JOSUA 18:1 - Khumi Common Language Bible

¹ Pri verei tavai tiu pajau nai bo y Israela chengchi ly Siloh mary y tym angym u i, Areng i awm nai Tabynako sa u bo.

JOSUA 18:1 Iomraidhean Croise

2 SAMUELA 7:6

Israela chengchi ai Aikupta pri i nai pahawi nai dengdai vaini khrairei, kai ly Achura yhm y kaawm vai y. Kanih yhm y naini kaawm naimy, amki aleaung nai ne.

1 ARENG KEH 14:2

Jeroboam ly mymy i aju teng y, “Nang ly samrangnu, nanai apany y pa-rei mo ataphra iy, kai ai Israela samrang lawm ai, nanai ang thui pi nai keung, Siloh mary y awm nai amo Ahijah teng y chei.

1 ARENG KEH 14:4

Naibaly samrangnu ly Siloh mary y awm nai amo Ahijah i yhm y chei bo. Ahijah ly miteaung cheang nai deaungkho y mei niu y.

1 ARENG KEH 2:27

Naibaly Solomon ly Abiatha ai Areng i kalop, pathyp pi nai keungra i nai anawn hai vui bo. Hina nai kamta samrang ly Siloh mary i pathyp pi nai keung Eli hawi katu chanauchi molam y, Areng i leu pei naichi angym hai nai ne.

NEHEMIA 9:24

Nichi ly Kanan pri ai peang u; huni pri y awm nai khumichi ai nangmy tiu vui bo. Nang ly nangmy i khumichi teng y Kanan pri samrangchi hawi mipuichi ai, ngai nai kamta sa pajau ai nai sa thai naira pei pi.

SAM 78:60

Achi teng awm nai Siloh mary i kanih yhm ai mymy ly khai su nai ne.

SAM 78:66

Mymy i paleung ka-echi ai kangji pei iy, sum hai jojo bo.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 26:9

Ati mana nai y Achura yhm ly Siloh avang kamta lawm ai, nanai hawi, huni mary ai ly taphra vui iy, khumi angso savai tlang naira lawm ai, nanai py, nang ly Areng i amyn y thui katheu lawh a? nanai aeu bo. Naibaly khumichi ly Achura yhm theung y achu iy, kai ai katanmeuh bo.

JEREMIA 41:5

Shekhem, Shilonh hawi Samari i khumi leaung vui tajarei tym u. Nichi ly labeaung muichi vau pan iy, mychi i ateaungchi sei piupa i, tlangchira py tamochi ajyn u piu bo. Nichi ly Achura yhm y talam ai nai katalamrachi, mui katuichi py syn u nai ne.

Kati Nai 32:22

pri peang vui ai nai pa-rei tiu jojo ai nai tla. Hunaibaly nangchi ly Areng hawi amy chengchi i vui sa pi pajau nai deaungkho y, hi y vawi ali teang pajau bo. Huna nai khala Jordan tavo nisi mang i hini pri ly nangchi i phy ne, nanai Areng my pany pi ai.

AMTAW 7:45

huni teang achi i amsi sangum kangpreang bi naichi ly Cheng Takhrachi i pri nga ai nai athun nai thym khala y ly, Josua hawi vanrei kun hai; nichi ai ly Tameuh my achi i amsi sangumchi i mo y Davida awm khala y khrairei patheu jojo.

JOSUA 18:2

Israela theaung saryhreichi ai, khu ka-peang phy pi y leang rai.

JOSUA 18:8

Josua my pato nai kamta nichi ly khu ka-peang patleh takhra ai nai chei u bo. Josua my, “Nangchi ly pri verei y chei u iy, khu ka-peangchi patleh takhra u. Naibaly kai teng y vawi teang ai nai tla. Huna nai khala kai ly hini Siloh mary y nangchi nga ai nai khu ka-peangchi, Areng i kangai lawm ai nai tambe va iy, kang phy pi ai,” nanai leu taviu bo.

JOSUA 19:51

Pathyp pi nai keung Elijazar, Nun i chapo Josua hawi Israela cheng theaung yhm dengtheungchi i miteaung kehchi ly Siloh mary i Areng awm nai Tabynako mo y, khu ka-peangchi ai tambe va iy, Areng i kangai y phy paji pi bo. Hina nai kamta, pri phy pi nai kalop ly pajau nai ne.

JOSUA 21:2

yhm dengtheung miteaung kehchi teng y ahihawi iy, “Areng ly achi awm ai nai marychi hawi, achi i si, beramchi i vui, huni marychi tengpang sahawi sui tlai naira meingtym khai takhra pi ai nai tla, nanai Mosi dengdairei leu pei yb nai ne,” nanai takeng u.

JOSUA 22:12

Naibaly Israela chengchi ly nisi mang y awm nai cheng theaungchi ai tiu ai nai Siloh mary y akachu u bo.

JOSUA 22:19

Hunai deaungkho y nangchi i pri ly Areng ai chiu ai nai amlau y na baly, Tabynako awm nai pri mang y angpeang iy, nangchi awm ai nai khu ka-peang kai teng y hnei u. Na i py kaichi i Areng Tameuh i maicham ny y naimy, takhra maicham sa nai molam y mymy ai tiu u moh. Huna nai tiu naira y kaichi abawi moh sy.

JOSUA 22:9

Hunai deaungkho y Ruben theaung, Kad theaung hawi nisi Manase theaungchi ly Kanan pri Siloh mary y awm nai takhra Israela chengchi teng i dengdairei theu iy, Mosi dengdairei Areng my leu pei nai kamta, nichi my peang vui nai Kilead pri mang y vawi u nai ne.

TARA CHIH NAI KEUNGCHI 18:31

Siloh mary y Tameuh ai chiu nai Tabynako awm nai ryrei ly Mikha i sa nai myn py, huni meingtym y awm jo nai ne.

TARA CHIH NAI KEUNGCHI 21:12

Huni khumichi ly Jabe mary i khumichi theung y, anglo lengmyn leaung chungvai palyhreichi ai avum i, nichi ai Siloh mary tavai taira y hawi u bo. Siloh mary ly Kanan pri theung y awm.

TARA CHIH NAI KEUNGCHI 21:19

Naibaly nichi ly Siloh mary y saneng tleirei sa nai, Areng i vui pawi neng tym ai bo, nanai pany u. (Siloh mary ly Bethela mary i tosyh ngan, Lebona mary i tokalawi ngan, Bethela mary i dengdairei, Sekhem mary mang y chei nai lam nisi mang y awm.)

1 SAMUELA 1:24

Ni ly deaungdi kanu-li chum bo nabaly, saneng thomrei awm nai si katai harei, takodei teaungnyh pa-thom sie tariu rei, kreip hang mawipeih adym harei syn naimy deaungdi hawi vanrei, Siloh mary y chei hai bo. Deaungdi Samuela ly khri pa-rei theang ala rai.

1 SAMUELA 1:3

Elakana ly ati cheaungkhang sa thai nai Areng ai chiu i, apathyp ai nai Ramah mary i dengdairei, Siloh mary y saneng tleirei chei nai ne. Huni mary y Eli i chapo Hopheni hawi Phineha nini ly Areng i pathyp pi nai keung kalop sa nai ne.