JOSUA 15:14 - Khumi Common Language Bible

¹⁴ Kaleb ly Anaka i kangpreangchi napi nai Shesai nupai, Ahiman nupai hawi Talamai nupaichi ai, huni mary i nai patheu vui bo.

JOSUA 15:14 Iomraidhean Croise

2 SAMUELA 21:16

Isabino nanai amyn nga nai, khri pa-rei tlang atho awm nai khumi leaungrei ly Davida ai padei ai nai tau bo. Ni ly haisau harei syn; ni i kheupaja tivi ly sie tajarei ji na.

Kati Nai 13:33

Kaichi ly Anakim i kangpreang khumi puichi ai py kaniu; kaichi kaniu u nai ly achi ly nichi i mo y akhuchi kamta theangchichy khyh, nichi my achi ai akhuchychi kamta ang niu ai,” nanai thui pi u bo.

Leu Thui Nai 9:2

Huni khumichi ly jeng asang iy atho py awm; nichi tleungtlang len nai deaungkho y, ami py nichi i mo y kham pajau y nai ly nangchi thai u bo.

JOSUA 11:21

Huni neng khala Josua ly Hebron mary, Debira mary, Arnet mary, Juda mawi aheung meingtym, Israela mawi aheung napi nai mawi aheung meingtymchira y awm nai tlumtlang len nai Anakim chengchi awm naira mang y tavai thau u bo. Josua ly Anakim chengchi ai leaungrei py tleaung y pa-rei padei iy, nichi i marychi ai py maitlawi kaleung hai bo.

JOSUA 11:22

Hunai deaungkho y Israela pri y Anakim cheng napi nai leaungrei py by y. Na i py Kaza mary, kath mary hawi Asadod marychira naini, Anakim chengchi awm rai nai ne.

TARA CHIH NAI KEUNGCHI 1:10

Kiria Arba napi nai Hebron mary y awm nai khala, kanan pri khumichi ai py tiu u. Huni mary y awm nai Shesai, Ahiman hawi Talamai nupaichi ai tiu i pajau nai ne.

TARA CHIH NAI KEUNGCHI 1:20

Mosi my leu pei nai kamta, Kaleb ly Hebron mary ai nga. Ni ly Anak kangpreang nupai phy thomreichi ai, huni mary i nai patheu vui nai ne.