JOSUA 24:2 - Khumi Common Language Bible

² Huna nai khala Josua my khumi bawibawichi teng y, “Israela chengchi i Areng Tameuh my hina nai leu ang pei bo. ‘jangni y nangchi i amsi pajo napi nai Terah, ni i chapo Abraham hawi Nahorchi ly Euphrat tavo vai mang y awm iy, tameuh takhrachi ai chiu u nai ne.

JOSUA 24:2 Iomraidhean Croise

ATITI AWM ANGCHEI NAI 11:22

Seruk ly saneng 30 rei khala y chapo Nahora ai sa;

ATITI AWM ANGCHEI NAI 11:24

Nahora ly saneng 29 rei khala y chapo Terah ai sa;

ATITI AWM ANGCHEI NAI 11:26

Terah ly saneng 70 rei awm nai bo y Abram, Nahora hawi Haranchi ai sa nai ne.

ATITI AWM ANGCHEI NAI 11:27

Hini ly Terah i kangpreangchi ne; mymy ly Abram, Nahora hawi Haranchi i ampo ne. Haran ly Lota i ampo ne.

ATITI AWM ANGCHEI NAI 31:19

Labana ly mymy i beramchi ai mui vau ai nai chei vui nai sala y Rakeli ly ampo i tameuh mynchi paviu pi veng nai ne.

ATITI AWM ANGCHEI NAI 31:30

Nang ly ngampo i yhm y tym ai ngai nai awn ala nai bo, nanai kang pany pi mang; na i py nang ly ati mana nai kai i tameuh mynchi paviu vui lawh moh,” napi.

ATITI AWM ANGCHEI NAI 31:32

Na i py hi i awm nai khumichi teng y nang i tameuh mynchi ai paviu nai nang niu lawh baly, ni ai ly padei ai nai tla. Kai i khumichi theung y nang i vawnsaichi hau ly niu lawh baly lo teang,” napi. Jakob ly Labana i tameuh mynchi ai Rakeli my paviu pi vui nai ly pany y.

ATITI AWM ANGCHEI NAI 31:53

Abraham i Tameuh hawi Nahora i Tameuh ly ani sala ly tara chih pi na sy,” nanai vaineng abeu bo. Hunaibaly Jakob py ampo Isaka i Tameuh i amyn y vaineng abeu teang.

ATITI AWM ANGCHEI NAI 35:4

Naibaly nichi ly mymychi i kano amchochi py, cheng takhrachi i tameuhchi py Jakob teng y pei u i, Jakob my Sekhem mary sahawi i ngopraibiu keung anui y up bo.

1 NENG SATANG 1:27

Abram, napi nai Abrahamchi ne.

ISAIA 51:2

Nangchi i amsi sangum Abraham hawi Sarah nini i satang dawn pany jo ba. Abraham ai kaimy palau nai thym khala y, ni ly cho chanau by y. Na i py kai ly ni ai cho chanau amtheaung hai iy, ni i kangpreangchi peung hai nai ne.

Ezekiela 16:3

Huni Jerusalem mary ai sa thai naira angym nai Areng my leu pei nai nang ly thui pi; “Nang i kangpreangchi ly Kanan pri y tapen iy nang i ngampo ly Amori cheng, nang i ngamhm ly Hiti cheng ne.

LUKA 3:34

huni ly Juda i chapo ne, huni ly Jakob i chapo ne, huni ly Isaka i chapo ne, huni ly Abraham i chapo ne, huni ly Terah i chapo ne,

Leu Thui Nai 26:5

Hunaibaly nang ly Areng i mo y: ‘Kai i amjo amnauchi ly yhm hlau jeaungmang nai Aramean cheng ne; ni ly my i yhm dengtheungchi ai hawi iy Aikupta pri y awm ai nai chei nai khumi ne. Huni pri y tym nai thym khala khumi di parai teu i py, kangkhym y ly khumi neangneang peung iy sa thai naira haiho len nai cheng lawm u bo.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.