaung sangpangrei tahm ai, mary nidym i mang A-i mary hawi Bethela mary sala y abyh hai bo.

JOSUA 8:14

A-i mary i samrang ly Josua i tavaimi risachi ai niu baly, my i tavaimi risa bawibawichi ai pangym kaliki iy, Israela risachi ai tiu ai nai Jordan tavo leaunghawi, jangvai atiu nai meingtym mang y amsa u bo. Na i py ni ly mary nidym mang y Israela tavaimichi amo yb nai ly pany y.

JOSUA 8:19

Josua ly tivi amkhaw iy mary mang y patyp nai khala, tavaimichi ly abyhra i nai theu u kaliki iy, mary theung y kun u i, mary ai mai hawi leng praw ryp bo.

JOSUA 8:24

Israela risachi ly adymra y paleung ka-echi ai leaungrei py tleaung y pa-rei padei chum baly, A-i mary theung y kun teang iy, awm rai nai khumi ngiereichi ai tamyh u pawn nai ne.

JOSUA 8:3

Hunaibaly Josua ly tavaimi risa bawibawichi hawi, A-i mary mang y tavai amsa ai nai angvei u rym bo. Ni ly vawi patyp nai tavaimi risa leaung meaungkateaung thomrei pato iy,

JOSUA 8:7

Hunaibaly nangchi ly abyhra i nai theu u iy, mary tiu vui ai nai tla. Nangchi i Areng Tameuh ly nangchi i kiu tleaung y mary ang au ai.

JOSUA 8:8

Nangchi mary ai tiu vui chum baly, Areng my leu pei nai kamta, mary mai leng vui ai nai tla. Hini leu pei nai kamta so u,” nanai leu pei.

JOSUA 8:9

Naibaly Josua ly vawi patyp nai risachi ai pato i, nichi ly A-i mary nidym ngan mang hawi Bethela mary sahawi y abyh iy ajeng u bo.

JOSUA 9:3

Hivit chengchi napi nai Kibeon mary i khumichi ly Jeriko mary hawi A-i mary ai mana tiu iy eaung nai mo, nanai thai u nai khala,