JOSUA 6:5 - Khumi Common Language Bible

⁵ Naibaly pathyp pi nai keungchi ly baw raawi pajeng parai naimy tlenrei eng u ai nai tla. Huni baw katyn thai nai khumi bawibawichi ly tao pajeng parai naimy aeu u ai nai tla. Huna nai khala mary apai anawi ai i, tavaimi risa bawibawichi ly mychi awmra dengdairei, rai y nai my mary theung y kun ai nai nga u ai,” nanai leu pei bo.

JOSUA 6:5 Iomraidhean Croise

THEU NAI 19:19

Baw katyn py pajeng ryh pajeng ryh bo. Mosi my thui baly Tameuh my kani pajyh nai kamrawi y pathang pi nai ne.

ISAIA 25:12

Tameuh ly asang parai nai Moba mary apai, amtangrachi ai taphra iy, spryh theung y anawi hai ai.

ISAIA 30:25

Nangchi ly paleung ka-echi i amtangrachi taphra vui iy, nichi ai padei pawn nai khala y, mawi hawi mawi aheung awm nai tleireira i micheaung tuichi ly leaung kathiu ai.

JEREMIA 50:15

Mary tengpang sahawi y tavai atiu nai katynchi aeu u! Vai Babulon mary ly kasum apei veng bo. Mary apaichi ly anawi seaungkhrang veng bo. Kai ly Babulon chengchi ai vawitheung katha nai ne i, nangchi ly nichi i tlang tleaung y vawitheung tha u. Khumi takhrachi ai nichi my sa nai kamta, nichi ai py so u teang.

HEBRAI 11:30

Ym naira deaungkho y Jeriko avang i apai ly kani saryhrei taki u nai bo y ly anawi veng bo.

JOSUA 6:16

Mary ai tlen saryhrei taki thym nai, pathyp pi nai keungchi baw eng ai yh yh nai khala, Josua ly khumi bawibawichi teng y, “Tao pajeng parai naimy aeu u; Areng my nangchi teng y mary ang pei nai bo!

JOSUA 6:20

Naibaly pathyp pi nai keungchi my baw eng phai eng baly, khumi bawibawichi ly tao pajeng parai pa-rei aeu u i, mary apaichi anawi seaungkhrang na bo. Israela cheng bawibawichi ly mary theung y rai y naimy kun u i, mary ai vym vui bo.

JOSUA 6:4

Pathyp pi nai keung leaung saryhreichi ly baw ha harei syn iy, Leu Maikawm Pawm mo mang tako ai nai tla. Saryh kani y pathyp pi nai keungchi ly baw eng naimy lu sa iy, nang hawi nang i tavaimichi ly mary ai tlen saryhrei taki ai nai tla.

JOSUA 6:6

Josua ly pathyp pi nai keungchi ai palau iy nichi teng y, “Leu Maikawm Pawm angjeaung u ly nangchi theung i leaung saryhreichi ly bawchi syn naimy, Leu Maikawm Pawm i mo mang tako u,” napi.

TARA CHIH NAI KEUNGCHI 20:37

Huna nai khala y abyh nai tavaimichi ly Kibeah mary theung y kun u kaliki i, khumi amji phro iy mary theung y awm nai ngiereichi ai padei u nai ne.

1 SAMUELA 17:20

Davida ly kani pa-nyh khawn angthodyh ang thau iy, beramchi ai ly khumi leaungrei teng y au i, teicha teineichi syn naimy ampo Jesai i thui pi nai kamta chei bo. Ni ly Israela chengchi hawi Philistia chengchi atiu ai nai aeu nai my amsa nai neng y tym.

1 SAMUELA 17:52

Israela hawi Juda risachi py, aeu nai raawi hawi my kathmary hawi Ekron mary katheuchi ryrei, nichi ai hui iy tiu u. Philistia chengchi ly tamo nga u i, kath mary hawi Ekron mary Saaraim lam jeungrei dei u.

1 SAMUELA 4:5

Leu Maikawm Pawm tym nai khala y Israela chengchi ly amo theu nai deaungkho y, khaileaung amchyh na pa-rei aeu u bo.