JOSUA 5:2 - Khumi Common Language Bible

² Areng ly Josua teng y, “Lengseaung achochi si iy, Israela chengchi ai lengkhym takip pi,” nanai leu pei bo.

JOSUA 5:2 Iomraidhean Croise

THEU NAI 4:25

Huna nai khala ni i aju Zipporah ly lengseaung bo awm nai la i, chapo i lengkhym takip pi iy, huni lengkhym hawi Mosi i kheu y tabei bo. Naibaly lengkhym takip nai molam y Zipporah my, “Nang ly kai i juvo tatang ne,” napi. Hunai deaungkho y Areng my Mosi ai padei y nai ne.

ROM AVANGCHI TENG Y PAWLA I CHA PA NAI 2:29

Na i py paleung theung y Juda khumi ne nai ly Juda tatang ne; naibaly lengkhym takip tatang nai ly paleung y takip nai ne, cha-iu leu y ny y naimy, phailo y ne; huni ly khumi i palo naira ngo y naimy, Tameuh i palo naira nga lawh.

ROM AVANGCHI TENG Y PAWLA I CHA PA NAI 4:11

Hunaibaly mymy ly lengkhym takip y nai awm nai thym khala y ym naira deaungkho y hawi naira awm, nanai pajawp typ nai ka-ma-ra lawn ai nai, mymy ly lengkhym takip nai ka-ma-ra nga; huni sa nai ly ati mana nai mo nabaly, lengkhym takip y nai, ym nai deaungkho y mymychi i vui y hawi naira palawn naichi i ampo lawn thai ai nai sa nai ne.

Leu Thui Nai 10:16

Hunai deaungkho y nangchi ly vai i ka-so Areng i leu pei naichi tangai u iy, nangchi i paleung tang naichi ly anawn u jau.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

KOLOSA 2:11

Nangchi ly Krista i lengkhym takip pi naira y ly ngan i tlang lei be nai, kiu y lengkhym takip nai ny y naimy, mymy y ly lengkhym takip u nai ne chy bo;

JOSUA 5:3

Huna nai y Josua ly “Lengkhym takip nai mawi” nanai amyn pathi nai meingtym y, Israela chengchi ai lengkhym takip pi bo.