JOSUA 7:11 - Khumi Common Language Bible

¹¹ Israela chengchi ly kamngo sa u bo. Nichi ly kai i leu pei nai tangai u y. Nichi ly taphra pawn ai nai vawnsai phyrei um paviu u lawh. Huni vawnsaichi paviu iy, ka-chawi thui naimy, mychi i vawnsaichi hawi vanrei khai u bo.

JOSUA 7:11 Iomraidhean Croise

2 ARENG KEH 18:12

Samari mary jum nai ly Israela chengchi mymychi i Areng Tameuh i leu tangai y naimy, mymy i sa nai leu maikawm ai taphra iy Areng i miseaung Mosi my pei nai Reitachi teaung patawn u y nai deaungkho y ne. Nichi ly leu tangai y, leu pei naichi py patawm u y.

2 ARENG KEH 5:24

Nichi ly Elisa awm nai mawi y tym u nai khala, Kehazi ly tangka khai nai paisiu nyhrei la iy, yhm theung y tawn jo. Naibaly Neaman i miseaung ni ai ly pato ali teang bo.

ISAIA 24:5

Khumichi ly Tameuh i reita leu pei naichi khai su nai molam py, mymy i deungtasa Leu Maikawm ngai y nai molam py, khaileaung ai chai hai y nai ne.

JEREMIA 31:32

Huni Leu Maikawm ly nichi i amsi pajochi ai Aikupta pri i dengdairei patheu nai thym khala i, nichi hawi asa nai Leu Maikawm hawi atawm ai ny y. Kai ly nichi i juvo kamta ne teu i py, nichi ly kai hawi asa nai Leu Maikawm ai patawm u y.

HOSEA 6:7

“Na i py nichi ly kai hawi sa nai Leu Maikawm ai Adam kamta taphra iy, kai i tlang tleaung y ka-ym by y bo.

Levi 5:15

Ami mo ly Areng i vui y kachai khai patyp naichi ai athang khai y naimy sa tamang lawh baly, ni ly Areng teng y no-na by y nai beram katai, ti y baly mi-i katai syn ai tla. Huni beram, ti y baly mi-i i vang apani nai tangka py syn ai nai tla.

HABAKKUK 2:6

Tavai sum nai khumichi ly tavai eaung nai khumichi tlang tleaung y, paleung no-ei nai leu katheu iy, khumi aniu y nai sa u ai. Nichi my, “Amychi peang y nai yhmtheaung katuichi ai lawm u nai nangchi ly taham si u bo. Nangchi ly mana tanrei kakra, nangmychi i kalai keungchi ai tapawp iy, nangmychi nang chawn ai nai sa u veangveang ai mo?” nanai thui u ai.

ZEKHARIAH 5:4

Ati cheaungkhang sa thai nai keung Areng my, kai ly hini amsawi ai kapato ai i, huni ly kai i amyn y tau iy ka-chawi leu thui nai khumi ngiereichi hawi, kangviu khumi ngiereichi i yhmchira y awm ai. Huni yhmchi py amsawi leu theu vui nai khala, phra seaungkhrang naimy awm ai,” napi.

MATTHAI 22:21

Naibaly mymy ly nichi teng y, “Tumbaly Kaisara i atitichi ly Kaisara teng y pei u ly: Tameuh i atitichi ly Tameuh teng y pei u bei,” napi.

AMTAW 5:9

Naibaly Petera my ni teng y, “Ati mana nai Areng i Phailo ai cham ai nai nangni leu adyh hawi lawh? Khen cham, nang i juvo ai up nai keungchi i kheu ly katheu pa-kho ahawi y tym bo, nichi ly nang ai py ajeaung ai mang,” napi.

Leu Thui Nai 17:2

“Nangchi awm nai marychi theung y neampacho phyreichi, ti y baly neampachy phyreichi ly Areng i leu tangai y naimy, Leu Maikawm ai taphra nai kamngo sa u iy,

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

JOSUA 23:16

Nangchi ly Leu Maikawm patawm ai nai, nangchi i Areng Tameuh my leu ang pei i py, so patawm y naimy tameuh takhrachi ai chiu u lawh baly, mymy ly kado theu iy, ang pei nai hini pri kahawi ra y nangchi myh kang nai pa-rei, nangchi ai ang pajeng ai,” napi.

JOSUA 7:1

Israela chengchi ly taphra pawn ai tla nai vawnsai harei py lo moh, napi nai Areng i leu ai Akhen ly tangai y nai deaungkho y, Areng ly Israela chengchi i tlang tleaung y khri pa-rei kado theu bo. (Akhen ly Juda theaung Zerah yhm dengtheung Zabdi i katu, Kami i chapo ne.)

JOSUA 7:10

Areng my Josua teng y, “Angthau! Ati mana nai khaileaung y ambeu lawh mo?

TARA CHIH NAI KEUNGCHI 2:20

Huna nai khala Areng ly Israela chengchi ai khri pa-rei kado theu i, “Huni khumichi ly kai i leu tangai y, kaimy nichi teaung patawm ai nai amsi pajochi teng y pei nai Leu Maikawm taphra u.

1 SAMUELA 14:38

Hunanai khala y Sawla ly khumichi ai lu sa nai keungchi teng y, “Hi y jeu u, vaini achi ati kamngo sa mo, nanai pany ai nai adeng u.