JOSUA 24:18 - Khumi Common Language Bible

¹⁸ Kaichi ly hini pri theung y kun u nai khala, mymy ly hini meingtym y awm nai Amori cheng bawibawichi ai patheu pi pawn bo. Hunai deaungkho y kaichi ly Areng ai naini chiu u ai. Mymy ly kaichi i Tameuh ne,” nanai pathang u bo.

JOSUA 24:18 Iomraidhean Croise

SAM 116:16

Aw Areng, kai ly nang i miseaung ne; kai i amhm sa nai kamta, kai ly nang i kalop sa pi ai. Nang ly kai ai deira i nai atleu pi bo.

THEU NAI 15:2

Areng ly kai i atho hawi ama hai nai keung, mymy leaungrei naini kai ai atleu nai keung ne; kai ly mymy ai palo ai. Mymy ly kai i ampo i Tameuh ne iy, mymy i nang parai nai sai ai kapalo ai.

THEU NAI 23:31

Kaimy nangchi i khujyh ly pangli kamsen dengdai mrethe pangli ryrei, daichi ka-vym dengdai Euphrat tavo ryrei kau hai ai. Kai ly huni pri i khumichi ai nangchi kiu y kang au ai i, nichi ai nangchi my patheu u pajau ai.

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

ZEKHARIAH 8:23

Huni neng kani y Juda khumi leaungrei ai, cheng takhra khumi leaung horeichi my, ‘Tameuh ly nang hawi vanrei awm, nanai kaichi thai bo. Hunai deaungkho y kaichi ly nangchi hawi vanrei, sih hawi amdai ahawi ai nai ngai,’ nanai thui ai,” napi.

AMTAW 7:45

huni teang achi i amsi sangum kangpreang bi naichi ly Cheng Takhrachi i pri nga ai nai athun nai thym khala y ly, Josua hawi vanrei kun hai; nichi ai ly Tameuh my achi i amsi sangumchi i mo y Davida awm khala y khrairei patheu jojo.

Leu Thui Nai 10:21

Mymy ai palo u, mymy ly nangchi i Tameuh ne; mymy ly nangchi i vui rengrang tlai naichi ang sa pi nai ly nangmychi i mei y niu u bo.

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.

JOSUA 23:9

Nangchi tavai thau u nai thym khala, Areng my atho awm nai khumi chengchi ai patheu pi veng nai deaungkho y, amimi py nangchi ai amtang pajau y leang.

JOSUA 24:17

Kaichi i Areng Tameuh ly kaichi i ampochi hawi kaichi ai miseaung achei nai, Aikupta pri i dengdairei atleu pi bo. Mymy i sa pi nai lyh ai hawi parai naichi kaichi niu u bo. Pri neangneangchi tako prei nai khuleaung jeungrei, mymy ly kaichi ai ama hai iy, ang kry nai ne.

JOSUA 24:19

Huna nai khala Josua my khumichi teng y, “Nangchi ly Areng ai chiu vam ai ny y. Mymy ly chai parai nai Tameuh ne i, nangchi i kamngo pahen pi ai ny y; mymy ly takhosi parai nai ne.