JOSUA 24:32 - Khumi Common Language Bible

³² Israela chengchi ly Aikupta pri i dengdairei syn u nai, Josepha i hiuchi ai Sekhem i ampo, Hamor i chapochi teng y Jakob my tangkacho chungvairei hawi van nai, Sekhem mary i khaileaung y up u bo. Huni khaileaung ly Josepha i kangpreangchi amtym nai khaileaung ne.

JOSUA 24:32 Iomraidhean Croise

ATITI AWM ANGCHEI NAI 33:19

Ni ly huni meingtym ai Sekhem i ampo Hamora i kangpreangchi teng i tangkacho chungvairei hawi van bo.

ATITI AWM ANGCHEI NAI 48:22

Sekhem meingtym khaileaung kahawi ly nang ai kang pei, ngamjochi i vui ny y; huni meingtym ly kai my thailiho hawi haisau atheu iy Amori chengchi teng i nga vui nai paitiu khuta hawi nai khaileaung ne,” napi.

ATITI AWM ANGCHEI NAI 50:24

Josepha ly amjo amnauchi teng y, “Kai ly dei ai bo; kai by y i py Tameuh my nangchi ai ang kry takengkei ai. Nangchi ai hini pri i dengdairei ang patheu iy, Abraham, Isaka, Jakobchi teng y pei ai adeu nai pri mang y ang pahawi ai,” napi.

ATITI AWM ANGCHEI NAI 50:25

Naibaly Josepha ly mymy i khumichi teng y, “Tameuh my nangchi ai huni pri y ang pahawi nai khala, nangchi hawi vanrei kai i hiu py syn ai, nanai kai teng y leu adeu u,” napi iy vaineng abeu hai bo.

THEU NAI 13:19

Josepha my Israela chengchi teng y leu taviu kheng nai kamta, Mosi ly Josepha i hiuchi syn nai ne; Josepha my, “Tameuh my nangchi ai atleu nai khala y, kai i hiuchi ai hi i nai syn u ai nai tla,” nanai leu taviu kheng bo.

JOHAN 4:5

Jakob ly my i chapo Josepha teng y pei nai meingtym ahawi y Samari avang harei, Sukara napi naira y tym: Jakob i tuikan py hu y awm.

AMTAW 7:15

Hunaibaly Jakob ly Aikupta pri y chei bo; naibaly mymy hawi achi i amsi sangumchi ly dei i,

AMTAW 7:16

Sukem avang y ajeaung khrai, naibaly Abraham ly Sukem avang i Hamora i chapo teng y tangka y van nai angawm y nichi ai up bo.

HEBRAI 11:22

Ym naira deaungkho y Josepha ly dei ai nai kasa nai thym khala y ly Israela kangpreangchi theu ai nai leu thui iy, mymy i hiu molam y leu pei bo.