JOSUA 13:5 - Khumi Common Language Bible

⁵ Kebala chengchi i pri, Heramon mawi tokalawi mang y awm nai Balakat mary dengdai Hamath mawi aleaung ryrei, nisi mang y awm nai Lebanon pri bawibawichi ai peang ai nai awm asai rai nai ne.

JOSUA 13:5 Iomraidhean Croise

1 ARENG KEH 5:18

Solomon i kalop sa naichi hawi Hiram i kalop sa naichi ly Achura Yhm sa ai nai molam y, Bebilo mary i khumichi hawi vanrei, lengseaungchi si nai hawi dengkeaungchi angvei u bo.

1 ARENG KEH 8:65

Huni Achura Yhm y Solomon hawi Israela cheng bawibawichi ly Taichy pawi kani saryhrei sa u bo. Khumi humchi ly tosyh mang Hamath mawi aleaung dengdairei, tokalawi mang Aikupta pri khujyhra khrairei, khumi mipui ka-teng ka-tang ny y na naichi jeu u achu nai ne.

SAM 83:7

Kebala, Ammon, Amalek, Philistia chengchi hawi, Turu mary i khumichi abawi u nai ne.

ISAIA 10:9

Kalano mary hawi Kakhemish mary, Hamath mary hawi Arpad mary, Samari mary hawi Damaska marychi ai kaimy tiu veng bo.

JEREMIA 52:9

Paleung ka-echi ly Zedekiah ai patiu iy samrang Nebukhadnezar awm nai Hamath khu ka-peang, Riblah mary mang y hawi u bo. Huni meingtym y my Nebukhadnezar ly Zedekiah ai tara chih nai ne.

Ezekiela 27:9

Sampho pathyp ai nai kupe kakawpchi ly Kibala mary i khumichi ne. Pangli y khuleaung chei nai sampho ngiereichira i sampho y kalop sa nai khumichi ly nang hawi ka-jo ka-van sa u nai ne.

AMOS 6:2

Kalaneh mary mang y chei iy khen cham. Hu i dengdairei Hamath mary mang py, Philistia pri kath mary mang py chei u. Huni prichi ly Juda hawi Israela prichi tleaung y hawi keh lawh a? Nichi i khu ka-peang ly nangchi i khu ka-peang tleaung y kau lawh sai a?

Kati Nai 13:21

Hunaibaly nichi ly tosyh ngan mang y chei u i, huni pri tokalawi Zin daichi ka-vym tosyh mang Hamath mawi aleaung sala i Rehob mary y khrairei pri khen paviu u bo.

Kati Nai 34:8

Hu i dengdairei Hamath mawi aleaung mang py kan prei iy, hu i bi baly Zedad mang py,

Leu Thui Nai 1:7

Tai aphrei iy khuleaung amso u jau. Amori chengchi awm nai mawitleaung pri hawi, huni sahawi i mawitleaung pri, adym angdeang, Jordan tavo jawn, tokalawi khu hawi Mrethe pangli mang y chei u. Hunaibaly Kanan pri mang y chei u, hu i bo baly Lebanon mawi lem iy Euphrat tavo tym pa-rei chei u.

Leu Thui Nai 3:25

Aw Areng, kai ai Jordan tavo angpeang ai nai pei kyh ly humang vai i paitiu khuta hawi nai pri ai py, apu parai nai mawitleaung pri hawi Lebanon mawichi ai py niu ai nai pei kyh,’ nanai takeng bo.

JOSUA 11:17

Israela chengchi my peang vui nai khu ka-peang ly tokalawi mang Edom pri sahawi Halet mawi dengdairei, tosyh mang Heramon mawi tokalawi mang, Lebanon leaunghawira awm nai Balakat mary tym pa-rei kau nai ne. Josua ly huni khu ka-peang y peang nai samrangchi hawi, neng kra parai pa-rei tavai atiu; na i py ni ly huni samrang bawibawichi ai patiu iy padei pawn nai ne.

JOSUA 11:3

Huni bo y ni ly Jordan tavo peang y awm nai Kanan chengchi, Amori chengchi, Perizi chengchi, mawitleaung pri y awm nai Jebusi chengchi, Mizapa pri Heramon mawi kheutang y awm nai Hivit chengchi teng y py satang thai hai bo.

JOSUA 12:7

Josua hawi Israela chengchi ly Jordan tavo nidym mang Lebanon leaunghawi y awm nai Balakat mary dengdairei, tokalawi mang Edom pri sahawi i Halet mawi tym pa-rei kau nai meingtym y peang nai samrang bawibawichi ai tiu i, pajau vui nai ne. Josua ly hini meingtym ai Israela theaung bawibawichi teng y amtym jojo ai nai khu paji pi bo.