JOSUA 24:19 - Khumi Common Language Bible

¹⁹ Huna nai khala Josua my khumichi teng y, “Nangchi ly Areng ai chiu vam ai ny y. Mymy ly chai parai nai Tameuh ne i, nangchi i kamngo pahen pi ai ny y; mymy ly takhosi parai nai ne.

JOSUA 24:19 Iomraidhean Croise

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

SAM 99:3

Khumi bawibawichi ly mymy i nang parai naimy ka-jei hawi nai amyn palo u ai; mymy ly chai parai nai ne!

SAM 99:5

Achi i Areng Tameuh ai ly palo u; mymy i areng atehra mo y lu meung iy chiu u! mymy ly chai parai nai ne.!

SAM 99:9

Achi i Areng Tameuh ai ly palo u; mymy i mawi kachai salo y chiu u! Achi i Areng Tameuh ly kachai ne.

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

THEU NAI 23:21

Ni ai tahm khai iy ni i leu tangai u. Ni ai kaimy pato nai ne i, ni ai tiu u moh; ni ly huna nai tiu nai ai ly pahen pi ai ny y.

THEU NAI 34:14

Kai, Areng ly ka-awi sa nai keung ai niu ngai y nai deaungkho y, nangchi ly tameuh takhra ai chiu ai nai tlo y.

THEU NAI 34:7

Kai ly sang neangneang nawi parai nai cheng kangpreangchi teng y, kai i adeu nai leu meitang khaw hai ai; kai ly sa tamang nai hawi kamngo molam nichi i kamngo pahen pi ai. Na i py amhm ampochi i kamngo ai ly katu chanauchi i tlang tleaung y deung thom deung palyh tym pa-rei kapajeng ai,” napi.

ISAIA 2:9

Huna nai y khumi luteng ly cheh nai avum u iy, kangji nga u ai. Aw Areng, nichi ai kamngo pahen pi moh!

ISAIA 27:11

Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.

ISAIA 30:11

Kaichi lam i nai aheng u; kaichi i lam paka u moh. Nangchi my chiu iy Israela chengchi i chai parai nai Tameuh satang, kaichi thai ai nai ngai y,” nanai thui u bo.

ISAIA 30:15

Israela chengchi i chai parai nai Areng Tameuh my khumichi teng y, “Nangchi ly kai teng y vawi iy kajeaung kaji naimy kai ai ym u. Hunaibaly nangchi ly atho ham naira nga iy, atleu naira nga u ai,” napi. Na i py nangchi ly tangai u y!

ISAIA 5:16

Na i py ati cheaungkhang sa thai nai Areng ly kahawi sa nai dengdairei mymy i nang parai nai patei pi ai. Mymy i nang parai nai hawi chai parai nai amthang hai ai.

Levi 10:3

Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

Levi 11:44

Kai ly nangchi i Areng Tameuh ne; kai ly kachai ne i, nangchi py chai ai nai tla.

Levi 11:45

Kai ly nangchi i Tameuh lawm ai nai nangchi ai Aikupta pri i dengdairei pahawi nai keung Areng ne. Kai ly kachai ne i nangchi py chai ai nai tla.

Levi 19:2

Israela khumi mipuichi i vui leu pei nai ly “Nangchi i Tameuh, kai Areng ly kachai ne nai deaungkho y, nangchi ly chai ai nai tla.

Levi 20:26

Kai ly Areng ne iy chai nai deaungkho y nangchi py chai ai nai tla. Nangchi ly kaimy vawi nai kai i khumichi ne. Kai naini nangchi ai kang peang ai nai, nangchi ai khumi cheng cheaungkhangchi theung i nai kaimy vawi takhra nai bo.

Levi 20:7

Kai ly nangchi i Areng ne nai deaungkho y, nangchi ly chai u ai nai tla.

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

HABAKKUK 1:13

Na i py nang ly khumi hawi y nai, ka-ym by y nai khumichi tlang tleaung y mana nai kham pi pajau ai mo? Nang i mei ly khri pa-rei chai parai nai ne i, hawi y nai ai khen pajau y. Nang ly khumichi i sa tamang nai py, kham pi pajau y. Hunai deaungkho y amychi tleaung y kabo kaja hawi nai khumichi ai, huni khumichi my taphra nai khala nang ly ati mana nai y awm pypy lawh mo?

MATTHAI 6:24

“Ami py yhmkeung leaung nyhrei i kalop so abom thai y leang: ni ly leaungrei ai niu ngai y iy, leaungrei ai ngai ai, ti y baly leaungrei ai ly ama hai iy, leaungrei ai ly tahm khai y ai. Tameuh i kalop hawi yhmtheaung i kalop so u abom thai y leang.

JOSUA 24:18

Kaichi ly hini pri theung y kun u nai khala, mymy ly hini meingtym y awm nai Amori cheng bawibawichi ai patheu pi pawn bo. Hunai deaungkho y kaichi ly Areng ai naini chiu u ai. Mymy ly kaichi i Tameuh ne,” nanai pathang u bo.

JOSUA 24:23

Josua my, “Hunaibaly nangchi teng y awm nai tameuh takhrachi ai khai su iy, Israela chengchi i Areng Tameuh teng y ahihawi iy chiu u,” napi.

RUTHI 1:15

Naibaly Naomi my, “Ruthi awi, ngamjo ly mymy i chengchi hawi mymy i tameuh teng y vawi ali teang bo. Nang py ni hawi vanrei yhm mang y vawi teang jau,” napi.

1 SAMUELA 3:14

Hunai deaungkho y mani kapathypra, mani katalamra py, hini hawi y parai nai kamngo lawi pa-rei sa pajau ai ny y, nanai kai ly Eli i dengtheungchi teng y thui pi kheng bo,” napi.

1 SAMUELA 6:20

Hunai deaungkho y Beth Sheme mary i khumichi my, “Chai parai nai Tameuh napi nai Areng i mo y ami kham pajau ai mo? Achi hawi palo pa-rei, mymy ai mani mang y tha vui ai mo?,” nanai thui u bo.