JOSUA 4:9 - Khumi Common Language Bible

⁹ Josua ly pathyp pi nai keungchi Leu Maikawm Pawm angjeaung naimy angdo nai Jordan tavo umtangra y py, lengseaung holai nyhrei leng bo. (Huni lengseaungchi ly huni meingtym y, vaini khrairei awm jo nai ne.)

JOSUA 4:9 Iomraidhean Croise

ATITI AWM ANGCHEI NAI 26:33

Ni ly huni tuikan ai “Vaineng tuikan,” nanai amyn pathi bo. Huni mary ai ly vaini khrairei Beraseba mary, nanai palau nai ne.

ATITI AWM ANGCHEI NAI 28:18

Jakob ly khawn angthodyh ang thau iy lu tleang nai lengseaung la i pany jo ai nai leng bo. Naibaly mymy ly huni lengseaung salo y olive asitui lei i, Tameuh teng y au nai ne.

2 SAMUELA 4:3

Huni mary y awm angchei i khumichi ly Kitaim mary mang y preang u i, vaini khrairei hu y khuteng sa u jo nai ne.)

1 ARENG KEH 18:31

Ni ly Areng my Israela amyn pathi nai Jakob i kangpreang cheng holai nyhreichi jeng y, lengseaung holai nyhrei la.

2 NENG SATANG 5:9

Samtleang kadeaungchi ai meingtym kachaira kun nai katheu pa-kho mang niu pajau khyh; takhra mani mang py niu pajau y. Huni samtleangchi ly vaini khrairei, huni meingtym y awm.

THEU NAI 24:12

Areng my Mosi teng y, “Kai i awmra mawi salo y lyn kalau ly khumi mipuichi amtiu ai nai, kaimy tajiu pi yb iy reitachi abawi nai lengseaung phei nyhrei nang teng y kang au ai,” napi.

THEU NAI 28:21

Israela theaung holai nyhrei amyn ai, lengseaung holai nyhreira, ha harei y Jakob i chapo leaung leaungrei i amyn tajiu ai nai tla.

MATTHAI 27:8

Hunai deaungkho y huni meingtym ai ly vai khrairei ‘Thi Meingtym,’ napi nai ne.

MATTHAI 28:15

Hunaibaly nichi ly tangka la iy nichi i thui pi nai kamta sa u bo; hunaibaly vai khrairei huni leu ly Judachi i theung y thui lengleang jojo rai.

Leu Thui Nai 34:6

Areng my Mosi i veu ai ly Moba pri Bethpeora mary kangka Moba leaunghawira y up bo. Na i py vaini khrairei Mosi i tapreaung meingtym ly ami py pany khyp pajau y.

JOSUA 24:26

Josua ly hini reitachi ai Tameuh i Reita cha-iu theung y tajiu typ nai ne. Hunaibaly ni ly lengseaung pui harei la iy, Areng i meingtym kachai awm nai Taru keung anui y leng bo.

JOSUA 4:10

Josua i dengdairei Areng my leu pei nai ngierei, khumi bawibawichi sa pajau nai ryrei, pathyp pi nai keungchi ly Jordan tavo umtang y angdo u jo. Hina nai sa ai nai ly Mosi my leu pei yb nai ne. Naibaly khumi mipuichi py, tavo angpeang u kaliki bo.

TARA CHIH NAI KEUNGCHI 1:26

Huni khumi ly Hiti pri mang y chei iy mary harei sa i, huni mary ai Luza mary nanai amyn pathi nai deaungkho y, huni mary ly vaini khrairei Luza mary, nanai amyn awm jo nai ne.

1 SAMUELA 30:25

Davida my hina nai kamta, reita sa pi nai deaungkho y, huni reita ly Israela pri y vai khrairei awm jo nai ne.

1 SAMUELA 7:12

Huni bo y Samuela ly lengseaung harei la iy, Mizapa mary hawi Sen mary sala y leng bo; naibaly ni ly " Areng ly achi ai vaini khrairei ang sabawm bo,” nanai thui chum baly, huni lengseaung ai “sabawm nai lengseaung” (Ebenezar) nanai amyn pathi.