JOSUA 18:10 - Khumi Common Language Bible

¹⁰ Josua py Areng i kangai lawm ai nai tambe va iy, Israela theaungchi ai khu ka-peangchi phy pi nai ne.

JOSUA 18:10 Iomraidhean Croise

1 NENG SATANG 24:5

Eleaza hawi Ithama nini i kangpreangchi theung y, Achura yhm miteaung kehchi hawi phailo i vui lu sa naichi abawi nai deaungkho y, kalop phy pi naira y tambe va iy pasym pi ai tla nai ne.

NEHEMIA 11:1

Lu sa naichi ly Jerusalem mary y awm u; takhra khumichi ly yhm dengtheung horei y deaung deaungrei, Jerusalem mary kachaira y hawi, huni bo i khumichi ly takhra mary katheang kalenchira y py, awm hai ai nai tambe va u bo.

SAM 47:4

Mymy ly achi awm ai nai pri vawi takhra pi; huni pri ly mymy i tamen nai khumichi my amtym iy, tahm khai amlyh ai naira lawm bo.

SAM 61:5

Aw Tameuh, nang ly kai i adeu nai leu ai tangai pi bo; mymy i nang parai nai sai ai palo u nai khumi teng y, pei pi nai yhmtheaung katui ly kai ai pei ba.

LEU KACHENG 18:18

Sathai naira awm nai, tara sa nai khumi leaung nyhrei ne lawh baly, tara jeung y nini i tara ai tambe va iy, leu pacheang pi pajau nai ne.

JEREMIA 7:12

Kai ai chiu nai meingtym lawm ai nai vawi takhra manme nai Siloh avang y chei iy, kai i khumi Israela mipuichi i sa tamang nai molam y, huni avang ai kaimy mana kasa mo, nanai khen u cham.

Ezekiela 47:22

Huni khu ka-peang ly nangchi amtym u jojo ai nai khaileaung meingtym ne. Hunira y nangchi hawi vanrei awm iy cho chanauchi awm nai cheng takhra khumichi py, nangchi khaileaung meingtym amji u nai khala phy nga u ai. Nichi ai Israela cheng kacheng kamta palawn iy Israela chengchi hawi vanrei, khaileaung meingtym phy nga hai ai nai tla.

Ezekiela 48:29

Sa thai naira angym nai Areng my, “Hina nai thui pi nai kamta Israela nupaichi amtym hai ai nai khaileaung meingtymchi phy pi nai leaungsai ne,” napi.

MIKHA 2:5

Hunai deaungkho y hini pri ai Areng i khumichi teng y au pi teang nai khala y, nangchi theung i amimi py, khaileaung phy nga ai ny y.

Kati Nai 34:16

Areng my Mosi teng y,

MATTHAI 27:35

Naibaly nichi ly mymy ai kraws tleaung y tahen u pajau iy tambe va i, mymy i ateaungchi amji u bo.

JOHAN 17:2

“Ngaai, neng ly tym bo: nangmy mymy ai khumi bawibawichi ai peang ai nai pei iy, mymy teng y nang i au nai ngierei ai ly mymy deungtasarei hengra pei thai ai nai, Chapo my nang ai palo thai ai nai nangmy i chapo ai palo ba.

AMTAW 13:19

Naibaly Kanan pri y cheng saryhreichi ai pasum pajau nai bo y ly saneng chungvai palyh pangngo vui pangrei mo sala y ly mymychi i pri y athum teang ai nai pei bo.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

KOLOSA 1:12

Ampo, kangvang i khumi kachaichi i yhmtheaung ahum ai ataing nai ang sa pi nai keung teng y ly kawn nai leu thui u.

JOSUA 14:2

Areng my Mosi teng y leu pei nai kamta, Jordan tavo nidym mang y awm nai khu ka-peang ai, Israela theaung takawrei hawi theaung ka-hyhreichi ai tambe va iy phy pi nai ne.

JOSUA 14:5

Areng ly Mosi teng y leu pei nai kamta, Israela chengchi ly khu ka-peang aphy u bo.

JOSUA 18:11

Benjamin theaung yhm dengtheungchi nga ai nai khu ka-peang phy pi manme nai ne. Nichi i vui khu ka-peang ly Juda theaung hawi Josepha theaungchi i khu ka-peangchi sala y awm.

JOSUA 18:6

Khu ka-peang phy saryhreichi ai kamtleh tahyh iy, kai teng y jeu hai u. Huni bo y kai ly achi i Areng Tameuh i kangai lawm ai nai, tambe va iy phy pi ai.

JOSUA 18:8

Josua my pato nai kamta nichi ly khu ka-peang patleh takhra ai nai chei u bo. Josua my, “Nangchi ly pri verei y chei u iy, khu ka-peangchi patleh takhra u. Naibaly kai teng y vawi teang ai nai tla. Huna nai khala kai ly hini Siloh mary y nangchi nga ai nai khu ka-peangchi, Areng i kangai lawm ai nai tambe va iy, kang phy pi ai,” nanai leu taviu bo.

JOSUA 18:9

Hunai deaungkho y nichi ly pri verei y chei iy, abawi nai marychi vuikanai hawi vanrei, khu ka-peang saryhrei patleh takhra iy, Siloh mary taira y awm nai Josua teng y vawi u teang bo.

JOSUA 19:51

Pathyp pi nai keung Elijazar, Nun i chapo Josua hawi Israela cheng theaung yhm dengtheungchi i miteaung kehchi ly Siloh mary i Areng awm nai Tabynako mo y, khu ka-peangchi ai tambe va iy, Areng i kangai y phy paji pi bo. Hina nai kamta, pri phy pi nai kalop ly pajau nai ne.

JOSUA 23:4

Kai ly nisi mang Jordan tavo dengdairei, nidym mang Mrithe pangli y khrairei tiu i, pajau vui nai pri bawibawichi hawi vanrei tiu ai awm rai nai prichi ai, nangchi i theaungchi teng y phy paji pi chum bo.