JOSUA 7:24 - Khumi Common Language Bible

²⁴ Josua hawi Israela cheng bawibawichi ly Akhean hawi vanrei, tangka, ateaung hawi muku beangchi ai py, ni i cho chanauchi, si, beram, keaungngo kano kasau, Tai hawi ni i yhm dengtheung ngiereichi ai py, patang naira leaunghawi mang y pahawi u bo.

JOSUA 7:24 Iomraidhean Croise

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

JOBA 20:15

Khumi hawi y nai ly my i paviu nai vawnsaichi paleu ali teang ai. Hunichi ai Tameuh ly ni i taku theung i nai patheu pi vui ai.

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

LEU KACHENG 15:27

Tau hawi y nai leaungsai hawi, kamran nga ai nai atho sa nai ly my i yhm dengtheungchi ai patangra tym hai ai; un langseaung lo y nai khumi ly heng sau ai.

Parip nai leu 5:13

Hini khaileaung pri y khri pa-rei ka-jei hawi parai nai amjy harei ly hini ne: khumichi ly mo mang i neng y ngai nai khala y teaung ai nai tangkachi pateung u achu reng.

ISAIA 65:10

Nichi ly kai ai chiu naimy, mymychi i beram hawi si, painochi ai nidym mang i Sharon adym y py, nisi mang i Akhaw leaunghawi sui tlai naichira y py, anawnra palawn iy typ u ai.

HOSEA 2:15

Ni i kreip akhochi py hawi hai teang iy, Akhaw, napi nai kamtang leaung hawi ai, athang khai naira katheu lawm hai ai. Ni ly saneng theang nai neng, Aikupta pri i dengdairei theu nai khala i kamta, kai ai tamen ali teang ai.

JOSUA 15:7

patangra napi nai leaunghawi dengdairei, Debira mary mang y lyn kalau nai ne. Naibaly leaunghawi tokalawi mang y awm nai Adumim mawi aleaung hawi adengdang nai, Kilakala mary awm nai tosyh mang y amhi bo. Naibaly Ensimai tuikho dengdairei Enrokela mary y tym chum baly,

JOSUA 22:20

Zerah i chapo Akhan ly taphra pawn ai nai vawnsaichi molam y, leu pei nai tangai y nai deaungkho y, Israela cheng verei pajeng naira avum nai ny y a? Akhan i kamngo molam y, mymy leaungrei deira avum nai khyh ny y,” napi u.

JOSUA 6:18

Na i py nangchi ly taphra pawn ai naira i, ati sai py lo u moh; taphra pawn ai nai tla. Leu kabeaung y la lawh baly, Israela Tai theung y patang naira avum ai.

JOSUA 6:21

Nichi ly mary theung y awm nai neampacho, neampachy, miteaung deaungdichi ai py, si, beram, keaungngo kano kasauchi ai py, haisau hawi tleh u pawn bo.

JOSUA 7:1

Israela chengchi ly taphra pawn ai tla nai vawnsai harei py lo moh, napi nai Areng i leu ai Akhen ly tangai y nai deaungkho y, Areng ly Israela chengchi i tlang tleaung y khri pa-rei kado theu bo. (Akhen ly Juda theaung Zerah yhm dengtheung Zabdi i katu, Kami i chapo ne.)

JOSUA 7:23

Nichi ly huni vawnsaichi ai Josua hawi Israela cheng bawibawichi teng y tym hai i, Areng i mo y khai u bo.

JOSUA 7:26

Nichi my Akhean i veu tleaung y, lengseaungchi pakheng hai cheng bo. Huni lengseaung pakheng nai ly vaini khrairei awm jo nai ne. Hunichi molam y huni meingtym ai ‘Patang naira leaunghawi’ nanai vaini khrairei amyn pathi nai ne. Naibaly Areng i kado theu nai ly rym bo.