JOSUA 24:7 - Khumi Common Language Bible

⁷ kai teng y vo naimy kasabawmra hnei u bo. Huna nai khala kai ly nichi hawi Aikupta tavaimichi sala y khuveng theu hai. Paleung ka-echi i tlang tleaung y pangli tui um hai meuh i, nichi ly tui y dei u chauchau bo. Kai ly Aikupta pri ai mana pajeng mo, nanai nangchi pany u nai ne. Nangchi ly daichi ka-vym y krarawm pa-rei awm u.

JOSUA 24:7 Iomraidhean Croise

THEU NAI 14:10

Israela chengchi ly samrang i tavaimichi my hui nai niu u baly, khri pa-rei jei u i, sabawmra nga ai nai Areng teng y aeu naimy takeng u.

THEU NAI 14:20

Aikupta tavaimichi hawi Israela tavaimichi sala y awm pi khyp nai ne. Tamai angjawi ly Aikupta chengchi mang y veng hai cheng iy, Israela chengchi mang y angvang hai phang bo. Hunai deaungkho y nichi ly mang mang akai thai y nai ne.

THEU NAI 14:31

Naibaly Areng ly mymy i nang parai nai sa thai naira hawimy Aikupta chengchi ai pasum naichi, Israela chengchi ly niu nai khala y, nichi ly Areng ai jei kaji naimy tahm khai u; naibaly Areng ai py, mymy i miseaung Mosi ai py ym u bo.

Leu Thui Nai 1:46

“Hunaibaly achi ly Kadesa meingtym y kra parai pa-rei awm nai ne.

Leu Thui Nai 2:14

Kadesa Barnea i dengdairei Zered tavo angpeang nai ryrei saneng 38rei kra nai ne. Areng my leu pei nai kamta, huni deung kangthau theung i tavaimi leilachi ly dei be bo.

Leu Thui Nai 29:2

Mosi ly Israela khumi bawibawichi ai palau achu iy nichi teng y, “Areng ly Aikupta pri y samrang Pharao, ni i bangtangchi hawi pri vereichi ai mana pajeng moh, nanai nangchi niu u bo.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

HEBRAI 3:17

Naibaly saneng vui palyhrei sala y paleung angai y nai ly amichi i tlang tleaung y mo? Kamngo sa nai keung daichi ka-vym y dei naichi i tlang tleaung y ny y lawh a?