JOSUA 5:1 - Khumi Common Language Bible

¹ Jordan tavo nidym mang y peang nai Amori samrangchi hawi Mrethe pangli peang jeungrei y peang nai Kanan samrang bawibawichi ly Israela chengchi Jordan tavo angpeang chum nai ryrei, Areng my tavo tui kang hai nai satang thai u bo. Hunai deaungkho y nichi ly Israela chengchi ai jei u i, paleung phra atho di u bo.

JOSUA 5:1 Iomraidhean Croise

ATITI AWM ANGCHEI NAI 12:6

Kanan pri y tym u nai khala Abram ly Sekhem meingtym, Moreh dengkeaung kachai awm nai mang y tym pa-rei tako prei nai ne. (Huni neng y Kanan chengchi ly huni meingtym y awm u angchi yb nai bo.)

ATITI AWM ANGCHEI NAI 48:22

Sekhem meingtym khaileaung kahawi ly nang ai kang pei, ngamjochi i vui ny y; huni meingtym ly kai my thailiho hawi haisau atheu iy Amori chengchi teng i nga vui nai paitiu khuta hawi nai khaileaung ne,” napi.

2 SAMUELA 21:2

(Kibeon mary i khumichi ly Israela chengchi ny y; nichi ly Amori cheng khumi maidenreichy ne i, nichi ai Israela chengchi my ama hai ai, nanai adeu yb bo. Na i py Sawla ly Israela hawi Juda khumichi i vui y paleung apei keh nai y, Kibeon mary i khumichi ai tamyh ai nai atho sa nai ne.)

1 ARENG KEH 10:5

samrang i pacho panei nai teicha teineichi, samrang i bangtangchi awm ai nai yhmchi, samrang yhm i miteaungkehchi hawi amsi amtlau naichi ai kalop pacheang naichi, nichi i ateaung ka-tawm riri ateaung naichi, cha nei pawira y samrang ai pasawm patau nai miseaungchi, Achura yhm y talam nai kapathyprachi, hunichi ai niu nai khala ly lyh nai sai mynkym vui nai ne.

EZARA 9:1

Hini kalop bawibawichi sa pajau nai khala y Israela cheng miteaung keh phyreichi ly kai teng y ang jeu u iy, “Mipuichi, pathyp pi nai keungchi hawi Levi theaungchi ly mymychi tengpang y awm nai Ammon pri, Moba pri hawi Aikupta pri i khumichi hawi py, Kanani cheng, Hiti cheng, Perizi cheng, Jebusi cheng, Amori chengchi hawi py awm takhra u y; nichi ly huni khumichi i sa nai kamta amso ngai naichi sa u teang.

SAM 135:11

Amori samrang Sihon, Bashan samrang Oka hawi, Kanan pri i samrang bawibawichi ai padei pawn nai ne.

THEU NAI 23:28

Hivit cheng, kanan cheng hawi Hiti chengchi ly athengra naimy preang u bawn ai.

ISAIA 41:5

Kamlo prichira i khumichi ly kai i atiti sa naichi niu u bo; Nichi ly jei nai kaso tahyn theu u nai ne. Hunai deaungkho y jeu u achu bo.

Ezekiela 16:3

Huni Jerusalem mary ai sa thai naira angym nai Areng my leu pei nai nang ly thui pi; “Nang i kangpreangchi ly Kanan pri y tapen iy nang i ngampo ly Amori cheng, nang i ngamhm ly Hiti cheng ne.

Ezekiela 21:7

Nang ly ati mana nai y tangam nai mo, nanai khumichi my angdeang nai khala, nang i thai nai satangchi molam y tangam nai ne, nanai thui pi. Huna naichi tym nai khala, khumichi ly paleung kaso theu iy mynkym u na ai. Nichi i kiuchi ly nemthlo iy kheukhuchi py ahyn thlyhthlyh ai. Huna naichi tym ai nai neng tym bo, vaimy tym ryp bo,” napi. Hini ly sa thai naira angym nai Areng i thui nai leu ne.

