JOSUA 3:10 - Khumi Common Language Bible

¹⁰ Nangchi amsa u nai khala, Tameuh ly Kanan cheng, Hiti cheng, Hivit cheng, Perizi cheng, Kirakashi cheng, Amori cheng hawi Jebusi chengchi ai patheu takengkei ai.

JOSUA 3:10 Iomraidhean Croise

ATITI AWM ANGCHEI NAI 15:21

Amori pri, Kanan pri, Kirakashi pri hawi Jebusi pri bawibawichi kang pei nai leu adeu mang,” napi.

1 ARENG KEH 22:28

Mikha ly aeu naimy, “Nang chymme naimy tym teang lawh ai nabaly, kai i thui nai leuchi ly Areng i leu pei naichi ny y leang bo! Aw, mipuichi awi, kai i thui nai leu tangai u! " napi.

2 ARENG KEH 19:4

Asuria empara samrang ly tavailu areng keh ai pato iy, Tameuh kangheng ai thui tamawn nai leu thui hai bo. Nang i Areng Tameuh ly huni leu thai iy, huna nai thui nai khumichi ai kamngo pajeng na sy. Hunai deaungkho y dei kamthum khumichi i vui Tameuh teng y chiu so pi ba,” napi.

1 NENG SATANG 1:14

Kanan ly Jebusi, Amori, Kirakashi,

SAM 42:2

Tameuh kangheng napi nai, nang ai kai ly kadeaung bo. Kai ly mana khala y nang i mo y ahihawi iy, chiu sa pajau ai mo?

SAM 9:16

Areng ly leu meitang naimy tara chih nai deaungkho y, mymy ai amthang hai bo. Khumi hawi y naichi ly mychi i sa nai sai molam y, mychi ai man u ali teang nai ne.

THEU NAI 17:7

Israela chengchi my, “Areng ly achi hawi vanrei awm a?” nanai deng naimy Mosi ai josei iy Areng ai cham u nai deaungkho y, huni meingtym ai,” Massah” nanai py, “Meriba” nanai py pathi u nai ne.

THEU NAI 3:8

Aikupta chengchi kiu i nai nichi ai atleu chum baly, huni pri i nai kapahawi iy paitiu khuta hawi nai, meingtym kau parai nai pri mang y pahawi ai nai kang jeu kathiu bo. Huni pri ly khaileaung hawi iy teicha teinei neangneang awm. Huni pri y Kanan cheng, Hiti cheng, Amori cheng, Perizi cheng, Hevit chengchi awm u nai ne.

THEU NAI 33:2

Nangchi ai lam patei ai nai Angel ai kaimy pato pi ai. Kanan cheng, Amori cheng, Hiti cheng, Perizi cheng hawi Jebusi chengchi ai kaimy patheu pawn ai.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

HOSEA 1:10

Israela pri khumichi ly pangli spryh kamta kati pajau y, pata pajau y na pa-rei peung u ai. Vai ly Tameuh my nichi teng y, “Nangchi ly kai i khumichi ny y, nanai thui teu i py, kangkhym kani y ly “Nangchi ly Tameuh kangheng i cho chanauchi ne u bo!” napi ai.

Kati Nai 13:29

Amalek khumichi ly huni pri i tokalawi mang y awm; Hiti cheng, Jebusi cheng hawi Amori chengchi ly mawi aheung y awm; Kanan chengchi ly mrethe pangli peang hawi Jordan tavo jawnbai jeungreira y awm u nai ne,” napi u bo.

MATTHAI 16:16

Naibaly Simon Petera my ly, “Nang ly Krista, Tameuh kangheng i Chapo ne,” napi nai pathang.

JOHAN 6:69

Nang ly Tameuh i Khumi Kachai ne, nanai kaichi ym i, pany py pany bo,” nanai pathang.

Leu Thui Nai 31:17

Huna nai khala kai ly kado theu iy nichi ai khai su ai, naibaly nichi ly tama u ai. Nichi ly ka-jei awm nai patangrachi avum u ai. Huna nai khala nichi i Tameuh kai ly nichi hawi vanrei awm pi y nai deaungkho y, hina nai ka-jeirachi avum nai ne, nanai nichi pany u ai.

