JOSUA 14:9 - Khumi Common Language Bible

⁹ Mosi my, ‘Nang i amchyn nai khaileaung ly nang hawi nang i cho chanauchi teng y khu ka-peang phy nga hai takengkei ai,’ nanai adeu bo.

JOSUA 14:9 Iomraidhean Croise

SAM 37:9

Areng ai ym nai khumichi ly pri peang u ai. Na i py khumi hawi y naichi ly pri pala nai avum u ai.

Kati Nai 13:22

Angchei y nichi ly huni pri tokalawi mang y chei iy, khumi pui Anakim cheng kangpreang ne nai Ahiman nupaichi, Shesai nupaichi hawi Talamai nupaichi awm nai Hebron mary y tym u bo. (Hebron mary ly Aikupta pri i Zoan mary so y rai nai saneng saryhrei ka-khan khala sa nai mary ne.)

Leu Thui Nai 1:36

Jephonneh i chapo Kaleb leaungrei naini kun ai khyh. Ni ly kai i tlang tleaung y ka-ym awm nai ne i, ni i khen paviu nai pri amtym ai nai ni hawi ni i kangpreangchi teng y kapei ai,’ napi.

Leu Thui Nai 11:24

Nangchi i kheu chiu nai khaileaung ngierei ly amtym u bebe ai. Nangchi i khu ka-peang ly tokalawi mang daichi ka-vym dengdai tosyh mang Lebanon mawi khrairei, nisi mang ly Euphrat tavo dengdai nidym mang Mrethe Pangli khrairei kau ai.

JOSUA 1:3

Mosi teng y kaimy adeu yb nai kamta, nangchi tiu ai nai khu ka-peang bawibawi ly nangchi teng y kaimy kang pei ai.

JOSUA 14:10

Areng ly Mosi teng y huna nai leu pei nai ly saneng vuipalyh pa-ngo saneng pangrei awm na bo. Huni neng khala, Israela chengchi ly daichi ka-vym y amki u nai ne. Areng ly adeu nai kamta, kai ai vaini khrairei heng ai nai ang pei bo. Kai ly saneng vuitaja takaw saneng pangrei awm bo.

TARA CHIH NAI KEUNGCHI 1:20

Mosi my leu pei nai kamta, Kaleb ly Hebron mary ai nga. Ni ly Anak kangpreang nupai phy thomreichi ai, huni mary i nai patheu vui nai ne.