JOSUA 6:6 - Khumi Common Language Bible

⁶ Josua ly pathyp pi nai keungchi ai palau iy nichi teng y, “Leu Maikawm Pawm angjeaung u ly nangchi theung i leaung saryhreichi ly bawchi syn naimy, Leu Maikawm Pawm i mo mang tako u,” napi.

JOSUA 6:6 Iomraidhean Croise

THEU NAI 25:14

Pawm angjeaung ai nai samtleangchi ly Pawm y tai nai sengtlengchira y thawi yb ai nai tla.

AMTAW 9:1

Na i py Sawla my ly Areng teng y abangnaihchi ai ram nai leu hawi mymychi ai padei ai tau nai leu thui nai tarawi y, pathyp pi nai keung kalen keh teng y chei i.

JOSUA 24:11

Hunaibaly nangchi ly Jordan tavo angpeang iy, Jeriko mary mang y tym u. Jeriko mary i khumi Amori cheng, Perizi cheng, Kanan chengchi ai tiu u. Na i py kai ly nangchi teng y, nichi bawibawi ai tiu i eaung hai bo.

JOSUA 3:3

khumichi teng y, “Nangchi i Areng Tameuh i Leu Maikawm Pawm ai, pathyp pi nai keungchi my angjeaung nai niu nai khala, nangchi ly Tai vym iy, nichi nithun abang u ai nai tla.

JOSUA 3:6

Naibaly ni my pathyp pi nai keungchi teng y Leu Maikawm Pawm angjeaung iy mipuichi mo mang tako hai nai kamta, nichi ly tako u nai ne.

JOSUA 6:5

Naibaly pathyp pi nai keungchi ly baw raawi pajeng parai naimy tlenrei eng u ai nai tla. Huni baw katyn thai nai khumi bawibawichi ly tao pajeng parai naimy aeu u ai nai tla. Huna nai khala mary apai anawi ai i, tavaimi risa bawibawichi ly mychi awmra dengdairei, rai y nai my mary theung y kun ai nai nga u ai,” nanai leu pei bo.

JOSUA 6:7

Naibaly kangman keh y tavaimi risachi, huni bo y Areng i Leu Maikawm Pawm, kangkhym keh y khumichi abang iy mary taki ai nai Josua my leu pei nai ne.

JOSUA 6:8

Josua my leu pei nai kamta, baw eng nai pathyp pi nai keungchi i mo y, tavai ateaung amthyp nai risachi tako u amteaung bo. Nichi i nithun y Leu Maikawm Pawm angjeaung nai pathyp pi nai keungchi, nichi nithun y risachi tako u bo. Nichi tako u nai thym khala, pathyp pi nai keungchi ly bawchi eng u nai ne.

1 SAMUELA 4:3

Dei y nai tavaimichi ly tai nai meingtym y tym u teang nai khala, Israela lu sa nai keungchi my, “Areng ly ati mana nai deaungkho y, vaini achi ai Philistia chengchi teng y sum hai lawh mo? Achi ly Siloh mary y awm nai Areng i Leu Maikawm Pawm lo u sina; naibaly mymy ly achi hawi vanrei chei ai i, paleung ka-echi teng i nai achi ai atleu ai,” nanai thui u bo.