JOSUA 15:13 - Khumi Common Language Bible

¹³ Areng my leu pei nai kamta, Josua ly Juda theaung Jephonneh i chapo Kaleb teng y, Juda theaung khu ka-peang theung i, Hebron mary phy pi bo. Hebron mary ly Anaka i ampo Arba i mary ne.

JOSUA 15:13 Iomraidhean Croise

ATITI AWM ANGCHEI NAI 13:18

Naibaly Abram ly hu i dengdairei asyh bi i, Hebron mary Mamre napi nai dengkeaung thengreung sahawi y meingtym sa bo. Hu y mymy ly Areng i vui maicham sa nai ne.

ATITI AWM ANGCHEI NAI 23:2

Ni ly Kanan pri Hebron mary y awm nai khala dei i, Abraham ly paleung si vo tangam hai bo.

2 SAMUELA 2:1

Naibaly Davida ly Areng teng y, “Kai ly Juda marychi theung i mary ha hareira y chei iy peang ai a?,” nanai deng. Areng my, “Ne, chei pajau mang,” nanai pathang. Davida my, “Mani mary y mo?,” nanai deng. Areng my, “Hebron mary y chei,” napi.

1 NENG SATANG 6:56

Huni mary hawi li hlauchi, avangchi ly Jephonneh i chapo kaleb my nga.

2 NENG SATANG 11:10

Zorah mary, Aijalon mary hawi Hebron marychi ne.

Kati Nai 13:30

Na i py Kaleb ly Mosi i mo y josei tangam naichi teng y, “Achi ly vaimy huni pri y kun iy tiu vui sina; achi my huni pri ai tiu baly pajau ai nai atho awm nai ne,” nanai thui i, josei tangam nai anawn hai bo.

JOSUA 11:21

Huni neng khala Josua ly Hebron mary, Debira mary, Arnet mary, Juda mawi aheung meingtym, Israela mawi aheung napi nai mawi aheung meingtymchira y awm nai tlumtlang len nai Anakim chengchi awm naira mang y tavai thau u bo. Josua ly Anakim chengchi ai leaungrei py tleaung y pa-rei padei iy, nichi i marychi ai py maitlawi kaleung hai bo.

JOSUA 20:7

Hunai deaungkho y nichi ly Jordan tavo nidym mang y Naphtali mawi aheung i, Hebron marychi ai abyhra marychi palawn iy, vawi u takhra bo.

JOSUA 21:11

Juda khu ka-peang mawi aheung meingtym, vai i neng y Hebron mary napi nai Arba mary (Arba ly Anaka i ampo) hawi vanrei, tengpang i sui tlai nairachi ai nichi teng y pei pi nai ne.

TARA CHIH NAI KEUNGCHI 1:10

Kiria Arba napi nai Hebron mary y awm nai khala, kanan pri khumichi ai py tiu u. Huni mary y awm nai Shesai, Ahiman hawi Talamai nupaichi ai tiu i pajau nai ne.

TARA CHIH NAI KEUNGCHI 1:20

Mosi my leu pei nai kamta, Kaleb ly Hebron mary ai nga. Ni ly Anak kangpreang nupai phy thomreichi ai, huni mary i nai patheu vui nai ne.

1 SAMUELA 30:14

Kaichi ly Juda pri tokalawi mang i, Kherathi khu ka-peang hawi Kaleb nupaichi i khu ka-peang ai tiu iy, Zikala mary ai mai leng vui nai ne,” napi.

1 SAMUELA 30:31

Hebron mary i dengdairei, mymy hawi my i khumichi anga reng nai avang saleaung ngiereichira py, pei pi nai ne.