JOSUA 13:8 - Khumi Common Language Bible

⁸ Ruben, Kad hawi Manase theaung ka-hyhreichi ly Jordan tavo nisi mang y awm nai khu ka-peang ai, Areng i miseaung Mosi my phy paji pi nai kamta, nga u chum nai ne.

JOSUA 13:8 Iomraidhean Croise

Kati Nai 32:19

Jordan tavo nisi mang y kaichi i vui khu ka-peang phy pi yb nai deaungkho y, nidym ngan mang i khu ka-peang ai ly paleung no bi y leang bo,” nanai thui pi u nai ne.

Leu Thui Nai 3:8

“Hunai deaungkho y huni neng y achi ly Arnon tavo dengdai Heramon mawi khrairei kau nai Jordan tavo nisi mang i khu ly huni Amori i samrang leaung nyhrei teng i nga vui bo.

JOSUA 12:1

Israela chengchi ly tokalawi mang Arnon tavo leaunghawi dengdairei, tosyh mang Heramon mawi ryrei, nisi mang khu ka-peang hawi Jordan tavo leaunghawi jeungrei ai tiu nai peang chum veng bo.

JOSUA 12:6

Hini samrangchi ai Mosi hawi Israela chengchi my tiu i, eaung nai ne. Areng i miseaung Mosi ly huni samrangchi i khu ka-peangchi ai Ruben theaung, Kad theaung hawi Manase theaung ka-hyhreichi teng y, amtym ai nai pei pi bo.

JOSUA 13:7

Hunai deaungkho y vai, nang ly Israela cheng theaung takawreichi hawi Manase theaung ka-hyhreichi teng y, hini khu ka-peangchi amtym ai nai phy paji pi,” nanai leu pei bo.

JOSUA 13:9

Nichi i nga nai khu ka-peang ly (Arnon tavo leaunghawi kachawnra awm nai) Arraw mary hawi tavo leaunghawi sala y awm nai mary tym pa-rei kau iy, Medeba mary hawi Dibon mary sala y awm nai mawi aheung verei abawi nai ne.

JOSUA 22:4

Vai ly nangchi i Areng Tameuh my adeu nai kamta, nangchi i chengchi ly tlamsa naimy awm u bo. Hunai deaungkho y nangchi ly Areng i miseaung Mosi my khai takhra pi nai, Jordan tavo nisi mang y awm nai, nangmychi i khu ka-peang mang y vawi u.

JOSUA 4:12

Ruben theaung, Kad theaung hawi Manase theaung ka-hyhreichi ly Mosi my leu pei yb nai kamta, takhra Israela chengchi i mo mang tavai ateaung syn naimy amsa u bo.

1 SAMUELA 13:7

Phyreichi ly Jordan tavo angpeang u iy, Kad hawi Kilead khu ka-peangchi mang y preang u; Sawla ly Kilakala mary y awm jo rai. Naibaly ni hawi vanrei awm nai risachi ly jei naimy kaso theu u bo.