JOSUA 23:6 - Khumi Common Language Bible

⁶ Hunai deaungkho y nangchi ly Mosi i reita cha-iu theung y awm nai reitachi ai ati sai py takhawi y naimy kry patawm ai nai atyp u.

JOSUA 23:6 Iomraidhean Croise

1 ARENG KEH 2:3

nang i Areng Tameuh my leu pei nai kamta so; Mosi i reita cha-iura y tajiu nai kamta, mymy i reitachi hawi leu pei nai ngiereichi tangai ba. Hunaibaly nang i sa naira tleirei y hawi, chei naira tleirei y eaung ai.

SAM 101:3

Hawi y naira ai ly mana khala py kham pi ai ny y. Tameuh ai nithun thun vui nai khumichi i sa nai saichi ai, kai ly mei angai y; kai ly hunichi hawi ati sai py, amtawn abi y ai.

SAM 119:102

Kai ai thui parip nai keung ly nang ne nai deaungkho y, kai ly nang i leu pei naichira i nai hi vui y leang.

JEREMIA 9:3

Nichi ly li-tapawp ai nai ko nai thailiho chyn kamta, labeaung paniu vai y. Nichi i pri y leu meitang peang ai nai tleaung y ly leu ka-chawi my peang nai ne. Areng my, “Kai i khumichi ly kamngo sa tamyhtyh naimy, kai ai nichi i Tameuh palawn ai nai ngai u y,” napi.

I KORINTH 16:13

Atyp u ly, ym naira y ly khaw pa-rei angdo u, vam u ly., ham parai naimy awm u.

Leu Thui Nai 12:32

“Nangchi teng y kaimy kang thui pi nai ngiereichi so u; panawi py panawi bi moh, pajaw py pajaw moh.

Leu Thui Nai 17:20

Huna nai sa nai ly mymy i Israela chengchi tlang tleaung y pany thai keh, nanai amlyh nai paleung awm ai ny y. Areng i leu pei naichi py ei vui ai ny y. Huna nai khala ni hawi ni i kangpreangchi ly Israela pri y deung kangthau neangneang khrairei peang ai nai nga u ai.

Leu Thui Nai 28:14

Hunai deaungkho y nangchi ly hini reita leu pei naichi ai paleung hawi verei patawm u ai nai tla; tameuh takhra ai py chiu u moh.

Leu Thui Nai 5:32

“Israela chengchi awi, nangchi i Areng Tameuh my nangchi teng y leu pei nai ngiereichi so patawm u; mani reitachi py taphra u moh.

HEBRAI 12:4

Nangchi ly vai khrairei kamngo ai tiu naira y thi theu nai pa-rei ate u y rai;

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.