Leu Thui Nai 5:26

Tameuh kang heng i raawi mai kangveaung theung mang dengdairei thai nai bo y, achi kamta heng nai khumi awm vai a?

Leu Thui Nai 7:1

Nangchi i Areng Tameuh ly nangchi peang ai nai pri y nangchi ai pahawi nai khala, huni pri y awm yb nai khumi vuikanai nawi iy, haiho len nai Hiti cheng, Kirakashi cheng, Amori cheng, Kanan cheng, Perizi cheng, Hevit cheng hawi Jebusi cheng napi nai cheng saryhreichi ai paryh pi pawn ai.

Leu Thui Nai 7:21

Hunai deaungkho y hini khumichi ai jei u moh. Nangchi i Areng Tameuh ly nangchi hawi vanrei awm; mymy ly sa thai naira len iy ka-jei hawi nai Tameuh ne.

I THESALONIKA 1:9

Mymychi kypkyp my kaichi i nangchi theung y kun ai nai ngai nai sai ly pany hai u reng; naibaly nangchi ly Tameuh kangheng hawi meitang i kalop sa ai nai hawi, mymy i Chapo (kadeichi theung i dengdairei pathau nai i kado theu nai tym ai naira i nai ang lawi hai nai keung Isu ly) kani pri mang i dengdairei satla nai ajeng ai nai,

HEBRAI 10:31

Tameuh kangheng i kiu y tla ai nai ly atiti ka-jei awm parai nai ne.

JOSUA 11:3

Huni bo y ni ly Jordan tavo peang y awm nai Kanan chengchi, Amori chengchi, Perizi chengchi, mawitleaung pri y awm nai Jebusi chengchi, Mizapa pri Heramon mawi kheutang y awm nai Hivit chengchi teng y py satang thai hai bo.

JOSUA 12:8

Huni meingtymchi ra y mawi aheung meingtym, nidym mang y mawi kheutang meingtym, Jordan tavo leaunghawi hawi huni sahawi y awm nai mawi kheutang meingtym, nidym mang mawi aheung meingtym hawi, tokalawi mang khutaha meingtymchi abawi nai ne. Huni meingtymchi ra y awm nai khumichi ly Hiti cheng, Amori cheng, Kanan cheng, Perizi cheng hawi Jebusi chengchi ne.

JOSUA 21:45

Areng Israela chengchi teng y khai pi nai adeu nai ngiereichi sa pi nai ne.

JOSUA 22:31

Huna nai khala pathyp pi nai keung Elaza i chapo Phineha my, “Areng ly kaichi hawi vanrei awm, nanai kaichi vai, kapany u bo. Mymy ai tiu y nai deaungkho y, Israela chengchi ly Areng my pajeng naira i nai lawi naira nga u bo,” nanai nichi teng y thui pi.

JOSUA 24:11

Hunaibaly nangchi ly Jordan tavo angpeang iy, Jeriko mary mang y tym u. Jeriko mary i khumi Amori cheng, Perizi cheng, Kanan chengchi ai tiu u. Na i py kai ly nangchi teng y, nichi bawibawi ai tiu i eaung hai bo.

JOSUA 3:9

Naibaly Josua ly mipuichi teng y, “Jeu u, nangchi i Areng Tameuh my leu pei nai ngierei tangai u.

JOSUA 9:1

Jordan tavo nidym mang y awm nai mawi aheung, mawi kheutang, tosyh mang Lebanon mawi ryrei sau nai, Mrethe pangli peang meingtymchi ai peang nai samrang bawibawichi ly Israela chengchi i, eaung pawi sa nai satang thai u bo. Huni samrangchi ly Hiti cheng, Amori cheng, Kanan cheng, Perizi cheng, Hivit cheng, Jebusi cheng i samrangchi ne.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.

1 SAMUELA 26:6

Naibaly Davida ly Hiti khumi Ahimelek hawi, Joaba i amnau Abisai teng y, (nichi i amhm ly Zeruiah ne.) “Nangni leaung nyhrei theung i ami nai ly Sawla i tai naira mang y kai hawi vanrei abang ai mo?,” nanai deng. Abisai my, “Kai abang ai,” nanai pathang.