JOSUA 2:12 - Khumi Common Language Bible

¹² Kai ly nangchi ai kang pahen nai kamta, kai i yhm dengtheungchi ai py pahen teang ai nai Tameuh i amyn y vaineng abeu hawi ba. Kai ly nangni ai kang ym thai ai nai ka-ma-ra ha harei pei ba.

JOSUA 2:12 Iomraidhean Croise

ATITI AWM ANGCHEI NAI 21:23

Hunai deaungkho y kai hawi kai i kangpreangchi ai py, kai i cho chanauchi ai py, nang ly tapawp y leang, nanai Tameuh i mo y vaineng abeu ba. Kai py nang i vaineng sa nai kamta kang tapawp y leang mang; nang hini pri y awm nai thym khala kai py ka-ym awm ai, nanai leu adeu bo,” napi.

ATITI AWM ANGCHEI NAI 24:3

Nang ly kai i chapo i vui aju ly Kanan chengchi theung y hau y leang, nanai kani hawi khaileaung palum nai keung Areng Tameuh i amyn y vaineng abeu.

ATITI AWM ANGCHEI NAI 24:9

Naibaly miseaung ly Abraham i phai anui y kiu thawi i, Abraham i leu pei nai kamta sa ai nai vaineng abeu bo.

ATITI AWM ANGCHEI NAI 40:14

Nang i vui khym taham hawi nai neng tym nai kha y kai ai pany jo ba; samrang teng y kai i satang amti pi iy, hini theaung i nai lawi ai nai sabawm ba.

2 NENG SATANG 36:13

Zedekiah ly samrang Nebukhadnezar ai tiu. Nebukhadnezar ly mymy tlang tleaung y ka-ym awm ai nai, ni ai athorei my Tameuh i amyn y, vaineng abeu hai bo. Zedekiah ly paleung tang i uikheih y. Israela chengchi i Areng Tameuh teng y ali teang y naimy awm bo.

ESTHER 8:6

Kai i chengchi ly hini ka-jeira avum nai deaungkho y, kai i amjo amnau ka-bi kypkypchi py dei u be ai na baly, kai ly mana khen jo thai ai mo?” napi.

THEU NAI 12:13

Nangchi i yhmdeaung tleirei katheu laibeaung y thi kaleu nai ka-ma-ra niu baly nangchi i yhm katlen vui ai. Kai ly Aikupta chengchi ai kapajeng nai khala y nangchi ly lawi naira nga u ai.

JEREMIA 12:16

Nichi ly kai i chengchi i reita leu ngai iy, vaichi khala Bala tameuh teng y vaineng abeu nai saichi ai nichi ly kai i khumichi teng y patiu pi nai kamta vai ly ‘Areng i heng nai kamta,’ nanai kai i amyn y vaineng abeu u lawh baly, nichi ly kai i khumichi theung y abawi iy nang chawn u ai.

MARKA 14:44

Naibaly mymy ai patiu hai ai nai keung my ly ma ai nai ka-ma-ra thui pi rym i, “Kai i pachawm nai ly ne mang, mymy ai patiu u, tleaung y pa-rei pahawi u,” napi.

ROM AVANGCHI TENG Y PAWLA I CHA PA NAI 1:31

pany thai naira by y naichi, leu adeu nai taphra nai keungchi, tapen ahawi nai tamen naira by y naichi, pahen nai paleung by y naichi ne;

I TIMOTHEI 5:8

Na i py ami py khumichi i vui dawn rym y nai, amy i yhm angtheung i khumichi i vui malawn py dawn rym y baly, mymy ly ym naira ai ly apha vui i, ym y nai khumi tleaung y kamngo keh nai ne.

JAKOB 2:13

Ami i tlang tleaung y pahen naira by y nai khumi ai ly, pahen naira abawi y nai tara chih pi ai:pahen naira my tara chih naira ai pajau ai.

JOSUA 2:13

Kai i amhm ampo, tuicho ampro hawi, nichi i yhm dengtheungchi ai padei y naimy tleaung hai ai, nanai leu adeu hawi ba,” napi.

JOSUA 2:18

Nangchi i pri theung y kaichi kun nai khala, kaini ai pala nai thaibeng pa-khora y, hini kalangvui kamleng thang ba. Nang i ngamhm ngampo, ngampro ngamnauchi hawi, ngampo mang i yhm dengtheung bawibawichi ai py, nang i yhm y angym hai ba.

JOSUA 2:19

Nang i yhm dengdairei leaung leaungrei ly angam mang y theu vui nai deaungkho y dei vui lawh baly, kaichi i molam y ny y; nang i yhm dengtheung y awm nai khumi leaung leaungrei no nga lawh baly, kaichi molam y ne ai.

JOSUA 6:22

Huni bo y Josua ly huni pri khen paviu nai khumi leaung nyhrei teng y, “Nangni ly neampachy bima teng y leu adeu hawi nai kamta, ni i yhm dengtheungchi ai palau ly hawi ba,” nanai pato bo.

JOSUA 9:15

Josua ly huni khumichi hawi, ka-dyh ka-dawi leu sumneang akhai iy, nichi ai lawi naira pei pi bo. Israela cheng miteaungkehchi my py, ka-dyh ka-dawi leu sumneang khaw hai ai nai adeu u bo.

TARA CHIH NAI KEUNGCHI 1:24

mary theung i nai khumi leaungrei theu nai niu u. Nichi my huni khumi teng y, “Mary theung y kun ai nai lam kaichi ai patei ai nabaly, nang ai kaichi my ati sai py kangso hai y leang,” napi u.

1 SAMUELA 30:15

Davida my ni teng y, “Nang ly huni khumichi awm naira mang y, kai ai lam patei na a?,” nanai deng. Thawndeang my, “Nang ly kai ai padei y, kai i yhmkeung teng y au y ai, nanai Tameuh i amyn y tau iy leu adeubaly, nang ai lam patei ai,” napi.