JOSUA 22:19 - Khumi Common Language Bible

¹⁹ Hunai deaungkho y nangchi i pri ly Areng ai chiu ai nai amlau y na baly, Tabynako awm nai pri mang y angpeang iy, nangchi awm ai nai khu ka-peang kai teng y hnei u. Na i py kaichi i Areng Tameuh i maicham ny y naimy, takhra maicham sa nai molam y mymy ai tiu u moh. Huna nai tiu naira y kaichi abawi moh sy.

JOSUA 22:19 Iomraidhean Croise

2 NENG SATANG 11:13

Israela pri verei i pathyp pi nai keungchi hawi Levi theaungchi ly tokalawi mang Juda pri y tym u bo.

THEU NAI 15:17

Aw Areng, nang ly nichi ai pahawi iy nang i awm ai nai vawi takhra nai mawi salo y, meingtym tahyh pi ai; nangmy kypkyp my sa nai Achura yhm y awm hai ai.

DANIELA 10:13

Pasia pri ai typ nai kani pri amtaw thau nai ly kai ai kani 21 ryrei ang paka. Naibaly kani pri amtaw thau naichi theung y len keh nai Mikhaela ly Pasia pri y kaimy leaungrei kaawm jo khyh nai deaungkho y, jeu i kai ai sabawm nai ne.

AMOS 7:17

Huna nai thui nai deaungkho y Amaziah awi, Areng my nang ai leu ang pei nai ly ‘Nang i aju ly mary theung y bima lawm ai. Nang i cho chanauchi py tavai keung y dei ai. Nang i peang nai khaileaung ly phy iy khumi takhrachi teng y pei pi vui ai. Nangmy py tameuh by y nai pri hareira y dei ai. Israela khumichi ly mymychi pri i dengdairei, pri pala naira avum u ai’ ” nanai pathang pi bo.

JOSUA 18:1

Pri verei tavai tiu pajau nai bo y Israela chengchi ly Siloh mary y tym angym u i, Areng i awm nai Tabynako sa u bo.

JOSUA 22:11

Takhra Israela chengchi ly “Tangai u! achi i khu ka-peang Jordan tavo nidym mang Keliloth meingtym y Ruben theaung, Kad theaung hawi nisi Manase theaungchi ly maicham sa u lawh! " napi.