JOSUA 3:5 - Khumi Common Language Bible

⁵ Naibaly Josua my khumichi teng y, “Khawndam ly Areng my nangchi teng y lyh ai awm nai ka-ma-ra patei ai i, nangchi ngan tlang apachai u,” napi.

JOSUA 3:5 Iomraidhean Croise

JOBA 1:5

Pawi lui nai tleirei kani pa-nyh khawn y Joba ly kangthodyh ang thau iy, chapo chaniuchi i vui kachai sa nai kapathyprachi talam pi reng. Huna nai kamta Joba i sa nai sai ly mymy i chapo chaniu leaung leaungrei my, Tameuh ai dawndan y nai, mei aniu y nai kamngo so lawh na, nanai paleung mawn nai deaungkho y ne.

SAM 77:15

Nangmy i khumi napi nai Jakob hawi Josepha cheng theaungchi ai sa thai naira hawi atleu bo.

SAM 86:10

Nang ly sa thai naira phum-ang len parai i, lyh ai nairachi sa pi bo; nang leaungrei naini Tameuh ne.

JOELA 2:16

Khumichi ai pangym iy, tahm awm nai achupui angvei u rym. Saneng len nai khumichi ai palau iy, deaungdi katheangchi hawi kanu nei thym naichi ai angym hai u; apom ang vawi nai aju juvochi malawn py, mymychi i yhm takunchi khai su ai nai tla ai.

Levi 10:3

Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

Levi 20:7

Kai ly nangchi i Areng ne nai deaungkho y, nangchi ly chai u ai nai tla.

Kati Nai 11:8

Hunichi ly vum y kadam hawi vanrei tai naira y tla mang; khutawi nai khala khumi mipuichi ly huni Mana pakym u nai ne. Huni ai ly nip i mo, deng i mo, tako dei palawn u; naibaly huni tako dei ai byh iy, tako phi palawn u. Kalum kathau ly olive asitui katlen iy paawp nai tako hawi atawm.)

JOHAN 17:19

Nichi ly leu meitang y khai takhra nai awm thai ai nai, kai ly mymychi deaungkho y kaimy ai akhai takhra bo.

JOSUA 3:13

Khaileaung pri verei ai peang nai keung Areng i Leu Maikawm Pawm angjeaung nai pathyp pi nai keungchi, tavo tui ai chiu phai chiu baly tavo syh mang leaung kathiu nai tui ly anawn iy, meingtymrei y am-eng cheng vui ai,” napi.

JOSUA 3:4

Nangchi ly hini lam y tlenrei py tako u vai y nai deaungkho y, nichi my lam ang patei pi ai. Na i py nangchi ly Leu Maikawm Pawm sahawi y chei u moh. Pawm nithun mang miu sangnyhrei ka-khan y abang u ai nai tla,” nanai thui pi bo.

JOSUA 3:6

Naibaly ni my pathyp pi nai keungchi teng y Leu Maikawm Pawm angjeaung iy mipuichi mo mang tako hai nai kamta, nichi ly tako u nai ne.

JOSUA 7:13

Angthau! khumichi ai kachai so hai ly khawndam kai i mo y kun ai nai angvei hai rym. Israela chengchi i Areng Tameuh my, hina nai leu pei nai ly thui pi; ‘Israela cheng bawibawichi awi, taphra pawn ai nai tla, napi nai kai i leu pei yb nai vawnsai phyrei nangchi teng y awm. Huni vawnsaichi ai nangchi taphra y nai ryrei ly nangchi ly paleung ka-echi i mo y angdo u pajau ai ny y!

1 SAMUELA 16:5

Samuela my, “Paleung awmnem naimy kang jeu nai ne; kai ly Areng teng y apathyp ai nai kang jeu nai teu; nangchi ly nangmychi naimy apachai iy, kai hawi vanrei abang u,” napi. Jesai i chapochi ai py mychi apachai iy, apathyp naira y jeu ai nai palau bo.