JOSUA 4:6 - Khumi Common Language Bible

⁶ Hini lengseaungchi ly Areng i sa pi nai leaungsai khumichi pany jo ai nai ka-ma-ra ne. Vai mo mang y nangchi i cho chanauchi my, ‘hini lengseaungchi ly ati mana nai sai mo?’ nanai angdeang lawh baly,

JOSUA 4:6 Iomraidhean Croise

SAM 44:1

Aw Tameuh, jangni amsi pajochi deung y, nangmy sa pi nai leaungsaichi satang ai nichi my thui pi nai deaungkho y, kaimychi thai khyp bo.

SAM 71:18

Vai i neng y kai ly miteaung cheang bo i, sam py pau bo; aw kai i Tameuh, kai ai khai su moh kyh ba! Kai ly mo mang i katu chanau kangpreang bawibawichi teng y, nang i sa thai naira nang parai nai satang amthang hai nai khala, kai hawi vanrei awm kyh ba.

THEU NAI 12:14

Kai, Areng my sa pi nai ai pany jo ai nai hini kani y, pawi sa u ai nai tla. Nangchi ly huni kani y Tameuh i pawi sa jojo ai nai tla.

THEU NAI 13:14

Khawnvai kani y nang i chapo my, ‘Ati mana nai y hina nai sa lawh mo?,’ nanai angdeng lawh baly, ‘Areng ly sa thai naira len parai nai hawimy, achi ai Aikupta pri y miseaung achei naira i nai ang pahawi nai ne.

THEU NAI 13:9

Areng ly sa thai naira len parai nai hawimy nangchi ai, Aikupta pri i dengdairei patheu nai deaungkho y, nangchi ly Areng i reita leu pei nai ai thui aninau ai nai pawi ly nangchi i kiu, ti y baly nangchi i lukatira y akawm nai ka-ma-ra sai sairei kamta, nangchi ai pany hai jo ai.

THEU NAI 31:13

“Kai i Anawn kani y ja ai nai tami u moh; Anawn kani ly Kai, Areng my nangchi ai, kai i khumi y vawi takhra nai ne, nanai katu chanau deung kangthau khrairei, pany jo ai nai ka-ma-ra ne.

ISAIA 38:19

Vai, nang ai kaimy kang palo nai kamta heng nai khumichi naini nang ai palo u nai ne. Ampochi ly cho chanauchi ai nang i ka-ymra satang thui pi u bo.

ISAIA 55:13

Vai, aleng keungchi prau nai meingtymra y saitleang keungchi prau ai. Aleng phreungchi awm nai meingtymra y preaungmui keungchi prau ai. Hini atitichi ly kai, Areng i kuchi pany jo ai nai, deungtasarei khaw jo nai ka-ma-ra harei lawm ai,” napi.

Ezekiela 20:12

Nichi ai chai hai nai keung ly kai Areng ne, nanai pany hai ai ngai nai deaungkho y, kai hawi nichi ka-dyh ka-dawi sa nai ka-ma-ra ly Anawn kani y anawn u ai nai kaimy khai pi yb bo.

Ezekiela 20:20

Kai hawi nangchi asa nai Leu Maikawm ka-ma-ra lawm hai ai nai hawi, kai ly nangchi i Areng Tameuh ne, nanai ai py, nangchi pany jo ai nai Anawn kani ai chai hai u,’ nanai kang pany hai bo.

Kati Nai 16:38

Areng i maicham y rimui mui katui talam nai khala, mai-ai laawmchi teaung nai deaungkho y, hunichi ly talam patyp nai vawnchi ne. Hunaibaly amymychi i kamngo molam y dei nai khumichi teng i mai-ai laawmchi la chum baly, angporyp pa-rei thip taphidi iy maicham i vui mymra so. Huni kheupaja phei ly Israela chengchi ai pany hai vau ai,” napi.

AMTAW 2:39

Ati mana nai mo nabaly hini adeu nai ly nangchi i vui py, nangchi i chanauchi i vui py, kamlo parai ra i khumi bawibawichi i vui py, Areng achi i Tameuh my mymy teng y palau nai ngiereichi i vui py ne,” napi.

Leu Thui Nai 11:19

Nangchi i cho chanauchi teng y py hini reita leu pei naichi patiu pi u. Nangchi yhm y awm i py, khuleaung keung y py, anawn khala py, kalop sa nai khala py, hini reitachi thui pi u.

JOSUA 22:27

Kaichi i khumichi i vui py, nangchi i khumichi hawi mo mang deung kangthauchi i vui py, pany hawi nai ka-ma-ra lawm ai nai sa nai ne. Kaichi ly kapathypra hawi katalamrachi ai leng patlum nai katalamra dengdairei, katalamra cheaungkhang hawi Tabynako mo y naini Areng ai chiu ai, nanai hini maicham my pany hai ai. Hini molam y nangchi i kangpreangchi my, kaichi i kangpreangchi teng y, ‘Nangchi ly Areng hawi amtawn abi y leang,’ nanai thui u pajau ai ny y.

JOSUA 4:21

Naibaly ni ly Israela chengchi teng y, “Vai mo mang y nangchi i cho chanauchi my, hini lengseaungchi ly ati mana nai sai mo, nanai angdeang u lawh baly,

JOSUA 4:5

nichi teng y, “Nangchi ly Areng Tameuh i Leu Maikawm Pawm mo i, Jordan tavo theung y satlo u; Israela cheng theaung ha harei i vui, leaungrei y lengseaung ha harei syn kryh ai nai tla.