JOSUA 4:23 - Khumi Common Language Bible

²³ Nangchi i Areng Tameuh ly pangli kamsen ai tui kang hai vui nai kamta, Jordan tavo nangchi angpeang u nai sala ryrei ly tui kang hai vui nai satang amti pi u.

JOSUA 4:23 Iomraidhean Croise

1 ARENG KEH 8:43

nichi i hnei takeng nai ly tangai pi kyh ba. Nangmy i awm nai kani pri mang dengdairei tangai pi iy, ni i hnei nai kamta pathang pi kyh ba. Huna i naini, khaileaung pri y awm nai khumi bawibawichi ly nang i khumichi kamta, nang ai pany u iy jei kaji naimy tahm khai u ai. Hunaibaly nang i vui kaimy kang sa pi nai hini Achura Yhm ly chiu sa nai meingtym ne, nanai nichi pany u ai.

NEHEMIA 9:11

Nang ly nangmy i khumichi i vui pangli angpeang ai nai lam sa pi iy, nichi ai khaileaung kaphui salo y tako hai bo. Nichi ai patiu ai nai hui naichi ai ly pangli tui sampyh theung y lengseaung tup nai kamta anum hai nai ne.

SAM 78:13

Nang ly pangli tui akhawi hai thla vui iy, tuichi ly tengpang mang y akachu hai pawn i, nichi ai angpeang hai bo.

THEU NAI 14:21

Mosi ly pangli salo y kiu pheu nai khala, Areng my nisi ali vumtorei aho hai nai deaungkho y, pangli tui ly akhawi thla i akalym pawn iy, tuili paichi ly phui hai rawm veng bo.

THEU NAI 15:19

Samrang Pharao i keaungngo atang nai risachi hawi keaungngo ka-richi ly pangli theung y satla u nai khala, Areng my tui um hai ali i, tui ly nichi ai um be bo. Israela chengchi naini khaileaung kaphui mang tako u i, pangli angpeang u prei bo.

ISAIA 43:16

Jangni y Areng ly panglira y tako prei ai nai lam sa pi nai ne.