JOSUA 7:15 - Khumi Common Language Bible

¹⁵ Naibaly taphra veng ai nai vawnsai um paviu nai keung, nanai tambe avah nai khumi ly kai i Leu Maikawm ai taphra iy, Israela chengchi ai kangji kangai nga hai nai deaungkho y, nihawi vanrei ni i yhm dengtheungchi ai py, mai hawi taphra pawn ai nai tla,’ ” nanai leu pei bo.

JOSUA 7:15 Iomraidhean Croise

ATITI AWM ANGCHEI NAI 34:7

hunai thym khala y Jakob i chapochi ly huni satang thai i, daichi i nai tym u bo. Jakob i chapochi ly mychi i tuicho ai pajang nai ly Israela cheng verei ai tahm khai y nai ne i, so ngau y nai sa lawh nai deaungkho y, paleung no-ei i khri pa-rei kado theu u bo.

2 SAMUELA 13:13

Kai ly khumichi theung y mana meimai amteng vam ai mo? Nang py Israela chengchi theung y, pipi tahm awm ai ny y. Pahen parai naimy samrang teng y takeng ba. Huna nai takeng baly samrang my kai ai, nang teng y pei y nai ly awm ai ny y,” napi.

JOSUA 7:11

Israela chengchi ly kamngo sa u bo. Nichi ly kai i leu pei nai tangai u y. Nichi ly taphra pawn ai nai vawnsai phyrei um paviu u lawh. Huni vawnsaichi paviu iy, ka-chawi thui naimy, mychi i vawnsaichi hawi vanrei khai u bo.

JOSUA 7:16

Khawn khutawi angthodyh y Josua ly Israela chengchi ai cheng theaung ka-thui theu hai i, Juda theaung y tambe avah bo.

TARA CHIH NAI KEUNGCHI 20:10

Israela cheng phyho phyrei ly tavaimichi i vui cha-nei ateaungchi tha pi ai nai tla; huni bo i khumichi ly Israela chengchi ai ta-li ta-phang sa nai molam y, Kibeah mary i khumichi tlang tleaung y pajeng ai,” nanai thui u.

TARA CHIH NAI KEUNGCHI 20:5

Kibeah mary i neampachochi ly kai ai ka-jo hau nai yhm katanmeuh na bo. Nichi ly kai ai padei ai nai atho sa u teu i py, kai i aju katheang ai pajang u i, ni ly dei nai ne.

TARA CHIH NAI KEUNGCHI 20:6

Kai ly ni i veu syn iy tawpleu tawpleu chum baly, cheng theaung holai nyhreichi teng y, beang beangrei tha pi nai ne. Hini khumichi ly Israela chengchi theung y hawi y nai kalop, ta-li ta-pang sa u bo.

1 SAMUELA 26:21

Sawla my, “Kai tamang bo, kai i chapo Davida awi! kai teng y vawi teang jau ba; nang ly vai vum kai ai padei y nai deaungkho y, kai ly nang ai mo mang y mana khala py, ka-jeira so y leang bo. Kai ly khumi ka-khum lawm lawh! khri pa-rei hawi y nai kalop ai kasa lawh bo ly!,” nanai pathang.