JOSUA 3:1 - Khumi Common Language Bible

¹ Huni bo i kani khawn angthodyh y Josua hawi Israela cheng bawibawichi ly Akasia Taira i dengdairei Jordan tavo mang y theu u bo. Tavo angpeang y rai khala, tavo peang y tai u.

JOSUA 3:1 Iomraidhean Croise

ATITI AWM ANGCHEI NAI 21:14

Kani pa-nyh khawn angthodyh Abraham ly Hakara teng y teicha teinei hawi tui kawi meng nai mawi peih adym pei pi; deaungdi ai peu hai iy yhm i nai pala vui bo. Miseaung nu ly hu i nai satla i, Beraseba napi nai daichi ka-vym mang y preang bo.

ATITI AWM ANGCHEI NAI 22:3

Pa-nyh kani khawn angthodyh Abraham ly apathyp ai nai i vui theng acheaung iy keaungngo kano kasau tleaung y tang i, mymy hawi vanrei Isaka ai py, miseaung leaung nyhrei ai py hawi; Tameuh my thui pi nai meingtym mang y amsa u bo.

SAM 119:60

Kai ly nang i reita leu pei naichi ai, vaimy tangai praw ryp ai.

JEREMIA 25:3

“Areng ly Ammon i chapo Juda samrang Josia i samrang lyn nai saneng holai thom ka-so vaini khrairei, saneng apom phai thomrei sala y, kai teng y leu ang pei nai ne. Kaimy py mymy i leu pei naichi ai, nangchi teng y kang thui pi bo. Na i py nangchi ly tahm khai u y.

JEREMIA 26:5

Nangchi teng y kaimy kang pato taleang kang pato taleang bi nai, kai i miseaung amochi leu ai tahm pateng ai nai tla. Nangchi ly nichi i leu mana khala py tangai u y lawh.

JEREMIA 7:13

Nangchi ly vaichi khala y kaimy pany hai yb nai kamngo cheaungkhangchi sa u bo. Kaimy avaw avawrei kang thui pi teu i py, nangchi ly tangai u y. Kaimy nangchi ai kang palau nai khala py pathang u y.

MIKHA 6:5

Kai i khumichi awi, Moba samrang Balak my, nangchi phra tleaung phra ra ai nai mana dawn mo, nanai py, Bera i chapo Balam my samrang teng y ati mana thui pi mo, nanai py, pany u jo. Akasia taira i dengdairei, Kilakala mary mang chei nai lam y avum nai leaungsaichi pany u jo baly, Areng ly nangchi ai ati mana atleu pi mo, nanai nangchi pany u ai,” napi.

Kati Nai 25:1

Israela chengchi ly Akasia leaunghawira tai u nai thym khala, neampachochi ly huni meingtym y awm yb nai Moba neampachychi hawi tamang u nai ne.

MARKA 1:35

Naibaly mymy ly khawn mang y khutawi ai nai aveng rai khala y my angthau nai theu i, ka-vymra y chei iy hu y ly chiu sa.

JOSUA 2:1

Naibaly Josua ly Kanan pri i awm nai sai, ngai keh nai ly Jeriko mary i awm nai sai khen paviu ai nai, Tai naira Akasia meingtym dengdairei, khen paviu ai nai khumi leaung nyhrei pato; nini ly Jeriko mary y tym nai khala, bimanu Rahabi i yhm y jeih hawi bo.

JOSUA 6:12

Kani pa-nyh khawn angthodyh, Josua ly i ang thau bo. Pathyp pi nai keungchi hawi tavaimi risachi ly jangdyh i kamta, tlen pa-nyh mary taki u bo. Ka-man keh y risachi, huni bo y baw saryhrei eng nai pathyp pi nai keung leaung saryhreichi, nichi nithun y Areng i Leu Maikawm Pawm angjeaung nai pathyp pi nai keungchi hawi, kangkhym keh y risachi abang u nai ne. Nichi amki u nai thym khala, pathyp pi nai keungchi my bawchi eng u.

JOSUA 6:15

Saryh kani khawn mang kani achaw deaung nai neng khala nichi, i ang thau u i, mary taki reng nai kamta, tlen saryhrei taki u.

JOSUA 7:16

Khawn khutawi angthodyh y Josua ly Israela chengchi ai cheng theaung ka-thui theu hai i, Juda theaung y tambe avah bo.

JOSUA 8:10

Khawn angthodyh Josua ly Israela cheng miteaungkehchi hawi vanrei, tavaimi risachi ai lu sa iy, A-i mary mang y amsa u bo.

TARA CHIH NAI KEUNGCHI 20:19

Na i py Israela chengchi ly khawn khutawi nai khala y theu u i, Kibeah mary y tai u bo.

1 SAMUELA 17:20

Davida ly kani pa-nyh khawn angthodyh ang thau iy, beramchi ai ly khumi leaungrei teng y au i, teicha teineichi syn naimy ampo Jesai i thui pi nai kamta chei bo. Ni ly Israela chengchi hawi Philistia chengchi atiu ai nai aeu nai my amsa nai neng y tym.