JOSUA 2:9 - Khumi Common Language Bible

⁹ nini teng y, “Areng ly hini pri nangchi teng y pei ai, nanai kai pany. Hini pri i khumi bawibawichi ly nangchi ai jei hyn na bo.

JOSUA 2:9 Iomraidhean Croise

ATITI AWM ANGCHEI NAI 35:5

Jakob hawi my i chapochi theu u nai khala, tengpang sahawi mary i khumichi ly khri pa-rei jei u i, nichi ai hui vam y bo.

2 SAMUELA 17:10

Hunaibaly khrangsi kamta jei nai paleung tama iy, khri pa-rei vam parai nai khumichi malawn py angtheng u ai. Ati mana nai mo nabaly nang i ampo ly sorai risa pui leaungrei ne iy, ni i tavaimichi py tavai atiu kawp naichi, nanai Israela cheng vereichi pany u nai deaungkho y ne.

2 ARENG KEH 5:15

Ni ly mymy i khumichi hawi vanrei, Elisa teng y ali teang iy, “Israela chengchi i Tameuh ny y baly, tameuh takhra by y, nanai vai ly kapany bo. Hunai deaungkho y areng awi, kai i pei nai langseaung talam ba,” napi.

2 ARENG KEH 7:6

Areng my Suria khumichi teng y, keaungngo atang nai risachi, tavai ka-richi hawi tavaimi kamkawm pui tavai thau nai katyn thai hai nai deaungkho y, Suria khumichi my, “Israela samrang ly achi ai tiu ai nai Hiti samrang hawi Aikupta samrangchi teng y kasabawmra hnei nai bo,” nanai thui u.

NEHEMIA 6:16

Hini satang ly tengpang sahawi prichira y awm nai, kaichi i paleung ka-echi my thai nai khala ly mymychi tahm anem bo, nanai apany u bo. Ati mana nai mo na baly hini kalop amcheang vui nai ly Tameuh my sabawm nai saho y ne, nanai khumi luteng pany nai deaungkho y ne.

ESTHER 8:17

Samrang i leu pei nai satang tym nai pri khu ka-peang hawi mary neangneangchira y Juda chengchi ly amo theu parai naimy cha nei u i, amo theu nai pawichi sa u nai ne. Cheng takhra neangneangchi ly Juda chengchi ai jei u nai deaungkho y Juda reita y kun u bo.

JOBA 19:25

Na i py kangkhym y ly angjeu iy, asa hai ai nai keung ly kani pri mang y awm, nanai kai pany bo.

SAM 112:10

Khumi aso y naichi ly huni atitichi niu nai khala y kado theu ai i, ho akachai naimy tama u pawn ai; nichi i kangai ly phra ai.

SAM 115:16

Kani khusang ai ly Areng leaungrei my peang khyh; na i py khaileaung ai ly achi khumichi ai pei nai ne.

THEU NAI 18:11

Areng ly Aikupta chengchi my Israela chengchi tlang tleaung y mei aniu y nai saichi sa nai molam y, Areng ly tameuhchi bawibawi tleaung y sa thai naira len, nanai vai kai pany bo,” napi.

THEU NAI 23:27

Nangchi ai tiu nai khumichi ly kai ai jei u ai; nangchi ai tiu nai pri i khumichi ly khrukhra iy ahei u phro ai.

Parip nai leu 8:12

Khumi kamngo ly tlen chungvairei hawi y nai sa teu i py, heng thai nai ne. Khumichi my, “Tameuh i leu tangai nai khumi i vui ly cheaungkhangra y hawi ai;

ISAIA 19:1

Hini leu pei nai ly Aikupta pri i vui ne. Areng ly tamai salo y atang iy, Aikupta pri mang y chei kaliki nai ne. Aikupta pri i mynchi ly mymy i mo y jei hyn u bo. Aikupta pri i khumichi py o-a sorai lawm u bo.

ISAIA 23:5

Turu mary phra nai satang thai nai khala y, Aikupta chengchi malawn py, athengra nai ne.

JEREMIA 27:5

“Kai ly kaimy i sa thai naira len parai nai haiho hawi khaileaung pri, khumichi, khaileaung pri y awm nai tawnbawichi hawi raurei kaimy sa nai ne i, huni khaileaung pri ai kaimy ngai nai teng y kapei pajau nai ne.

NAHUM 2:10

Ninevi mary ly phra veng bo; khumi angso by y, savai tlang na bo! Khumichi ly khri pa-rei jei nai deaungkho y, paleung pakawi angto y vi na, kheukhu anghyn naimy, atho bai u na. Nichi i meimaira py, thi by y na bo.

