JOSUA 17:13 - Khumi Common Language Bible

¹³ Israela chengchi ly naira awmryh awmryh teu i py, Kanan chengchi ai patheu y naimy, mymychi teng y miseaung kalop sa hai bo.

JOSUA 17:13 Iomraidhean Croise

ATITI AWM ANGCHEI NAI 49:15

Na i py ni ly anawnra hawi parai nai py, awm ai hawi parai nai py niu ai i, ni ly akeng akawi na pa-rei myn kaji pho nai miseaung lawm iy, kalop sa hai akhikan nai py avum ai.

2 SAMUELA 3:1

Samrang Sawla ai sabawm naichi hawi, Davida ai sabawm naichi ly kra parai naimy tavai atiu u nai ne. Davida ly atho awmryh awmryh iy, my i paleung ka-echi ly atho diryh diryh bo.

EPHESI 6:10

Kangkhym i naira y ly Areng y hawi mymy i atho y ly ham parai naimy awm u.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

JOSUA 16:10

Na i py nichi ly Keza mary y awm nai Kanan chengchi ai patheu pawn y naimy, mychi teng y miseaung palawn iy awm hai bo.

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

TARA CHIH NAI KEUNGCHI 1:28

Israela chengchi ly atho awm tleaung awmra nai khala, Kanan chengchi ai miseaung kamta kalop sa hai bo. Na i py nichi ai patheu u y.

TARA CHIH NAI KEUNGCHI 1:30

Zebulon cheng theaungchi my py, Kitaron mary hawi Nahala mary y awm nai khumichi ai patheu y naimy awm nai deaungkho y, Kanan chengchi ly nichi hawi vanrei awm jo iy, miseaung kamta kalop sa u bo.

TARA CHIH NAI KEUNGCHI 1:33

Naphtali cheng theaungchi ly Besimak mary hawi Bethanath marychi ra y awm nai khumichi ai patheu u y naimy, hu y khuteng pala nai Kanan chengchi hawi vanrei awm iy, nichi ai miseaung kamta kalop sa hai bo.

TARA CHIH NAI KEUNGCHI 1:35

Amori chengchi ly Azalon mary, Salabim mary hawi Hire mawi marychi mang y awm u jojo. Na i py Ephraim cheng theaung hawi Manase cheng theaungchi ly nichi ai mychi i reita aniu y khai i, miseaung kamta kalop sa hai nai ne.