JOSUA 22:25 - Khumi Common Language Bible

²⁵ Mymy ly Ruben theaung, Kad theaungchi napi nai nangchi hawi kaichi ai Jordan tavo my patleh takhra bo. Nangchi ly Areng hawi ati sai py amtawn y,’ nanai thui nai deaungkho y nangchi i kangpreangchi ly kaichi i kangpreangchi ai Areng ai chiu y naimy awm ai nai paka lawh na, nanai mawn nai deaungkho y, maicham kasa u nai ne.

JOSUA 22:25 Iomraidhean Croise

2 SAMUELA 20:1

Kilakala mary y Benjamin nupai Bikri i chapo Seba napi nai khumi kamthu kamleaung leaungrei awm. Ni ly baw eng iy, “Davida ai aly ngai y, Kaichi ly ni i nithun abang ai nai ngai y. Israela khumichi awi, achi ly yhm y vawi u sina!” nanai aeu bo.

1 ARENG KEH 12:16

Mymychi i takeng nai leu ai samrang ly tangai pi y leang bo, nanai pany u nai khala y, khumichi my, “Davida teng y achi i cheng by y! Jese i chapo teng y achi yhmtheaung by y! Aw Israela khumichi awi, amychi saleaung y vawi u sina! Aw Davida, nangmy i yhm ai khen teang cham! Rehoboam ly my i vui phai dawn khyh sy!” nanai aeu u. Hunai deaungkho y Israela khumichi ly tiu u nai ne.

1 ARENG KEH 14:16

Jeroboam ly kamngo sa i, Israela chengchi ai py kamngo lam mang y pahawi nai deaungkho y, Areng ly Israela pri khai su ai,” napi.

1 ARENG KEH 15:30

Hina nai kamta tym nai ly Jeroboam ly kamngo neangneang sa iy Israela chengchi ai kamngo lam mang y pahawi naimy, Israela chengchi i Areng Tameuh ai kado theu hai nai deaungkho y ne.

NEHEMIA 2:20

Naibaly kaimy, “Kani pri mang y awm nai Tameuh my ly kaichi ai eaung ai nai pei ai; kaichi ly mymy i miseaungchi ne i, sa palum nai kalop amteaung ai; nangchi ly Jerusalem mary theung y ati sai py peang y, hini mary theung y nangchi hawi amtawn abi nai ka-ma-ra sai py by y leang,” napi.

SAM 16:5

Aw Areng, kai i abyhra ly nang leaungrei awm khyh; kai i ngai nai ngiereichi ai py nangmy pei bo. Kai i momang i vui ly nang i kiu tleaung y awm.

AMTAW 8:21

Hinira y ly nang abawi y leang, abi py abi y leang; nang i paleung ly Tameuh i dawn naira y hawi y leang.

JOSUA 22:24

Khawnvai kani y nangchi i kangpreangchi my kaichi i kangpreangchi teng y, ‘Nangchi ly Israela chengchi i Areng Tameuh hawi ati amtawn u sai a?

JOSUA 22:26

Kaichi maicham sa nai ly kapathypra hawi katalamrachi leng patlum ai nai ny y.

JOSUA 22:27

Kaichi i khumichi i vui py, nangchi i khumichi hawi mo mang deung kangthauchi i vui py, pany hawi nai ka-ma-ra lawm ai nai sa nai ne. Kaichi ly kapathypra hawi katalamrachi ai leng patlum nai katalamra dengdairei, katalamra cheaungkhang hawi Tabynako mo y naini Areng ai chiu ai, nanai hini maicham my pany hai ai. Hini molam y nangchi i kangpreangchi my, kaichi i kangpreangchi teng y, ‘Nangchi ly Areng hawi amtawn abi y leang,’ nanai thui u pajau ai ny y.

1 SAMUELA 26:19

Tahm awm parai nai samrang awi, kai i thui nai leu tangai pi kyh ba. Nang ai kai hawi paleung ka-e lawm pa-rei sa nai keung ly Areng ne lawh baly, kado theu nai rym hai ai nai kapathypra talam pajau nai ne. Na i py paleung ka-e lawm hai nai keung ly khumichi ne lawh teu baly, nichi ly Areng i amsawi lawi u na sy. Israela chengchi teng y Areng i pei nai khu ka-peang i dengdairei, cheng takhrachi i tameuhchi ai chiu pajau nai khu ka-peang mang y kai ai nichi my patheu u bo.