JOSUA 13:6 - Khumi Common Language Bible

⁶ Peang vui ai nai awm rai nai khu ka-peangchi ly Lebanon mawi hawi Misrepho Main mary sala, mawi aheung meingtym y awm nai Sidon chengchi i khu ka-peang bawibawi py abawi nai ne. Israela chengchi ly hini prichi ai peang vui ai nai amsa u nai khala, nichi bawibawi ai kaimy paryh vui ai. Kai ly nang ai leu kang pei nai kamta, Israela chengchi i vui khu ka-peang bawibawi ai phy paji pi ai nai tla.

JOSUA 13:6 Iomraidhean Croise

SAM 80:8

Nang ly Aikupta pri i kreip keung syn iy, cheng takhrachi ai patheu pawn chum baly, nichi i pri y huni kreip keung ui bo.

Kati Nai 33:54

Israela cheng theaungchi hawi nupai bawibawichi teng y, huni pri ai tambe va iy phy pi ai nai tla. Nupai nawi, di ka-lyp khaileaung phy paji pi ai nai tla.

JOSUA 1:6

Nang ly atho sa iy vam parai naimy awm ba. Nang ly hini khumichi ai lu sa iy, nichi i amsi pajochi teng y kaimy pei ai adeu nai pri y kun iy tiu vui ai nai tla.

JOSUA 11:12

Josua ly huni samrang bawibawichi hawi, nichi i awm nai marychi ai tiu pajau iy, Areng i miseaung Mosi my leu pei nai kamta, mary i khumi bawibawichi ai leaungrei py, tleaung y pa-rei tleh pawn nai ne.

JOSUA 11:8

Areng ly Israela chengchi teng y paleung ka-echi tlang tleaung y eaung hai bo. Nichi ly tosyh mang Sidon mary hawi, Misrhoth Maim marychira y tym pa-rei py, nisi mang Mizapa leaunghawi y tym pa-rei py, paleung ka-echi ai tiu u i, leaungrei py tleaung y pa-rei padei u bo.

JOSUA 13:7

Hunai deaungkho y vai, nang ly Israela cheng theaung takawreichi hawi Manase theaung ka-hyhreichi teng y, hini khu ka-peangchi amtym ai nai phy paji pi,” nanai leu pei bo.

JOSUA 23:13

nangchi i Areng Tameuh ly nangchi tavai tiu u nai khala, huni khumichi ai ang patheu pi veng ai ny y, nanai pany u. Huni khumi chengchi ly nangchi i vui deaung, ti y baly hum, nangchi i nithun anam y tym nai vuinawn angjawi, ti y baly mei y patho viu nai kamta lawm ai. Nangchi i Areng Tameuh my ang pei nai, hini pri kahawi theung y nangchi myh kang vui na pa-rei, huni khumichi ly nangchi ai khrukhra hai ai.

JOSUA 23:4

Kai ly nisi mang Jordan tavo dengdairei, nidym mang Mrithe pangli y khrairei tiu i, pajau vui nai pri bawibawichi hawi vanrei tiu ai awm rai nai prichi ai, nangchi i theaungchi teng y phy paji pi chum bo.

JOSUA 23:5

Nangchi ly tiu ai awm asai rai nai prichi mang y tavai tiu u nai khala, nangchi i Areng Tameuh ly huni pri i khumichi ai nangchi teng i nai anaw iy preang hai pawn ai. Nangchi i Areng Tameuh my adeu nai kamta, nangchi ly nichi i khu ka-peang ai peang u vui ai.