JOSUA 14:3 - Khumi Common Language Bible

^3-4 Mosi ly Jordan tavo nisi mang y awm nai khu ka-peang ai, Israela theaung nyhrei hawi theaung ka-hyhreichi teng y phy pi chum bo. (Josepha i kangpreangchi ai Manase theaung hawi Ephraim theaung, nanai nyhrei khawi takhra bo.) Mosi ly Levi theaung ai khu ka-peang phy pi y leang. Na i py nichi awm ai nai marychi hawi vanrei, tawnbawichi i vui sui tlaira naini phy pi nai ne.

JOSUA 14:3 Iomraidhean Croise

Ezekiela 45:1

Israela cheng theaung bawibawichi ai khaileaung meingtym phy paji pi chum baly, Areng i vui khaileaung meingtym kachai harei khai takhra pi ai nai tla. Huni ly jeng mail tajarei, ka mail tariurei awm ai nai tla. Huni khaileaung meingtym verei ly chai ai.

JOSUA 12:6

Hini samrangchi ai Mosi hawi Israela chengchi my tiu i, eaung nai ne. Areng i miseaung Mosi ly huni samrangchi i khu ka-peangchi ai Ruben theaung, Kad theaung hawi Manase theaung ka-hyhreichi teng y, amtym ai nai pei pi bo.

JOSUA 13:14

Mosi ly Levi theaungchi ai khu ka-peang paji pi y. Areng my Mosi teng y leu pei nai kamta, nichi ly Israela chengchi i Areng Tameuh teng y maicham tleaung y mai hawi leng patlum naira i phy nga u nai ne.

JOSUA 13:16

Nichi i khu ka-peang ly (Arnon tavo leaunghawira awm nai) Arraw mary hawi tavo leaunghawi tleaung mang y awm nai marychi ryrei kau iy, Medeba mary tengpang sahawi y awm nai mawi ka-sang verei abawi nai ne.

JOSUA 13:17

Hesabon mary hawi mawi ka-sang salo y awm nai marychi napi nai Dibon mary, Bamoth Bala mary, Beth Balameon mary,

JOSUA 13:8

Ruben, Kad hawi Manase theaung ka-hyhreichi ly Jordan tavo nisi mang y awm nai khu ka-peang ai, Areng i miseaung Mosi my phy paji pi nai kamta, nga u chum nai ne.