Kati Nai 20:14

Mosi ly Kadesa dengdairei Edom samrang teng y savaichi pato. Savaichi my Edom samrang teng y, “Nang i amjo amnau Israela chengchi teng i satang kang tym hai nai ne. Kaichi ly mana tanrei patang mo, nanai nang pany.

Kati Nai 20:24

“Aron ly dei ai; ni ly Israela chengchi teng y pei ai nai kaimy adeu nai pri y kun ai nai nga ai ny y; ati mana nai mo na baly nangni leaung nyhrei ly Meriba meingtym y kai i leu pei nai tangai hawi y nai deaungkho y ne.

MATTHAI 20:15

Kaimy i teu ly kaimy ngaingai so ngau y a? Ti y baly kai ly hawi nai deaungkho y nang ly khen hawi y nai sai a?’ napi nai pathang.

Leu Thui Nai 11:25

Nangchi i Areng Tameuh my leu pei nai kamta, nangchi i tym nai meingtym tleirei i khumi bawibawichi ly nangchi ai jei u ai. Amimi py nangchi ai amtang pajau ai ny y.

Leu Thui Nai 2:25

Vaini dengdairei meingtym tleirei y awm nai khumichi ly nangchi i amyn thai baly nangchi ai jei nai kaso theu hai ai,’ napi.

Leu Thui Nai 28:10

Naibaly nangchi ly Areng my vawi takhra nai khumi ne, nanai khaileaung pri i khumi cheng bawibawichi my pany nai deaungkho y, nangchi ai ang tarym u ai.

Leu Thui Nai 32:8

Salo kangteng keh Tameuh ly pri tleirei i khujyhchi py, khumi cheng neangneangchi awm ai nai prichi py khujyh patleh pi. Pri tleirei y kani pri amtaw thau naichi khai pi takhra bo.

HEBRAI 11:31

Ym naira deaungkho y bima Rahabi ly khen paviu naichi ai hawihai palai kawn nai deaungkho y, leu tangai y naichi theung y ly tamo teang y leang bo.

JOSUA 2:11

Huni satangchi thai phai thai baly kaichi jei hyn u bo. Nangchi molam y kaichi ly paleung phra atho di u nai ne. Nangchi i Areng Tameuh ly kani khaileaung peang nai keung Tameuh ne.

JOSUA 2:24

“Areng ly achi teng y huni pri verei ai ang pei takengkei nai bo; huni pri i khumi bawibawichi ly achi ai jei hyn u nai ne,” napi.

JOSUA 2:8

Khen paviu nai khumichi, i y rai khala Rahabi ly amphu salo y lyn kalau iy,

JOSUA 5:1

Jordan tavo nidym mang y peang nai Amori samrangchi hawi Mrethe pangli peang jeungrei y peang nai Kanan samrang bawibawichi ly Israela chengchi Jordan tavo angpeang chum nai ryrei, Areng my tavo tui kang hai nai satang thai u bo. Hunai deaungkho y nichi ly Israela chengchi ai jei u i, paleung phra atho di u bo.

JOSUA 6:2

Areng ly Josua teng y, “Kai ly Jeriko mary hawi vanrei, mary ai peang nai samrang py, sorai paleung awm nai tavaimi risa bawibawichi py, nang i kiu y kang au ai.

JOSUA 9:10

Jordan tavo nisi mang y peang nai samrang leaung nyhrei, Hesabon samrang Sihon hawi Asataroth mary y awm nai Bashan samrang Oka ai mana tiu mo, nanai py, kaichi thai u nai ne.

JOSUA 9:24

Huna nai khala nichi my, “Nang i Areng Tameuh ly hini pri verei, nangchi teng y pei ai nanai py, mipui bawibawichi ai padei pawn ai nanai py, mymy i miseaung Mosi teng y leu pei nai kaichi thai i, dei ai nai jei nai deaungkho y, huna nai kamta kasa u nai ne.

JOSUA 9:9

Huna khala nichi my, “Kaichi ly nang i Areng Tameuh i nang parai nai satang thai nai deaungkho y, khri pa-rei palo parai nai pri dengdairei kang jeu u nai ne. Aikupta pri y sa nai ngiereichi py,

TARA CHIH NAI KEUNGCHI 7:14

Ni i ahawi my, “Huni tako phi ly Israela cheng Joasa i chapo, Kideon i haisau ne na a tu ly! Thui pachai pi ai nai takhra by y jau be! Tameuh my ni teng y Midian chengchi hawi, achi tavaimi kamkawm verei ai, eaung ai nai pei nai chybo tu ly!” napi.