JOSUA 2:24 - Khumi Common Language Bible

²⁴ “Areng ly achi teng y huni pri verei ai ang pei takengkei nai bo; huni pri i khumi bawibawichi ly achi ai jei hyn u nai ne,” napi.

JOSUA 2:24 Iomraidhean Croise

THEU NAI 15:15

Edom pri lu sa nai keungchi ly khri pa-rei kaso theu u; Moba pri miteaung kehchi ly jei hyn u; Kanan khumichi ly sorai paleung tama u bo.

THEU NAI 23:31

Kaimy nangchi i khujyh ly pangli kamsen dengdai mrethe pangli ryrei, daichi ka-vym dengdai Euphrat tavo ryrei kau hai ai. Kai ly huni pri i khumichi ai nangchi kiu y kang au ai i, nichi ai nangchi my patheu u pajau ai.

LEU KACHENG 25:13

Kani kabi asang nanai neng y choh tyn nai khala, tui savai kamchi ly khumi ai khesere hai nai kamta, ka-ym awm nai savai py, mymy ai pato nai keung i paleung ai khesere hai nai ne.

JOSUA 1:8

Nang i chiu sa naira tleirei y Reita leu tajiu nai cha-iu avawrei phain ai nai tla. Huni cha-iu ai vum, kanithun phain amtiu iy, huni theung y abawi nai reitachi kry ai nai tla. Huna nai sa baly nang ly eaung naira nga ai.

JOSUA 2:23

Naibaly khen paviu nai khumi leaung nyhrei ly mawi i nai satla hawi kathiu iy, tavo angpeang hawi i, Josua teng y vawi hawi ali teang bo. Nini ly hu y avum nai saichi Josua teng y amti pi chum baly,

JOSUA 5:1

Jordan tavo nidym mang y peang nai Amori samrangchi hawi Mrethe pangli peang jeungrei y peang nai Kanan samrang bawibawichi ly Israela chengchi Jordan tavo angpeang chum nai ryrei, Areng my tavo tui kang hai nai satang thai u bo. Hunai deaungkho y nichi ly Israela chengchi ai jei u i, paleung phra atho di u bo.

JOSUA 6:2

Areng ly Josua teng y, “Kai ly Jeriko mary hawi vanrei, mary ai peang nai samrang py, sorai paleung awm nai tavaimi risa bawibawichi py, nang i kiu y kang au ai.

JOSUA 8:1

Areng my Josua teng y, “Nang ly tavaimi risachi hawi vanrei, A-i mary mang y tavai thau ba. Jei moh, paleung phra moh. Kai ly nang i kiu y A-i samrang hawi vanrei, mipuichi, ni i mary, ni i khu ka-peang kang pei ai.

TARA CHIH NAI KEUNGCHI 1:2

Areng my, “Juda cheng theaung ly chei man ai nai tla; kai ly nichi teng y huni pri au ai,” nanai pathang.

TARA CHIH NAI KEUNGCHI 18:10

Huni meingtym y nangchi tym u nai khala khumichi ly den py ym thai y nai by y nai avum u ai. Huni khu ka-peang ly kau parai iy, khumichi i ngai nai saichi py awm angym nai ne. Huni khu ka-peang ly Tameuh my nangchi teng y ang pei nai bo,” napi u.

TARA CHIH NAI KEUNGCHI 7:9

Huni vum Areng my Kideon teng y leu pei nai ly “Angthau ly nichi i tai naira mang y tiu u; kaimy nang ai eaung hai ai mang.