JOSUA 18:28 - Khumi Common Language Bible

²⁸ Zela mary, Elet mary, Jebusi mary (ti y baly Jerusalem mary), Kibeah mary, Kiriajarim mary napi nai mary kalen holai palyhrei hawi, hunichi i tengpang y awm nai marychi py abawi. Huni khu ka-peang ly Benjamin theaung yhm dengtheungchi i khu ka-peang ne.

JOSUA 18:28 Iomraidhean Croise

2 SAMUELA 21:14

Naibaly nichi ly huni hiuchi ai Sawla hawi Jonathan nini i hiuchi hawi vanrei Benjamin khu, Zela mary y awm nai Sawla i ampo Kisa i tapreaung y heung u bo. Nichi ly samrang my leu pei nai kamta sa u. Naibaly Tameuh ly nichi i pri i vui y, nichi i hnei takeng nai pathang pi nai ne.

2 SAMUELA 5:6

Davida hawi ni i tavaimichi ly Jerusalem mary y tiu ai nai amsa u bo. Huni mary y awm nai Jebusi chengchi my, Davida ly huni mary ai tiu pajau ai ny y, nanai dawn u i, Davida teng y, “Nang ly mary theung y kun pajau y ai nai, mei kamjuchi hawi kheu kangbaichi my malawn py paka pajau nai ne,” napi u.

2 SAMUELA 5:8

Huni kani y Davida ly mymy i khumichi teng y, “Jebusi chengchi ai kai, niu ngai y nai kamta niu ngai y nai khumichi awm a? Nichi ai padei vam a? Vam nai khumi awm baly tavo tui paleaungra sa nai leaunghawi mang lyn kalau ly mei kamju, kheu kangbaichi ai tiu u,” napi. (Huni molam y mei kamju, kheu kangbaichi ly Areng i yhm y kun ai nai ngo y, nanai thui achi awm.)

1 NENG SATANG 8:28

Hini khumichi ly amsi pajochi dengdairei, yhm dengtheungchi ai lu sa iy nichi i kangpreangchi ly Jerusalem mary y awm u nai ne.

ISAIA 10:29

Nichi ly mawi aleaung lam tako u prei iy, Keba mary y anawn u! Huna nai khala Ramah mary i khumichi ly jei u i, samrang Sawla i awm nai meingtym Kibeah mary i khumichi py, preang u pawn nai ne.

JEREMIA 6:1

Benjamin mipuichi awi, chymme naira mang y angpreng u! Jerusalem mary i nai theu u! Tekoa avang y baw eng u. Bethekarin avang y ka-ma-ra maiteaung to u. Ka-jeira hawi phra naira ly tosyh mang dengdairei ang tym ai.

HOSEA 10:9

Areng my, “Israela chengchi ly Kibeah mary y kamngo sa angchei khala i ka-so, kai i tlang tleaung y kamngo sa u jojo nai ne. Hunai deaungkho y Kibeah mary y tym nai tavai takai ly nichi ai kai ai.

Kati Nai 26:38

Benjamin theaungra i nupaichi ly Bela nupai, Asabela nupai, Ahiram nupai,

Kati Nai 26:54

Khumi vuikanai nawi nai theaungchi i vui ly khaileaung nawi kyh nai mo, khumi vuikanai di nai theaungchi i vui ly khaileaung di kyh nai mo, tambe va iy phy pi ai nai tla,” napi.

Kati Nai 33:54

Israela cheng theaungchi hawi nupai bawibawichi teng y, huni pri ai tambe va iy phy pi ai nai tla. Nupai nawi, di ka-lyp khaileaung phy paji pi ai nai tla.

JOSUA 15:63

Juda theaungchi ly Jerusalem mary y awm nai Jebusi chengchi ai patheu pajau y nai deaungkho y, nichi ly vaini khrairei Juda theaungchi hawi vanrei, huni mary y awm u nai ne.

JOSUA 15:8

Jebusi chengchi i mary napi nai Jerusalem mary sa nai mawi aheung tokalawi mang y awm nai, hinnom leaunghawi nidym mang mawi aheung katlen prei nai ne.

JOSUA 18:16

Hunaibaly Riphaiah leaunghawi tosyh mang i Hinnom leaunghawi sahawi i mawi kheutang mang y tym. Huni bo y Jebusi mawi tokalawi mang i Hinnom leaunghawi tako prei iy, tokalawi mang Enrokela avang y tym.

JOSUA 18:27

Rekem mary, Irapela mary, Taralah mary,

JOSUA 19:1

Tlen pa-nyh tambe va iy phy pi nai khala, Semeon theaung yhm dengtheungchi khu ka-peang nga u nai ne. Huni khu ka-peang ly Juda theaungchi teng y phy pi nai khu ka-peang theung y awm.

TARA CHIH NAI KEUNGCHI 1:21

Na i py Benjamin cheng theaungchi ly Jerusalem mary y awm nai Jebusi chengchi ai, huni mary i nai patheu u y. Huni neng khala i dengdairei Jebusi chengchi ly Benjamin cheng theaungchi hawi vanrei, Jerusalem mary y awm u nai ne.

TARA CHIH NAI KEUNGCHI 19:10

Na i py Levi theaung khumi ly hu y dymrei i bi ai nai ngai y i, atangra khai yb nai keaungngo kano kasau nyhrei, my i aju katheang hawi vanrei tako amteaung bo. Nichi ly Jerusalem mary napi nai Jebusi mary y tym nai khala ly kani dym ai nai kasa veng bo. Hunaibaly miseaung my yhmkeung teng y, “Jebusi khumichi awm nai mary y achi jei u sina,” napi.

1 SAMUELA 10:26

Sawla py Kibeah mary my i yhm mang y vawi ali teang bo. Khumi sorai phyreichi i paleung ai Tameuh my amtlau hai nai deaungkho y, nichi ly Sawla hawi vanrei abang u bo.