JOSUA 24:14 - Khumi Common Language Bible

¹⁴ Josua my thui bi i, “Vai nangchi ly Areng ai jei kaji naimy tahm khai iy, mymy i kalop ai paleung hawi verei, ka-ym awm naimy so u. Mesopotamia pri hawi Aikupta pri y nangchi i amsi pajochi my chiu nai tameuhchi ai khai su iy, Areng ai naini chiu u.

JOSUA 24:14 Iomraidhean Croise

ATITI AWM ANGCHEI NAI 17:1

Abram ly saneng vui takaw hongan takawrei awm nai khala y, Areng my Abram teng y amteng i, “Kai ly ati cheaungkhang sa thai nai Tameuh ne. Kai i leu tangai iy kalop kateng so ba.

ATITI AWM ANGCHEI NAI 35:2

Naibaly Jakob ly my i yhm dengtheungchi hawi mymy hawi vanrei awm nai khumi bawibawichi teng y, “Nangchi teng y awm nai tameuh takhrachi ai ly aphi u pawn; nangmychi py apachai u ly ateaung kachaichi amthyp u.

2 ARENG KEH 20:3

“Aw Areng, kai ly nang i kalop ai ka-ym awm naimy sa. Nangmy sa hai ai ngai nai kamta sa nai ai pany pi ba,” nanai chiu sa iy khri pa-rei vo bo.

EZARA 9:11

Nangmy ly ‘Nangchi peang ai nai pri ly amso ngai nai ne; mipuichi ly khuteng katem y tym pa-rei amso ngai nairachi hawimy kawi hai cheng bo. Nangchi ly huni pri i amti amjangchi kajeu kawi pa-rei cha nei u iy, huni pri ai py nangmychi i katu chanauchi kiu tleaung y deungtasa au ai nai ngai lawh baly, huni pri y awm nai khumichi hawi mana khala py apom u moh.

JOBA 1:1

Uz pri y Joba napi nai khumi leaungrei awm; ni ly hawi naira angym i, Tameuh ai jei kaji nai khumi, hawi y naira asyn ai nai pany nai khumi ne.

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

SAM 119:1

Areng i Reita leu ai sa patawm iy, kamngo by y pa-rei heng nai khumi ly taham hawi.

SAM 119:80

Kai ly nang i reita leu pei naichi ai sai py takhawi y naimy tangai nai deaungkho y, sum naira hawi kangji kangai ngo hai mo kyh ba.

SAM 130:4

Na i py nang ly kaichi i kamngochi palawi pi bo; hunaibaly kaichi ly nang teng y ahui kajeaung kaji nai ne.

SAM 81:10

Kai ly nangchi ai Aikupta pri i dengdairei kang pahawi nai nangchi i Areng Tameuh ne. Nangchi i labeaung ang u; kaimy kang pacho ai.

Ezekiela 20:18

Daichi ka-vym theung i nai nichi i cho chanauchi teng y, ‘Nangchi i amsi pajochi i sa nai reitachi teaung u moh; nichi i reita tanynchi py patawm u moh. Nichi i mynchi ai chiu nai hawimy chai hai y nai so u moh.

Ezekiela 23:3

Nini ly deaungdi nai Aikupta pri y awm nai thym khala y, myni i kanu ai panem piu naira avum i, anglo mo phra iy bimanu lawm hawi bo.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

Levi 17:7

Israela khumichi ly Areng ai ka-awi sa naimy daichi theung y tawnbawichi tleh iy, vawinamchi teng y apathyp bi ai nai avo y. Israela khumichi ly hini reita pei nai ai teaung patawm jojo ai nai tla.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

LUKA 8:15

Naibaly khaileaung kahawira y tla nai ly hinichi he: paleung kateng kahawi naimy leu thai iy patawm jojo i hawihai palai athai.

AMTAW 9:31

Hunaibaly Judai pri y hawi, Kalili pri y hawi, Samari pri tengtang y py palau takhra kamkawm ly khaw ryh khaw ryh i awmnem bo; naibaly Areng ai tahm khai naimy Phailo Kachai i awmnem naira y awm iy peung ryh peung ryh bo.

II KORINTH 1:12

Kaichi i amlyh naira ly hini ne he, naibaly kaichi i hawi nai hawi y nai pany naira ly pany hai bo; kaichi ly chai naira hawi Tameuh i meitang naira y (tlang i cheng naira y ny y naimy Tameuh i pahenra y), khaileaung pri y awm nai sai kahawi awm u bo, nangmychi i mo y py hawi tleaung hawi ra bo.

EPHESI 6:24

Achi i Areng Isu Krista ai tamen nai rawm y nai bawibawichi teng y pahenra awm sy.

Leu Thui Nai 10:12

“Aw Israela chengchi awi, nangchi i Areng Tameuh i kangaichi tangai u: Areng ai chiu u ly mymy i leu pei nai bawibawichi phai tangai u. Areng ai paleung hawi verei tamen iy mymy i kalop so u;

Leu Thui Nai 18:13

Nangchi ly Areng ai paleung hawi verei ym u,” napi.

Leu Thui Nai 6:13

Nangchi i Areng Tameuh ai tahm khai u ly mymy ai phai chiu u; mymy i amyn y naini tau iy vaineng adeu u.

PHILIPI 1:10

hunaibaly nangchi ly atiti hawi keh naichi ai ly hawi, napi u thai ai nai hawi, Krista i kani i vui ly meitang hawi cheh ai nai by y nai py lawn u thai ai nai,

JOSUA 24:2

Huna nai khala Josua my khumi bawibawichi teng y, “Israela chengchi i Areng Tameuh my hina nai leu ang pei bo. ‘jangni y nangchi i amsi pajo napi nai Terah, ni i chapo Abraham hawi Nahorchi ly Euphrat tavo vai mang y awm iy, tameuh takhrachi ai chiu u nai ne.

JOSUA 24:23

Josua my, “Hunaibaly nangchi teng y awm nai tameuh takhrachi ai khai su iy, Israela chengchi i Areng Tameuh teng y ahihawi iy chiu u,” napi.

1 SAMUELA 12:14

Nangchi ly nangmychi i Areng Tameuh ai, jei kaji naimy chiu iy leu pei naichi ai akhi y, leu tangai nai hawimy nangmychi i samrang hawi vanrei, mymy i pahen naira y atyp u baly, nangchi ly tlamsa ai.

1 SAMUELA 12:24

Areng ai jei kaji iy, paleung hawi verei ka-ym awm naimy chiu so u; nangchi ly mymy i rengrang ang sa pi naichi ly pany u jo ba.

1 SAMUELA 7:3

Samuela my Israela chengchi teng y, “Nangchi ly Areng teng y paleung hawi verei, jeu aliteang ai nai ngai baly cheng takhrachi i tameuhchi ai py, kani anglo Asatare i mynchi ai py, khai su ai nai tla; Areng teng y nangmychi ai aau patyp iy, mymy ai naini chiu u baly mymy ly nangchi ai, Philistia chengchi kiu i nai atleu ai,” napi.