JOSUA 7:1 - Khumi Common Language Bible

¹ Israela chengchi ly taphra pawn ai tla nai vawnsai harei py lo moh, napi nai Areng i leu ai Akhen ly tangai y nai deaungkho y, Areng ly Israela chengchi i tlang tleaung y khri pa-rei kado theu bo. (Akhen ly Juda theaung Zerah yhm dengtheung Zabdi i katu, Kami i chapo ne.)

JOSUA 7:1 Iomraidhean Croise

ATITI AWM ANGCHEI NAI 34:27

Huna nai kamta padei pajau nai bo y, Jakob i takhra chapochi py mychi i tuicho ai taphra nai hawi kangji pei nai molam y, mary theung kun u i vawitheung tha u nai ly

2 SAMUELA 24:1

Huni bo y Areng ly Israela chengchi tlang tleaung y kado theu nai deaungkho y, nichi ai pajeng ai nai molam, Davida ai kamngo sa hai. Areng my Davida teng y, “Chei ly Israela hawi Juda pri y khumi vuikanai lo.” napi.

2 ARENG KEH 5:24

Nichi ly Elisa awm nai mawi y tym u nai khala, Kehazi ly tangka khai nai paisiu nyhrei la iy, yhm theung y tawn jo. Naibaly Neaman i miseaung ni ai ly pato ali teang bo.

1 NENG SATANG 21:7

Davida i sa nai kalop ai Tameuh my paleung angai y nai deaungkho y, Israela chengchi ai pajeng nai ne.

2 NENG SATANG 24:18

Hunai deaungkho y khumi mipuichi ly Achura yhm y amsi pajochi i Areng Tameuh ai chiu nai khai su iy, mynchi hawi Asherah tameuhnu i tamkhawnchi ai chiu u. Hina nai nichi i sa nai kamngo molam y. Areng i kado theu nai ly Juda pri hawi Jerusalem mary tlang tleaung y tym bo.

EZARA 9:6

Kai ly “Aw Tameuh, kaichi i kamngo ly kaichi i lu um nanai pa-rei nawi na bo. Huni kamngochi ly kani mang y angteu na bo.

JOBA 35:8

Nang i sa nai kamngochi ly nang kamta, khumichi ai patang naira tym hai pajau; nang i kahawi sa naichi py, khumichi ai hawi naira nga hai pajau nai ne.

Parip nai leu 9:18

Tau cheng naira ly tavai ateaung tleaung y hawi keh; na i py kamngo sa nai khumi leaungrei ly hawi naira ai takhra hai pajau nai ne.

DANIELA 9:7

Aw Areng, nang ly kateng sa jojo nai ne. Na i py kaichi ly kaimychi ai kangji nga hai bo. Juda pri y py, Jerusalem mary y py, awm nai khumichi hawi nang i leu tangai y nai deaungkho y, kamlo kang sa prichi mang y ahei akyhkyh nai Israela cheng bawibawichi py, huna nai kamta mymychi ai mychi naimy tahm anem hai u bo.

Levi 10:6

Naibaly Mosi my Aron hawi ni i chapo Eleaza, Ithama nini teng y, “Nangni ly paleung si nai sai patei ai nai molam y sam aseu y nai awm moh, nangchi i baichuchi py sei u moh. Leu pei nai kamta so y lawh baly dei u ai; Areng my py Israela chengchi tlang tleaung y kado thau hai ai. Na i py nangni i amjo amnau Israela chengchi ai ly Areng teng i mai tla hai iy, dei nai khumi i vui paleung si nai sai patei pajau.

JONA 1:7

Naibaly sampho i khumichi my, “Achi hinai kamta patangra avum nai ly amimi i kamngo molam y tym nai mo, nanai pany ai nai tambe va u sina, nanai mychi tengtawi arum u. Nichi ly tambe va i, Jona i amyn avah khyp bo.

JOSUA 22:16

Areng i khumi mipuichi jeng y nichi teng y thui nai ly “Nangchi ly ati mana nai deaungkho y Israela chengchi i Tameuh ai tiu iy, hini hawi y nai kalop sa u lawh mo? Nangchi ly hini maicham sa u nai molam y, Areng ai tiu u nai bo. Mymy ai khai u su lawh ly!

JOSUA 22:18

Mymy ai vai, khai u su ai bo a? Nangchi ly Areng ai vaini tiu u baly, khawndam mymy ly Israela cheng verei ai kado theu ai.

JOSUA 22:20

Zerah i chapo Akhan ly taphra pawn ai nai vawnsaichi molam y, leu pei nai tangai y nai deaungkho y, Israela cheng verei pajeng naira avum nai ny y a? Akhan i kamngo molam y, mymy leaungrei deira avum nai khyh ny y,” napi u.