JOSUA 6:19 - Khumi Common Language Bible

¹⁹ Muku, tangka, kheupaja, tamochi hawi sa nai ateaung alang ngiereichi ai ly Areng i vui khai takhra iy, Areng i ateaungchi kry nai theung y khai ai nai tla ai,” nanai leu pei bo.

JOSUA 6:19 Iomraidhean Croise

2 SAMUELA 8:11

Samrang Davida ly huni vawnsaichi ai chiu sa naira y teaung ai nai Tameuh teng y au bo.

1 ARENG KEH 14:26

Solomon i sa nai muku khopuichi, Achura yhm hawi samrang yhm i yhmtheaung katui bawibawichi ai py la pi pawn.

1 ARENG KEH 7:51

Samrang Solomon ly Achura Yhm i vui sa ai awm nai kalopchi sa chum baly, Areng teng y ampo Davida my talam yb nai muku, tangka hawi takhra vawnsaichi ai Achura Yhm vawnsai khaira takunchira y kryme nai ne.

2 ARENG KEH 24:13

Achura yhm hawi samrang yhm theung i, vang kateng bawibawichi ai Babulon pri mang y syn pawn nai ne. Areng my thui pi yb nai kamta, Nebukhadnezar ly Achura yhm y teaung ai nai samrang Solomon i sa nai, muku ateaung bawibawichi ai kheaung pawn bo.

1 NENG SATANG 18:11

Samrang Davida ly huni vawnsaichi ai mymy i tavai eaung nai Edom pri, Moba pri, Ammon pri, Philistia pri hawi Amalek pri y awm nai khumi cheng cheaungkhangchi teng i nga nai muku, tangka hawi vanrei, chiu sa naira y teaung ai nai talam bo.

1 NENG SATANG 26:20

Takhra Levi theaungchily Achura yhm i yhmtheaung katui khaira yhm hawi Tameuh teng talam nai katalamra vawnsaichi khai nai takun puichi ai kry.

1 NENG SATANG 26:26

Shelomith hawi ni i yhm dengtheungchi ly Tameuh teng y, samrang Davida, yhm dengtheung luchi, nupaichi ai lu sa naichi hawi tavai luchi my talam nai katalamra vawnsaichi kry ai tla nai ne.

1 NENG SATANG 26:27

Nichi ly tavai atiu naira i nga nai vawnsai phyreichi la iy, Achura yhm y teaung ai nai talam u bo.

1 NENG SATANG 26:28

Shelomith hawi ni i yhm dengtheungchi ly amo Samuela, Samrang Sawla, Nera i chapo Abana hawi, Zeruiah i chapo Juabachi my syn nai katalamra vawnsaichi raurei, Achura yhm y teaung ai nai talam nai ngiereichi ai kry u nai ne.

1 NENG SATANG 28:12

Samrang ly mymy i paran yb nai kamta, Achura yhm ly-umchi hawi ly-um tengpang sahawi i takunchi, Achura yhm vawnsai ateaung alangchi khai naira hawi, Areng teng y talam nai katalamrachi khai nai takunchi i myn py pei pi nai ne.

2 NENG SATANG 15:18

Ni ly Areng teng y ampo my talam nai ateaung ngiereichi ai, mymy kypkyp my talam nai muku, tangka, ateaung alangchi hawi vanrei Achura yhm y khai nai ne.

2 NENG SATANG 31:12

huni vawnsaichi hawi horei y harei talam nai vawnsaichi khai u bo. Nichi ly vawnsai khaira takunchi kry ai nai Levi theaung Konania ai lu sa ai nai py, ni i amnau Shimei ai ni i bangtang sa ai nai py khai u.

NEHEMIA 10:38

Hini horei y harei talam nai ai cheaung nai thym khala y, Aron i kangpreang pathyp pi nai keung ly Levi theaungchi hawi vanrei awm ai nai tla. Naibaly Levi theaungchi my, mymychi cheaungra i nga nai amti amjangchi theung i phy ho phyrei ai, Achura yhm y teaung ai nai Achura yhm vawnsai khai nai takun mang y khai ai.

JEREMIA 38:11

Hunai deaungkho y Ebedmeleh ly khumichi ai palau iy, huni samrang yhm i vawnsaichi khai nai takun theung y kun; hu y awm nai ateaung kamawnchi la achu iy, tuikan theung y awm nai kai teng y vuinawnchi hawi vanrei pala pi bo.

Levi 19:24

Palyh saneng y athai bawibawichi, kai Areng teng y kawn nai tarawi y talam ai nai tla.

MIKHA 4:13

Areng my, “Jerusalem mary i khumichi awi, paleung ka-echi ai tiu ai nai chei u! Kai ly nangchi ai tamo taki hawi kheupaja muikenchi awm nai si katai kamta, atho awm hai ai. Nangchi ly pri neangneangchi ai ati piupa pajau nai deaungkho y, ta-li ta-pang hawimy nichi i nga nai yhmtheaung katuichi ai lawm vui iy, kani khaileaung peang nai keung kai, Areng teng y talam u,” napi.

Kati Nai 31:11

Nichi ly tavai tiura i nga nai vawnchi, langheng y hawi naichi hawi tawnbawichi py,

Kati Nai 31:12

Jeriko mary kangka Jordan tavo peang i Moba adym y tai nai Mosi, Eleaza hawi Israela chengchi teng y syn pi u bo.

Kati Nai 31:22

muku, tangka, kheupaja, tamo, sawn, kima napi nai mai kang thai y nai vawn ngiereichi ai ly mai y pachai ai nai tla. Takhra tamo ngan ateaungchi ai ly kachai sa nai tui hawi pachai ai nai tla.

MATTHAI 27:6

Naibaly pathyp pi nai keung kalenchi ly huni tangka la iy, “Hini ly khai achu nai tangka khai naira y khai ngau y, thi vang teu i,” napi.

MARKA 12:41

Naibaly mymy ly khai achu naira kataw y ateh i, khai achu naira y khumi mipuichi i tangka pala nai sai khen; naibaly khumi kanangchi ly neangneang tlai pala.

JOSUA 7:11

Israela chengchi ly kamngo sa u bo. Nichi ly kai i leu pei nai tangai u y. Nichi ly taphra pawn ai nai vawnsai phyrei um paviu u lawh. Huni vawnsaichi paviu iy, ka-chawi thui naimy, mychi i vawnsaichi hawi vanrei khai u bo.