JOSUA 6:17 - Khumi Common Language Bible

¹⁷ Mary hawi vanrei, mary theung y awm nai ngierei vawnsaichi ly Areng i vui talam nai palawn iy, taphra pawn ai nai tla. Neampachy Bima Rahabi hawi, ni i yhm dengtheungchi ai naini patleaung u. Ati mana nai mo na baly, achi i khen paviu nai khumini ai heu pi vui nai deaungkho y ne.

JOSUA 6:17 Iomraidhean Croise

ATITI AWM ANGCHEI NAI 12:3

Nang ai amtheaung hai nai khumichi ai ly kaimy amtheaung hai ai, Na i py nang ai pasawi nai khumichi ai ly kaimy kapasawi teang ai. Naibaly nang i saho y khumi cheng cheaungkhangchi ly amtheaung naira nga u ai,” napi.

EZARA 10:8

Tym angym y nai khumichi ly nichi teng i awm nai vawnsaichi la pi pawn veng iy, Israela cheng theaung theung i nai py pala vui ai, nanai Jerusalem mary hawi Juda pri verei y satang ahei hai bo.

ISAIA 34:6

Mymy i haisau ly apathyp nai beram mi-ichi i thi, thauchi hawimy kajeu kawi nai kamta, huni khumichi i thi, thauchi hawimy kajeu kawi ai. Hini apathyp nai pawi ai Areng ly Bozarah mary y sa ai. Hini khumi ai tleh nai pawi pui ly Edom pri y sa hai ai.

JEREMIA 46:10

Vaini ly ati cheaungkhang sa thai nai keung Areng i kani ne. Mymy ly vaini my vawitheung tha ai. Mymy ly paleung ka-echi ai vaini my pajeng ai. Mymy i haisau ly nichi ngan bym pa-rei cha iy nichi i thi bym pa-rei nei ai. Vaini ati cheaungkhang sa thai nai keung ly Euphrat tavo sahawi tosyh ngan mang y, tawnbawichi apathyp nai ne.

Ezekiela 39:17

Sa thai naira angym nai Areng my kai teng y, “Nang khumicho awi, tengpang sahawi meingtym tlei reita i tavochi hawi daichi mawichi ai, nichi i vui kaimy sa pi yb nai apathyp nai pawira jeu iy cha nei u ai nai palau ba. Israela mawi saleung i nang parai nai kapathyp pawi pui ne.

Levi 27:21

Vai momang pei ali teang nai saneng tym nai khala y, huni khaileaung ly Areng teng y talam yb nai khaileaung ne i, Areng i vui lawm jojo ai. Hunai deaungkho y huni khaileaung ly pathyp pi nai keungchi i vui ne.

MIKHA 4:13

Areng my, “Jerusalem mary i khumichi awi, paleung ka-echi ai tiu ai nai chei u! Kai ly nangchi ai tamo taki hawi kheupaja muikenchi awm nai si katai kamta, atho awm hai ai. Nangchi ly pri neangneangchi ai ati piupa pajau nai deaungkho y, ta-li ta-pang hawimy nichi i nga nai yhmtheaung katuichi ai lawm vui iy, kani khaileaung peang nai keung kai, Areng teng y talam u,” napi.

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

I KORINTH 16:22

Ami py Areng ai tamen y baly amsawi lawi nai awm sy.

I KORINTH 2:7

Kaichi ly Tameuh i leu kacheng ly leu kathiu y thui pi nai teu, leu kacheng aheu nai, achi i nang parai ai naira Tameuh my khaileaung palum y rai khala y my khai rym nai bo.

KALATIA 3:10

Reita i atitichi sa naira y awm naichi ly amsawi lawi nai anui y awm u lawh veng; “Reita cha-iu y bawibawi tajiu nai kamta sa ai nai awm jo y nai ngierei ly amsawi lawi reng,” nanai tajiu nai ne.

KALATIA 3:12

Reita ly ym naira i nai ny y leang, na i py, “Hunai kamta sa nai keung ly hunira y ly heng ai,” nanai ne.”

Leu Thui Nai 20:17

Areng my nangchi teng y leu pei nai kamta, Hiti cheng, Amori cheng, Kanan cheng, Perizi cheng, Hevit cheng, Jebusi cheng khumi bawibawichi ai tamyh pawn ai nai tla.

HEBRAI 11:31

Ym naira deaungkho y bima Rahabi ly khen paviu naichi ai hawihai palai kawn nai deaungkho y, leu tangai y naichi theung y ly tamo teang y leang bo.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

JAKOB 2:25

Hunai kamta bima Rahabi ly pato naichi ai kawn i lam takhra mang y vawi hai nai ly, atiti sa naira awm nai deaungkho y eaung naira nga nai ny y a?

JOSUA 2:1

Naibaly Josua ly Kanan pri i awm nai sai, ngai keh nai ly Jeriko mary i awm nai sai khen paviu ai nai, Tai naira Akasia meingtym dengdairei, khen paviu ai nai khumi leaung nyhrei pato; nini ly Jeriko mary y tym nai khala, bimanu Rahabi i yhm y jeih hawi bo.

JOSUA 2:22

Khen paviu nai nini ly mawitleaung mang y chei hawi iy aheu bo. Samrang i pato nai khumichi ly khen paviu nai khumichi ai kani thomrei hau akiprei i, niu y baly Jeriko mary y vawi u ali teang.

JOSUA 7:1

Israela chengchi ly taphra pawn ai tla nai vawnsai harei py lo moh, napi nai Areng i leu ai Akhen ly tangai y nai deaungkho y, Areng ly Israela chengchi i tlang tleaung y khri pa-rei kado theu bo. (Akhen ly Juda theaung Zerah yhm dengtheung Zabdi i katu, Kami i chapo ne.)

1 SAMUELA 15:3

Nang ly chei iy Amalek chengchi ai tiu; nichi i vawnsai ateaung awn nai ngierei, ati cheaungkhangchi ai py, taphra pawn ai nai tla; sorai ai py takhawi moh; khumi neampacho neampachy, deaungdi, deaungdi chymplei naichi, huni bo y awm nai sichi, beramchi, kula-iuchi hawi keaungngo kano kasauchi, hunichi ai tamyh pawn ba,” napi.

1 SAMUELA 15:6

Ni ly kenit chengchi teng y, “Nangchi ly Israela chengchi Aikupta pri i dengdairei theu u nai thym khala y, nichi ai sabawm u. Hunai deaungkho y nangchi ai kaimy padei y ai nai, Amalek chengchi teng i nai theu u,” nanai pany hai yb bo. Hunai deaungkho y kenit chengchi ly theu u pawn bo.