DANIELA 5:6

meimai takhuisui vui nai ne. Ni ly khri pa-rei jei hyn na i, meimai kadau vui nai kheukhu ahyn thlyhthlyh na bo.

AMOS 2:9

“Huna nai kamta ly kai i khumichi awi, kai ly nangchi i vui saitleang keung tanrei asang iy, ngopraibiu keung kamta atho awm parai nai Amori khumichi ai kataphra pi chauchau bo.

Kati Nai 13:29

Amalek khumichi ly huni pri i tokalawi mang y awm; Hiti cheng, Jebusi cheng hawi Amori chengchi ly mawi aheung y awm; Kanan chengchi ly mrethe pangli peang hawi Jordan tavo jawnbai jeungreira y awm u nai ne,” napi u bo.

JOSUA 17:12

Manase theaung ly huni marychira y awm nai, Kanan chengchi ai patheu pajau y nai deaungkho y, nichi ly huni meingtymchira y awm u jojo.

JOSUA 17:18

Mawi aheung meingtym nangchi teng y kang pei ai. Huni meingtym ly daichi thengreung ne i py, nangchi ly daichi pachai iy awm u. Kanan chengchi teng y tavai tamo ka-richi awm iy haiho hawi teu i py, nangchi ly nichi ai patheu u pajau ai,” napi.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.

JOSUA 3:16

tui leaung nai anawn vui i, tavo syh mang palo kyh naira y awm nai Zarethan mary ahawi i Adam mary y tui am-eng cheng nai ne. Pangli kadei tym pa-rei leaung nai tavo tui ly kang vui nai deaungkho y, khumi bawibawichi ly Jeriko mary sahawi i tavo vai mang y angpeang u thai nai ne.

JOSUA 3:17

Khumi bawibawichi tako u nai pajau pa-rei, Areng i Leu Maikawm Pawm angjeaung nai pathyp pi nai keungchi ly Jordan tavo umtang phuirawm naira y angdo u bo.

AMTENG HAI NAI 18:10

Babulon avang pui, avang khaw parai nai ly taham si! taham si! Tanarei sala chy y nang i tlang tleaung y tara chih naira ang tym bo,’ nanai mymy i no patang nai sai jei nai deaungkho y kamlora y angdo naimy mymy i tlang tleaung y vo naimy paleung atum u ai.

TARA CHIH NAI KEUNGCHI 1:1

Josua dei nai bo y Israela chengchi my Areng teng y, “Mani cheng theaung ly kanan pri khumichi ai tiu ai nai chei man ai mo?,” nanai deng u.

TARA CHIH NAI KEUNGCHI 11:23

Hunai deaungkho y mymy i khumi Israela chengchi i vui, Ammon chengchi ai patheu pi vui nai keungly Israela chengchi i Areng Tameuh ne.

TARA CHIH NAI KEUNGCHI 3:3

Huni pri theung y awm jo rai nai khumi chengchi ly Philistinchi i mary pangrei ra i Philistin khumi, Kanan khumi bawibawichi, Sidon khumichi hawi Bala Heramon dengdairei, palo parai nai Hamath mawi aleaung mang y khrairei awm nai, Lebanon mawi y awm u nai Hivit khumichi ne.

TARA CHIH NAI KEUNGCHI 4:2

Hunai deaungkho y Areng ly Hazor mary ai peang nai keung, Kanan khumichi i samrang Jabin ai tavai eaung hai bo. Huni samrang i tavailu ly cheng takhra khumichi awm nai Haroset mary i Sisera ne.

1 SAMUELA 25:37

Naibaly kangvui cheng nai khala y, aju my ni teng y ati cheaungkhangchi amti pi. Huna nai khala y ni ly kiu kheu angto thai y i, tlang verei angto thai y bo.