JOSUA 7:6 - Khumi Common Language Bible

⁶ Josua hawi Israela lu sa naichi ly paleung bi nai y, mychi i ateaungchi sei u i, Areng i Leu Maikawm Pawm mo y paleung si nai, mychi i lu y spryh aprawn u naimy, kani dym pa-rei ambeu u bo.

JOSUA 7:6 Iomraidhean Croise

ATITI AWM ANGCHEI NAI 37:29

Ruben ly tuikan theung y khen ali teang i, Josepha by y vui nai y paleung si nai mymy i baichu sei vui na bo.

ATITI AWM ANGCHEI NAI 37:34

Jakob ly paleung si nai mymy i baichu sei piupa iy, paisiu amchiu bo. Mymy ly chapo i vui y paleung si nai kra parai pa-rei vo tangam na bo.

2 SAMUELA 1:11

Davida hawi my i khumichi ly paleung si nai deaungkho y, mymychi i baichuchi sei u bo.

2 SAMUELA 1:12

Nichi ly tavai keung y Sawla hawi Jonathan py, Areng i khumi napi nai Israela chengchi neangneang dei nai deaungkho y, kani dym pa-rei biu hai naimy vo tangam u nai ne.

2 SAMUELA 1:2

Khawn khutawi baly Sawla i awm nai tavai taira i dengdairei, thawndeang leaungrei tym; ni ly my i baichu sei iy lu tleaung y spryh aphui naimy, paleung si nai sai amteng bo. Ni ly Davida teng y chei i, tahm khai nai khaileaung y meung.

2 SAMUELA 12:16

Davida ly deaungdi no hawi ali teang ai nai, Tameuh teng y chiu sa; samrang ly ati sai py cho nei y. Dym tleitleirei, my i takun theung y kun iy angsaveaungra y vumtorei aseaung nai ne.

2 SAMUELA 13:19

Tamar ly my i lu y maidym aphui i, ateaung py sei iy meimai y kiu hawi atamym naimy, vo nai tarawi y theu jo bo.

2 SAMUELA 13:31

Samrang ly paleung si parai naimy, mymy i ateaung sei iy khaileaung y atlym na bo. Huni meingtym y samrang hawi vanrei awm nai miseaungchi py, mychi i baichuchi sei u teang.

2 ARENG KEH 22:11

Samrang ly phain pi nai Reita leu thai nai khala y paleung si i, ateaung sei vui bo.

2 NENG SATANG 34:19

Samrang ly huna nai phain pi nai ai thai nai khala, mymy i ateaungchi sei nai ne.

EZARA 10:1

Ezara ly Achura yhm mo y lu meung naimy vo iy, kamngo ahui i chiu sa nai thym khala y, Israela neampacho, neampachy, deaungdichi abawi nai khumi mipuichi ly vo nai tarawi y ni teng y angym u bo.

NEHEMIA 9:1

Huni lo kani 24rei kani y Israela chengchi ly mymychi i kamngo molam y, paleung si nai ka-ma-ra paisiuchi amchiu u iy, lu y spryh aphui u; naibaly nichi ly mymychi i kamngo hawi amsi pajochi i kamngochi pany hai iy uikheih u bo.

ESTHER 4:1

Hina nai leaungsai bawibawi ai Modekai pany nai khala y khri pa-rei paleung bi i, mymy i ateaungchi sei iy paisiu akhiu, lu y maidym aphui bo. Naibaly ni ly khri pa-rei vo hang naimy samrang yhm katheu pa-kho y tym pa-rei, mary tako prei bo.

ESTHER 4:3

Samrang i leu pei nai cha tym nai pri khu ka-peang tleirei y Juda chengchi ly biu hai iy vo hang u nai ne. Khumi luteng paisiu amchiu iy maidym salo y jawn u bo.

JOBA 1:20

Huna nai khala Joba ly mymy i ateaungchi sei vui bo. Sam py avau vui iy, khaileaung y ambeu i chiu sa.

JOBA 2:12

Nichi ly kamlo mang dengdairei Joba ai niu u teu i py, mo ma u y na bo. Joba ne, nanai pany u nai khala, nichi ly vo tangam naimy, mychi i ateaungchi sei iy, mychi i lu tleaung y spryh tla hai ai nai pachaw u bo.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

TANGAM NAI LEU 2:10

Jerusalem mary i miteaungchi ly paisiu kanih akhiu naimy mymychi i lu tleaung y spryhchi aprawn iy, khaileaung y tynteng y naimy ateh u bo. Mary i anglochi py khaileaung y lu meung naimy awm u nai ne.

Kati Nai 14:6

Kanan pri y khen paviu naichi theung i, Nun i chapo Josua hawi Jephonneh i chapo Kaleb nini ly paleung ama nai y, myni i baichu sei vui iy,

Kati Nai 16:22

Na i py Mosi hawi Aron nini ly khaileaung y ambeu iy, “Aw Tameuh, nang ly khumi angso bawibawichi i hengra pakeung sangum ne. Khumi leaungrei i kamngo molam y cheng verei ai kado theu hai ai bo a?” nanai takeng.

Kati Nai 16:45

“Hini khumi mipuichi i ka-khan y asyn hawi veng. Kai ly nichi ai vaimy kataphra ai!” napi. Naibaly Mosi nini Aron ly khaileaung y ambeu hawi bo.

AMTAW 14:14

Na i py amtaw thau nai Barnaba hawi Pawla my ly huna nai thai baly myni i kanih sei iy khumi mipuichi teng y tlenrei khyh my satla praw iy aeu i,

JOSUA 7:7

Naibaly Josua my, “Salo kangteng Areng! kaichi ai ati mana nai y Jordan tavo angpeang hai lawh mo? Amori chengchi i kiu y au ai nai a? Kaichi ai tama hai ai nai a? Kaichi ly Jordan tavo vai mang y naini kaawm u jo baly hawi ai.

AMTENG HAI NAI 18:19

Naibaly nichi ly lu y spryh athi iy vo nai hawi paleung mawn naimy, ‘Huni avang pui ly taham si! taham si! Hunira y ly pangli paleaung keung ngiereichi ly huni i nang naira deaungkho y nang ra nang ra veng bo! Tanarei sala chy y huni ly ati sai py ny y nai palawn na ly,’ nanai aeu u bo.

TARA CHIH NAI KEUNGCHI 11:35

Jephetha ly chaniu ai niu nai khala paleung hawi y i, my i baichu sei iy, “Aw lo awi! nang ly kai i paleung ai no hai na ly! Kai ai paleung no hai nai khumi ly ati mana nai y nang ne lawh mo? Kai ly Areng teng y ji parai nai vaineng adeu nai ly ajiu teang thai y leang bo!” napi.

TARA CHIH NAI KEUNGCHI 20:26

Huna nai khala Israela cheng bawibawichi ly Bethela mary y chei iy vo u. Nichi ly Areng i mo y ateh iy, kani dym nai pa-rei biu hai u bo. Nichi ly Areng i mo y amkawm nai kapathypra hawi leng patlum nai kapathyprachi talam u.

TARA CHIH NAI KEUNGCHI 21:2

Hunaibaly vai, Israela chengchi ly Bethela mary y chei u iy, Tameuh i mo y kani dym nai pa-rei ateh u naimy,

1 SAMUELA 4:12

Benjamin cheng theaung theung i khumi leaungrei ly tavai atiu nai meingtym i dengdairei angpreng prei bo. Ni ly paleung si nai ka-ma-ra baichuchi sei iy, lu y spryh aphui naimy Siloh mary y kanirei tym prei.