JOSUA 21:43 - Khumi Common Language Bible

⁴³ Hina nai kamta Areng ly Israela chengchi i amsi pajochi teng y pei ai, nanai adeu hai nai pri verei ai, nichi ai pei pi nai ne. Nichi ly huni pri ai peang vui iy, hu y khuteng sa u bo.

JOSUA 21:43 Iomraidhean Croise

ATITI AWM ANGCHEI NAI 12:7

Areng ly Abram teng y amteng i, “Hini pri ly nang i kangpreangchi teng y kapei ai,” napi. Naibaly Abram ly mymy teng y amteng hai nai Areng i vui maicham sa bo.

ATITI AWM ANGCHEI NAI 13:15

Nang i niu nai meingtym bawibawi ly nang hawi nang i kangpreangchi i vui deungtasarei amtym u ai nai kai my kang pei ai.

ATITI AWM ANGCHEI NAI 28:4

Tameuh ly Abraham ai amtheaung hai nai kamta, nang i kangpreangchi ai py amtheaung hai sy; naibaly Abraham teng y Tameuh my pei nai nang i awm nai hini pri py nang amtym sy!” napi.

2 NENG SATANG 20:8

Nichi ly hini pri y awm iy nang ai tahm pasang ai nai Achura yhm sa u nai ne.

NEHEMIA 9:24

Nichi ly Kanan pri ai peang u; huni pri y awm nai khumichi ai nangmy tiu vui bo. Nang ly nangmy i khumichi teng y Kanan pri samrangchi hawi mipuichi ai, ngai nai kamta sa pajau ai nai sa thai naira pei pi.

NEHEMIA 9:8

Nang i tlang tleaung y ka-ym awm nai khumi, nanai niu nai deaungkho y, nang ly ni hawi Leu Maikawm asa bo. Ni i katu chanauchi awm ai nai i vui y, ni teng y Kanan pri, Hiti pri, Amori pri, Perizi pri, Jebusi pri hawi Kirakashi prichi pei ai nai adeu bo. Nang ly ka-ym awm nai keung ne nai deaungkho y, adeu nai leu khaw hai ai.

SAM 105:8

Mymy ly mymy i Leu Maikawm ai deungtasa khaw hai ai; mymy i adeu naichi ai deung kangthau tym pa-rei awm hai ai.

SAM 44:3

Nang i khumichi ly huni pri y haisauchi hawi peang u nai ny y leang; mychi atho hawi py peang vui nai ny y leang; nang i sa thai naira haiho hawi, nang ly nichi ai tamen nai deaungkho y nichi hawi vanrei nangmy awm pi nai molam py, nichi ly huni pri y peang vui pajau nai ne.

SAM 78:55

Mymy i khumichi jeu u nai khala, hu y athum ai nai pri y, awm yb nai khumichi ai patheu pi pawn bo; Israela cheng theaungchi teng y, huni pri ai phy paji pi chum baly, huni meingtym tleirei y khuteng cha hai bo.

THEU NAI 3:8

Aikupta chengchi kiu i nai nichi ai atleu chum baly, huni pri i nai kapahawi iy paitiu khuta hawi nai, meingtym kau parai nai pri mang y pahawi ai nai kang jeu kathiu bo. Huni pri ly khaileaung hawi iy teicha teinei neangneang awm. Huni pri y Kanan cheng, Hiti cheng, Amori cheng, Perizi cheng, Hevit chengchi awm u nai ne.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

Kati Nai 33:53

Kai ly nangchi teng y huni pri pei nai deaungkho y, nangchi ly huni pri ai tiu iy khuteng sa u ai nai tla.

Kati Nai 34:2

Israela chengchi i vui leu pei naichi ly: “Nangchi ly kaimy pei nai Kanan pri y tym u nai khala, nangchi peang ai nai khujyh ly hina nai jyh pi ai nai tla.

Leu Thui Nai 11:31

Nangchi ly Jordan tavo angpeang u iy, nangchi i Areng Tameuh my pei nai pri ly peang u ai. Nangchi ly huni pri peang iy khuteng sa u nai khala,

Leu Thui Nai 12:29

Nangchi awm ai nai pri y awm yb nai khumi chengchi ai nangchi i Areng Tameuh my tamyh pi pawn ai nai deaungkho y, nangchi ly huni pri y peang iy awm ai nai nga u ai.

Leu Thui Nai 17:14

“Nangchi ly Areng Tameuh my pei nai pri y awm u nai thym khala, tengpang sahawi i prichi ka-tawm samrang leaungrei palyn ai nai ngai u ai.

Leu Thui Nai 34:4

Naibaly Areng my Mosi teng y, “Hini pri ly Abraham, Isaka, Jakobchi i kangpreangchi teng y pei ai, nanai kaimy adeu nai pri ne. Vai nang ly hini pri khen cham; na i py nang ly huni pri y kun ai nai ngo y leang,” napi.

JOSUA 1:6

Nang ly atho sa iy vam parai naimy awm ba. Nang ly hini khumichi ai lu sa iy, nichi i amsi pajochi teng y kaimy pei ai adeu nai pri y kun iy tiu vui ai nai tla.

TARA CHIH NAI KEUNGCHI 11:24

Nang ly huni khu ka-peang nga teang ai nai atho sa ai a? Nangmy i tameuh Khemosa my ang pei nai ngierei nang peang pajau mang. Na i py kaichi i vui, kaichi i Areng Tameuh my peang vui nai khu ka-peang ngiereichi ly kaichi my peang ai.

1 SAMUELA 12:8

Jakob hawi my i yhm dengtheungchi ly Aikupta pri y chei u nai khala y, Aikupta chengchi my nichi ai ana u kalikachi bo. Huna nai khala y nangchi i amsi pajochi ly kasabawmra nga ai nai Areng teng y aeu u nai deaungkho y, mymy Mosi hawi Aron ai pato pi. Nini leaung nyhrei ly nangchi i amsi pajochi ai Aikupta pri i dengdairei pahawi iy, hini pri y khuteng sa hai bo.