JOSUA 23:1 - Khumi Common Language Bible

¹ Neng kra kyh nai bo y Areng ly Israela chengchi ai, tengpang sahawi y awm nai paleung ka-echi my patang hai naira i law tleaung hai. Josua py khri pa-rei miteaung acheang na bo.

JOSUA 23:1 Iomraidhean Croise

1 ARENG KEH 1:1

Samrang Davida ly khri pa-rei miteaung cheang nai khala, miseaungchi my kanihchi khiu pi teu i py, ngan kabi ngo pajau y bo.

1 NENG SATANG 23:25

Davida my, “Israela chengchi i Areng Tameuh ly mymy i khumichi ai tlamsa naira pei iy, mymy py Jerusalem mary y awm pi jojo ai.

1 NENG SATANG 27:1

Hini ly samrang i kalop sa pi nai Israela cheng yhm dengtheung luchi, nupai luchi hawi pri peang nai miteaung kehchi i charangchi ne. Nichi ly khumi leaung 24,000 rei awm nai kamkawmchi phy iy, lorei y kamkawm harei kalop sa u bo. Huni kamkawm hahareichi ai, tavailu areng leaungrei my peang nai ne.

2 NENG SATANG 14:1

Abijah dei nai khala ni ai ly Davida mary samrangchi i tapreaung y up u nai ne. Naibaly ni i chapo Asa ly ampo i meingtym samrang y lyn bo. Huni samrang i deung y pri ly saneng horei tlamsa nai ne.

2 NENG SATANG 14:5

Juda pri mary tleirei i myn chiu nai meingtymchi hawi rimui patawi nai maichamchi taphra nai deaungkho y, huni samrang i peang nai deung y, pri ly tlamsa nai ne.

2 NENG SATANG 20:30

Hunai deaungkho y Jehoshapha ly tlamsa naimy peang ai nai nga. Tameuh my ni i pri meingtym tleirei y chymme naira awm hai bo.

SAM 46:9

Mymy ly khaileaung pri verei y atiu naichi ai anawn hai bo; thailihochi ai khei vui iy, tivichi tameang pawn iy, khopuichi ai py mai y veang pawn bo.

ISAIA 63:14

Si, painochi ai sui tlaira hawi parai nai leaunghawi mang y pahawi nai kamta, Areng ly mymy i khumichi ai awmnem nai meingtym mang y pahawi bo. Hina nai kamta mymy ly mymy i sa thai naira haiho amthang hai nai ne.

Leu Thui Nai 31:2

“Vai kai ly saneng chungvai atlo apomrei awm bo i, nangchi ai kakra lu kang sa pi pajau ai ny y leang bo. Huni khyh ny y, Areng my kai ai Jordan tavo angpeang ai nai py pei y bo.

JOSUA 11:23

Areng ly Mosi dengdairei leu pei nai kamta, Josua my huni pri verei ai tiu i peang vui bo. Ni i Israela cheng theaung bawibawichi ai peang hai ai nai, huni pri ai khu paji pi bo. Naibaly pri verei ly tlamsa naimy awm nai ne.

JOSUA 13:1

Josua ly miteaung cheng bo. Areng my Josua teng y, “Nang ly saneng len i miteaung cheng dudu bo. Peang vui ai nai khu ka-peangchi neangneang awm asai rai.

JOSUA 21:44

Areng my nichi i amsi pajochi teng y leu adeu nai kamta, pri verei y tlamsa nai awm bo. Areng my Israela chengchi teng y, paleung ka-e awm nai ngiereichi ai tiu i, eaung hai bo. Mani paleung ka-e my py, nichi ai amtang pajau y.

JOSUA 22:4

Vai ly nangchi i Areng Tameuh my adeu nai kamta, nangchi i chengchi ly tlamsa naimy awm u bo. Hunai deaungkho y nangchi ly Areng i miseaung Mosi my khai takhra pi nai, Jordan tavo nisi mang y awm nai, nangmychi i khu ka-peang mang y vawi u.

1 SAMUELA 12:2

vai, nangchi ly lu sa nai keung nga u bo. Kai ly miteaung cheang, sam py pau bo; kai i chapochi py nangchi hawi vanrei awm. Kai ly deaungdi khala i dengdairei, nangchi ai lu kang sa pi bo.